Efesus 6:2 - Bible Ni Thothup

² “Mu liyor ko chitamam nge chitinam” e bin som’on e motochiyel ni bay bbugithin nni yigey ngay ri ga’ar:

Efesus 6:2 Referans Kwoze

Exodus 20:12

“Mu liyor ko chitamam nge chitinam nge n’uw nap’an ni mu par ko gi binaw nike pi’ SOMOL ni Got rom ngom.

Deuteronomy 27:16

“‘Nge bucheg Got wa’athan e en nra i dariyfannag e chitamngin ara chitinngin.’ “Me fulweg e girdi’ ni gubin ni lungurad, ‘Amen!’

Proverbs 20:20

Fa’anra um yibley ni nge buch wa’athan e gallabthir rom. Mra mus e birom e yafos ni bod ba magal nike math u fithik’ e lumor.

Malaki 1:6

I SOMOL ni Gubin ma Rayag Rok e be ga’ar ngak e pi prist, “Pi’in bitir e yad ma liyor ko gal labthir rorad, nge pi tapigpig e yad ma liyor ko pi masta rorad. I gag e chitamangimed, ere mangfan ni damur liyorgad ngog? Dubmed gag, ma ke chiney ma gimed be fith ngog ni gimed be ga’ar, ‘Uw rogon ni dubmad gur?’

Ezekiel 22:7

Dakriy bigmed u lan binaw nma liyor ngak e gallibthir rok. Gimed be sasalap ko milekag ma kemang i ta’ ngomed ni gimed be gafgownag e pi’in keyim’ figirnginrad nge bitir ni kanim’ rorad.

Jeremiah 35:18

Ma aram mu gog ko fare ke girdi’ ni Rekab ni SOMOL ni Gubin ma Rayag Rok, ni Got rok yu Israel, e ke ga’ar, “Gimed e kam folgad ko n’en ni tay Jonadab ni chitamangimed chiylen ngomed; ma gimed be falwok u gubin e motochiyel rok, ma gubin e tin ni tay chiylen ngomed e go’ ka mu rin’ed.

Roma 13:7

Ere mpi’ed e salpiy ni ngam pi’ed ngorad, ni urngin e tax ni yima pi’, mi gimed liyor ngorad mi gimed tay farad ni yad gubin.

Deuteronomy 5:16

“‘Mu liyorgad ko chitamangimed nge chitiningimed, ni bod ni Gag SOMOL ni Got romed e kug taychilen ni ngam rin’ed’, ya nge par ni ngi i fel’ wa’athmed ma ku arrogon ni ngki n’uw nap’med u lan tafenmed ni kug pi’ ngomed.

Jeremiah 35:7

Miki yog ngomad ni dab gu dumow naun gad ara gu wolduggad ko fare nam ara gu yunged e grape ara gu chuw’iyed. I ta’chiylen ngomad ni gubin ngiyal’ ni tent e ngu’ug pired riy, ya nge yag ni gu magachgad u daken e re but’ ney ni gin gamad be par riy ni bod e milekag.

Efesus 6:3

“ni fan e ngu’um par ni bfel’ rogom, me n’uw nap’an ni mu par u daken e binaw.”

1 Timothy 5:4

Ma fa’anra bay be’ ni bpin ni aray rogon ma bay pifak ara pifak pifak, ma susun e som’on e nge fil e pi’in ni pifak nem rogon ni ngar ngongliyed e maruwel rorad nrogon e maruwel nma tay girdi’en Kristus ngak girdi’en e tabinaw rorad, ireray kanawo’en miyad fulweg taban e magaer rok e matam nge matin rorad nge matam nge matin rok e gallibthir rorad, ya ireram e n’en nib m’agan’ Got ngay.