Efesus 6:19 - Bible Ni Thothup

¹⁹ Ma ku errogon gag ni ngu’um meybil niged gag, nge yag ni pi’ Got ngog e tin ba’adag ni nggu weliy, nge yag ni gu weliy ndab kug tamdag me yag ni gu tamilangnag fan e n’en nib mith ko thin ni bfel’.

Efesus 6:19 Referans Kwoze

Kolose 4:3

Mu ku um yibiliyed gamow, nge bing Got e kanawo’ ngomow nge yag ni gu machib nigew e thin rok ngak e girdi’, ma gamow weliy e tin immoy nda nnang ni murung’agen Kristus. Ya ireray fan ni gu bay u kalbus e chiney.

Acts 4:29

Somol, mu changar ko tin karogned ni yad ra rin’ ngomad, ma ga ayuwegmad e pi tapigpig rom nggu weliyed e thin rom ndab kug rusgad.

2 Thessalonika 3:1

Pi walageg ni girdi’en Kristus, mpi’ed e meybil romad nge yag ni i wear e re thin rok Somol ney nib machreg, me gilbuguwan ni bod rogon ni wear u fithik’med.

1 Thessalonika 5:25

Pi walagmad ni girdi’en Kristus, ku um pi’ed e meybil romad.

Hebrews 13:18

Um pired ma gimed be yibiliymad ngak Got. Ya gamad e bmuduwgilan’mad ngomad ndariy ban’en ni be yog lanin’mad ngomad ni kug rin’ed nib kireb, ya gamad ba’adag ni ngu’ug rin’ed e tin nib mat’aw ni gubin ngiyal’.

Acts 4:31

Ma fa’anra mu’gad ko meybil, me rur fa gin’en ni kar mu’ulunggad ngay. Ma yad gubin ni yib i suguyrad fare Kan Nthothup miyad tabab i weliy e thin rok Got ngak e girdi’ ndaki yib e marus ngorad.

1 Thessalonika 2:2

Gimed manang rogon e gafgow ntay ngomad nge thin nib kireb ni unog ngomad u Filippi u m’on riy ndawor gu bad ngomed nga Thessalonika. Machane Got rodad e pi’ e athamgil nga lanin’mad ni nggu weliyed ngomed fare Thin Ni Bfel’, ni yugu ireram gelngin e togopluw ni yibe tay ngomad.

2 Korinth 8:7

Gimed e ri bo’or ban’en romed: ni aram e michan’, nge salap ko welthin, nge tin gimed manang, nge rogon ni gimed ba’adag ni ngam pi’ed e ayuw, nge rogon ni gamad ba t’uf romed. Ere gamad ba’adag ni ngkum pi’ed boch ban’en ni pire’ ko re ayuw ney ni ayuw u fithik’ e t’ufeg.

Efesus 1:9

e rin’ riy e tin ke finey, me dag ngodad e n’en nike tay nib mith nike mu’ i leamnag rok ni nge libguy u daken Kristus.

1 Korinth 4:1

Susun e ngam changargad ngomad ni gamad e pi tapigpig rok Kristus ni gamad e kan ta’mad nike milfan ngomad e tin riyul’ ni kem’ay i leamnag rok Got.

Acts 28:31

Mi i machibnag murung’agen e gagiyeg rok Got ma be machibnag murung’agen fa’anem i Somol Jesus Kristus, ni be welthin nder tamdag, tuntun ara magagawon.

Acts 19:8

Me yan Paul ngalan tafen e mu’ulung, ma dalip e pul ni par ni be welthin ngak e girdi’ nder tamdag, ni be malu’ag thin ngorad ni be guy rogon ni nge mich u wun’rad rogon e gagiyeg rok Got.

Acts 13:46

Machane fin aram e welthin Paul nge Barnabas ndar rusgow ni be lungurow, “Ri dabisiy ni gimed e som’on ni ngan weliy e thin rok Got ngomed. Machane fa’anra kam n’iged, ma damur fineyed ni bay rogomed ni nge yag e yafos ndariy n’umngin nap’an ngomed, ma bay gu pagew gimed nggu warow ngak e pi’in gathi yad piyu Israel.

Filemon 1:22

Mu kum fal’eg rogon reb e singgil ngog, ya gu be finey ni bayi fulweg Got taban e meybil romed ni gimed gubin nge fulwegeg ngomed.

Kolose 2:2

Gu be rin’ ni aray rogon ni bochan e nge athamgil lanin’rad miyad chichir nga ta’bang u fithik’ e t’ufeg rorad ngorad, me ri pagan’rad ko tin kar nanged fan ni ir e ba riyul’. Ma aram miyad nang e tin rib fel’ ni kem’ay i leamnag rok Got, ni er Kristus.

2 Korinth 3:12

Ri darid tamdaggad, ni bochan e ke l’agan’dad ko ren’ey.

1 Korinth 1:5

Ke pig pangimed ni polo’ kari manigil ni mus ko thin ni gimed be yog nge thin rok Got ni kam nanged fan, ni bochan e kam ta’ab girdi’gad Kristus.

Acts 14:3

Me par fa gal apostel u rom nib n’uw nap’an. Mu ur weliyew murung’agen Somol nda ur rusgow, me Somol e micheg ni thin ni yow be weliy ni murung’agen e runguy rok Somol ngak e girdi’ e ba riyul’ ni fan e pi’ gelngirow ngu’ur ngongliyew bogi maang’ang nge bogi ban’en ni un ngat ngay.

Acts 9:27

Ma aram me yib Barnabas i ayuweg nge fek i yan ngak fapi apostel, me weliy ngorad rogon nike guy Saul Somol u daken e kanawo’, ma ke welthin Somol ngak. Miki weliy ngorad rogon nike machib Saul u fithingan Jesus u lan yu Damaskus nda i rus.

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

2 Korinth 7:4

Kari pagan’ug ngomed, ma ke felan’ug ngomed! Ku gu be par nib athamgil lanin’ug, ma gub sug ko felfelan’ u fithik’ urngin e gafgow ni gamad be mada’nag.

2 Korinth 1:11

ya gimed be pi’ e meybil romad ni pire’. Ere pi meybil nir ni fan ngomad e bayi pi’ Got e fulweg riy ngomed, ya bayi ayuwegmad Got; ma aram e bo’or e girdi’ ni bay ra pininged e magaer ngak ni bochmad.

1 Korinth 2:7

Re gonop ni ir e gu be weliy murung’agen e gonop rok Got nib mith, nde nang e girdi’, ni Got e ke duwgiliy ke tay ni fan ko fla’ab rodad ni ka ngiyal’ ni ba’aram ndawor ni sunumiy e fayleng riy ma kem’ay i turguy rok.

Roma 15:30

Pi walageg, ri gu be wenig ngomed u daken e Somol rodad i Jesus Kristus ngu daken rogon nma t’uf e girdi’ ni fare Kan Nthothup e ma yib rok ni be lungug: mu uned ngog ngar da pi’ed e meybil rog ngak Got.

Acts 18:26

Me tabab ko machib u lan tafen e mu’ulung nde tamdag. Ma fa’ani rung’ag Priscilla nge Aquila e thin rok, miyow fek nga tabinaw rorow ngar weliyew ngak murung’agen Kanawo’en Got nib puluw.

Acts 4:13

Me gin girdi’en e re ulung nem ngak Peter nge John ngarogon ndarir rusgow, ma ku ra gin gad ngorow ya ra pir’eged ni yow l’agruw ndariy e sukul rorow. Miyad nang ni yow l’agruw ni’ ni ur unew i yan ngak Jesus.

Acts 2:4

Mi yigo’o sugnagrad e Kan Nthothup miyad tabab ko numon nlungun boch e nam, ni bod rogon nike muruwliyrad fare Kan Nthothup ni ngar nonod.

Acts 9:29

Ma ki i welthin ma be malu’ag thin ngak piyu Israel ni pi’in yad ma non nthin ni Greek, machane miyad guy rogon ni ngar thanged e fan rok.

Roma 16:25

Ngad pininged e sorok ngak Got! Ya ir e rayag rok ni nge taymed ni gimed bmuduwgil u fithik’ e michan’ romed ngak, ni bod rogon ni be yog e fare Thin Ni Bfel’ ni gu be machibnag, ni murung’agen Jesus Kristus, ma bod rogon nike dag e tin nib riyul’ ni i par nib mith nike kakrom i kakrom.

2 Korinth 6:11

Tafager rog ni gimed bay u Korinth! Kug welthingad ngomed nda gu tinna’gad ngomed, kug weliyed lanin’mad ngomed.

Efesus 3:9

mu gu tamilangnag urngin e girdi’ u rogon ni be muruwliy Got e tin kem’ay i leamnag rok ni i tay nib mith. I Got ni ir e sunumiy urngin ban’en e tay nib mith e n’en ni kem’ay i leamnag rok ni kab kakrom i yib,