Eklesiastes 10:8 - Bible Ni Thothup

⁸ Fa’an ga ra ker e low, ma ga ra mul nga langgin; ma fa’an ga ra bilig e rungrung nga barba’, mra k’adem e porchoyog.

Eklesiastes 10:8 Referans Kwoze

Proverbs 26:27

Girdi’ nma tay e wup ni nge aw boch e girdi’ ngay e yad e yad ma aw ngay. Girdi’ nma tabab i lobbiy e malang e yad e ra lobeb nga dakenrad.

Ester 7:10

Ma aram mi ni uchuliy Haman nge yim’ ko fare fen e mo’ochol nike chamey ni fen Mordekai. Aram me m’ay e damumuw rok fare pilung.

Amos 9:3

Ma yad ra mith u daken p’ebugul e burey ni Karmel, ma gu ra gayrad nggu kolrad. Ma yad ra mith rog nga t’ay e regur, ma gu ra yog ko kokow nu maday nge k’adrad.

Amos 5:19

Ra yan i par ni bod be’ ni mil rok ba layon me mada’ nag ba bear! Ara bod be’ ni yib nga tabinaw rok me gif nga pa’ nga downgin e rungrung me k’ad ba porchoyog pa’!

2 Samuel 17:23

Ma fa’ani guy Ahithofel nda nfol ko tin keyog, me af nga daken e dongki rok nge sul ko birok e binaw. Me fal’eg rogon e tirok ban’en, nge mu’ me uchiliy k’angan. Mi ni yan ni chibgiliy ko re low ni ba’aram ni yima chibgiliy girdi’en e tabinaw rok ngay.

Judges 9:5

Me yan nga tabinaw rok e chitamngin u Ofra, me li’ fa medlip i ragag i pumo’on ni walagen ni pifak Gideon u daken ta’ab malang. Machane Jotham, ni bin th’abi bitir ko fapi pumo’on ni fak Gideon, e mith ma de yag nthang e fan rok.

2 Samuel 18:15

Me yib ragag e salthaw rok Joab ra li’ed Absalom ngari yim’.

Psalms 57:6

Ke pag e pi to’ogor rog bangi nug ni nggu aw ngay; kari paraw lanin’ug. Ka ra kired ba low u lane kanawo’ rog, machane yad e kar mulgad nga langgin.

Proverbs 11:6

Mat’aw e ra ayuweg e pi’in yul’yul’ ni dabi buch ban’en rorad, ma pi’in dabyag ni nge pagan’uy ngorad e ke m’agrad e chogow rorad.

Eklesiastes 10:9

Fa’anra ga be maruwel u lan e gin yima ker e malang riy ma ga ra maad’ad ko malang. Fa’anra ga be sey e l’ud ma ga ra maad’ad riy.