Eklesiastes 11:2 - Bible Ni Thothup

² Mu tay e salpiy rom nga boch e bank u bang ngu bang’, mu tay nga boch ni pire’, ya da mu nang ko mit i mang buchwa’athan e bay yib ngalan e re fayleng ney.

Eklesiastes 11:2 Referans Kwoze

Proverbs 6:16

Medlip ban’en ni bay ndabun SOMOL ni dabyag ni nge k’adan’ riy: changar ni ufanthin, ba yunmon nma lifith e thin, pa’ef nma thang e pogofan rok e girdi’ ndawor ra bucheged ban’en, ba leam nma tanomnag e kireb, rifrifen ay nma gur ni nge yan i ngongliy e kireb, be’ ni ir e mich u ban’en ni go’ malfith e i weliy, nge be’ nma k’aring e oloboch nga thilin e pi tafager.

Psalms 112:9

Ba gol ngak e pi’in ke t’uf e ayuw rorad, ma feni gol e der ma thil; bayi gel gelngin ngu’un tayfan.

BABYOR NI JOB 5:19

Gubin yay ni ir e ma ayuwegnem ni dabi buch ban’en rom;

Daniel 4:27

Pilung rog, ngam fol ko tin ni nggog ngom ngam tal ndab ku um ngongliy e denen, ma ga rin’ e tin nib mat’aw; ma ngam runguy e pi’in gafgow. Ga ra rin’ ni aray rogon me yan nga luwan e kireb ni um rin’ mu’um par ni bfel’ rogom i yan.”

Hebrews 13:3

Dab mpaged talin e pi’in ni ka nin’rad nga kalbus, ni ngu’um leam naged ni susuna gimed bay rorad u kalbus. Dab mpaged talin e pi’in yad be gafgow, ni ngam leam naged ni susuna gimed be un ko gafgow ni yad be tay.

Efesus 5:16

Urngin yay nra mab e kanawo’ ngomed ma ngam maruwelgad ngay ni fan ko tin ni bfel’, ya tiney e rran e mmo’maw’.

Galatia 6:1

Pi walageg ni girdi’en Kristus, fa’anra rin’ be’ ban’en nib kireb, ma gimed e pi’in ni fare Kan ni Thothup e be gagiyeg nagmed e ngam guyed rogon fa’anem nge sul ngarogon nge par nike mat’aw bayay; machane thingar mu rin’ed u fithik’ e sumunguy. Ma ku er rogomed ni ngam guyed rogomed, nge dabiyag ni mu paged gimed ko n’en nma pingeg e girdi’ nge denen.

Luke 17:4

Ma fa’anra ngongliy e kireb ngom ni medlip yay u lan ta’reb e rran, ma urngin yay nra rin’ me yib i wenig ngom, ma thingar mu n’ag fan u wun’um.”

Matthew 18:22

Me fulweg Jesus ni ga’ar, “Danga’, gathi medlip yay, ya medlip yay e medlip i ragag,

Matthew 5:42

Fa’anra ning be’ ban’en ngom, ma ga pi’ ngak; fa’anra ba’adag be’ ni nge fek ban’en rom nge maruwel ngay nge mu’ miki fulweg ngom, ma ga pi’ ngak.

Mikah 5:5

ma bayi fek e gapas i yib. Ra yib piyu Assyria ra m’aged e mael ko nam rodad miyad kuruf e yoror ni kad ted ni fan ko mael, ma gadad pi’ e pi’in nth’abi gel ni yad be yog e thin rodad ngar chamgad ngorad.

Ester 9:22

Irera’ e pi rran ni thang pi Jew owchen e pi to’ogor rorad; irera’ e re pul ni meyor nge marus ni un tay e thil nge yib e felfelan’ nge fel’ laniyan’ nga luwan. Minog ngorad ni ngu’ur madnom niged e gali rran ney ni yad be mur u fithik’ e felfelan’, ma yad be pi’ rorad e ggan ni tow’ath ma ngkur pi’ed boch ko pi’in gafgow.

Ester 9:19

Irera’ fan ni pi Jew ni yad ma par u lan yuchi binaw nib achig e yad ma tay e rofen ni ragag nge aningeg e rran ko pul ni Adar ni yaran e falfelan’, nge mur, ma yad be thilyeg e tow’ath rorad ni ggan.

Nehemiah 8:10

Ere msulod nga tabinaw ngam murgad. Mu f’othded boch e ggan nge wayin romed rok e pi’in nde gaman rorad. Bin daba’ e rran e ba thothup ni fan ngak e SOMOL rorad, ere dabi kireban’med. Felfelan’ nma pi’ SOMOL ngomed e bay i pi’ gelngimed.”

Proverbs 19:17

Ga ra pi’ ban’en ngak e gafgow, ma bod ni SOMOL e ka mu pi’ ngak, ra sulweg SOMOL puluwon ngom.

Eklesiastes 11:3

Ra sug e manileng ko ran, me aw nn’uw. Gin nra thig ba ke gek’iy ngay e aram e gin ni bay i par riy.

Eklesiastes 11:8

Ngi i felan’um ko gubin e duw ni ga be par ni gabfos. Ndemturug n’umngin nap’an nra um par, ma dabi m’ay u wunum’ ni ga ra yim’ ma ka ba n’uw nap’an ni ga ra par ni gab yam’. Dariy ban’en ngabang ni nge lagan’um ngay.

Eklesiastes 12:1

Ere mu leamnag e en ni sunumiyem ko ngiyal’ ni ka gabpagel ndawor mu taw ko pi rran nge duw ni kabay nga m’on ni bay mu taw ngay ma kam pilibthir, me lungum, “Dakugur felfelan’ ko biney e tamilang.”

1 Samuel 25:8

Kemus ni ngam fithrad miyad weliy ngom. Kugbad ko re rran ni yaran e madnom, ma be wenignag David ngom ni ngam gol ngomad nggu fel’gad u wun’um. Wenig ngom mu pi’ e tin nrayag ni ngam pi’ ngomad e pi tapigpig rom nge ngak e fager rom i David.’”