Eklesiastes 10:16 - Bible Ni Thothup

¹⁶ Ba gafgow ba nam ni pilung riy e ka ba pagel ma pi tagagiyeg e go’ mur e yad be tay ni n’umngin e nep’.

Eklesiastes 10:16 Referans Kwoze

Isaiah 3:12

Pi’in yad ma pi’ e salpiy ni ku yira sulweg e yad be gafgownag e girdi’ rog, ma pi’in karted e malfith e yad ra sasalap ngorad. Girdi’ rog, pi’in ma tayethin romed e yad be sasaliyab nagmed, ya nge dab mu nanged ko uw e gin ngam chelgad ngay.

2 Kronicles 13:7

Me tomur riy me kunuy ba ulung i girdi’ ni kireb ndariy rogorad ngabang, miyad suruy Rehoboam nib mo’on ni fak Solomon nge fol u laniyan’rad, ya be’ ni kab pagel ma denang rogon ni nge siyegrad.

2 Kronicles 36:9

Jehoyakin e ragag nge meruk e duw yangren me mang pilung nu Judah, me gagiyeg u Jerusalem ni kemus ni dalip e pul nge ragag e rran. Ma ku errogon niki denen nib togopluw ngak SOMOL.

2 Kronicles 36:5

Jehoyakim e rliw’ nge lal e duw yangren me mang pilung nu Judah, me gagiyeg u Jerusalem ni ragag nge ta’reb e duw. Me denen nib togopluw ngak SOMOL ni Got rok.

2 Kronicles 36:2

Joahaz e rliw’ nge dalip e duw yangren me mang pilung nu Judah, me gagiyeg u Jerusalem ni dalip e pul.

2 Kronicles 36:11

Zedekiah e rliw’ nge ta’reb e duw yangren me mang pilung nu Judah, me gagiyeg u Jerusalem ni ragag nge ta’reb e duw.

Proverbs 28:16

Ba tagagiyeg nde tamilang laniyan’ e ra gafgownag e girdi’; machane be’ ndabun e sasaliyab e ra gagiyeg nib n’uw nap’an.

Eklesiastes 10:15

En nma maruwel nge aw parwon e rib balyang ni mus nga kanawo’en nga tabnaw ma dabi pir’eg.

1 Kings 12:11

Fa’anra ba gel e maruwel ni i pi’ e chitamag ngomed, ma ka ba gel e maruwel ni bay gu pi’ ngomed. I toymed ko dumow, me gag e bay ug toymed ko dumow ko garbaw!”