Eklesiastes 10:12 - Bible Ni Thothup

¹² N’en nma yog be’ nib gonop e ra ga’nag bugwan, machane be’ nib balyang e ra kirebnag ir ko thin rok.

Eklesiastes 10:12 Referans Kwoze

Kolose 4:6

Ma gubin ngiyal’ nthingar umogned e thin ngorad ni bfel’ ma bay fan, ma thingar mu nanged rogon ni ngam pi’ed e fulweg nib mat’aw ko tin ke fith be’ nge be’ ngomed.

Luke 4:22

Ma gubin e girdi’ ni immoy u rom e rogned e sorok ngak, miyad gin ko pi thin nem ni bfel’ nike weliy ngorad. Me lungurad, “Gathi ireray fa’anem ni fak Josef?”

Proverbs 22:11

Fa’anra ga ba’adag e gumircha’ nib machalbog nge welthin nib gol mab simnguy, ma en pilung e ra mang tafager rom.

Proverbs 15:2

Ra non e girdi’ nib gonop, me m’ug feni fel’ e llowan’, machane pi’in balyang e ma yib e thin ni dariy fan u l’ugunrad.

Efesus 4:29

Dab umogned e thin nib kireb ku be’. Kemus ni thin nra ayuweg be’ e ngu u mogned, ni fa mit nem e thin nma fonownag e girdi’ me yib fan ngorad, fan e tin ni ngmogned e nge rin’ e tin ni bfel’ ban’en ngak e pi’in kar motoyilgad ngomed.

Luke 19:22

Me ga’ar ngak, ‘I gur reb e tapigpig ni gab tagan! Thin ni kamog e ir e bayi turguy e gechig rom! Ga manang ni gag be’ ndagur runguy be’, ma gu ma fek e tin ni gathi tirog ma gu ma fek e tin nda gu yung.

Matthew 12:35

Ya be’ ni bfel’ e ma fek e tin ni bfel’ ban’en ko tin ni bfel’ nike kunuy; ma be’ nib kireb e ma fek e tin nib kireb ban’en ko pin’en nib kireb nike kunuy.

Proverbs 31:26

Ma welthin nib sumunguy u fithik’ e gonop.

Proverbs 26:9

Be’ nib balyang ni be ma’afdal be yog e thin ni bay e gonop riy e ra yib ngan’um be’ nib chingnag ni be guy rogon ni nge luf e rchangal u pa’.

Proverbs 19:5

Fa’an ga ra weliy e thin nde riyul’ u tafen e puf oloboch, ma yira gechig nagem, ndariy e gin ngam mil ngay.

Proverbs 15:23

Ri dakriy ba felfelan’ ngay, ni ga ra pir’eg e re bbugithin nib mat’aw ni nganog ko ngiyal’ ni ngamog.

Proverbs 12:18

Marog thin e rayag ni nge maad’ad nga laniyan’ be’ nib to’ar ni bod bangi saydon, machane thin nnog nib gonop e rayag ni gol nigey.

Proverbs 10:10

Be’ nma mithag e tin riyul’ e ma k’ar oloboch, ma cha’ nma yog thibngin ban’en nib tamilang e be marwuliy e gapas.

Proverbs 10:8

Girdi’ nib sul laniyan’ ngak e ma motoyil ko fonow ni bfel’. Ma pi’in yad ma yog e thin ko balyang e ra yib e kireb riy ngorad.

Psalms 140:9

Dab mu pag e pi to’ogor rog ngar gelgad; mu gagiyegnag e pi thin rorad ni kireb nib sor ngog nge sul ngorad.

Psalms 64:8

Bayi thangrad ni bochan e pi thin nem; gubin e pi’in nra guyrad miyad chichingeg lolgurad.

Psalms 37:30

Thin rok be’ ni bfel’ e bay e gonop riy, ma tin ma weliy e bmat’aw.

BABYOR NI JOB 16:5

Rayag ni nggu pi’ e athamgil nga lanin’med ko fonow ma dab gu tal ko welthin nge fel’ lanin’med.

2 Samuel 1:16

me ga’ar David ngak fare Amalekite, “Gur e kam girengiy e biney e pa’ nga dakenam. Gur e mu turguy e n’en ni ngan rin’ ngom nnap’an ni mog ni gur e kam li’ e en ni SOMOL e turguy ni nge mang pilung.”

Eklesiastes 4:5

yad be yog nib balyang be’ nike uchmiy pa’ ngak nge pag ir nge li’ e mak’iy.

Eklesiastes 9:17

Ka bfel’ boch ni ngan motoyil ngab lam nib sobut’ mab munguy ni lungun be’ nib gonop ko ngan motoyil ko tolul’ rok ba pilung u fithik’ ba ulung i balyang.

Eklesiastes 12:11

Pi thin ko gonop e bod noch lay i ren ni kan uthum nma fanay e pi’in nma gafaliy e saf ngu’ur gafaliyed e saf rorad ngay, thin ni gonop nikan kunuy e ra par ni rib mmich ni bod bogi ban’en ni kan rrichbiy nga ta’bang. Gubin ni yib rok Got, ni ta’are tagafaliydad ni gadad gubin.

Eklesiastes 5:2

Mu leam u m’on ni ngam welthin ma dab mu gur ngam micheg ban’en ngak Got. Ya Ir e bay u tharmiy me gur e ga bay u fayleng, go’ tin bt’uf e ngamog.

Eklesiastes 5:6

Dabi mang thin rom e nge waliyem ngam denen, ma ga yan mog ko prist rok Got ni gathi lanin’um ni ngamog. Mangfan ni ngam k’aring Got nge damumuw ngom? Mangfan ni ngam k’aring nge gathey e tin ka mu muruwliy?