Efesus 6:18 - Bible Ni Thothup

¹⁸ Mu rin’ed urngin e pin’ey u fithik’ e meybil, ngu’um weniggad ngak Got nge ayuwegmed. Gubin ngiyal’ ni ngu’um meybilgad nrogon ni be pateg fare Kan Nthothup nga lanin’med. Ireray fan ni ngar mu tedan’med ma dab mpaged gimed; gubin ngiyal’ ni ngu’um yibiliyed urngin e girdi’ rok Got.

Efesus 6:18 Referans Kwoze

1 Thessalonika 5:17

mu um meybilgad ni gubin ngiyal’,

Kolose 4:2

Dab mpaged e meybil, mu tiyan’med ko ngiyal’ ni gimed be meybil riy, ma gimed be pining e magaer ngak Got.

Filippi 4:6

Ma dariy ban’en ni nge magafan’med ngay, machane fa’an gimed ra meybil ngak Got mi gimed ning ngak e tin nge yag ngomed, ma gubin ngiyal’ ni ngu’um ninged ngak ni gimed be pining e magaer ngak u lanin’med.

1 Timothy 2:1

Ere bin som’on e gu be wenignag ngak girdi’en e galesiya ni ngu’ur meybilgad ngak Got ni fan ngak urngin e girdi’, ma yad be wenig ngak ni nge runguyrad, miyad pining e magaer ngak ni fan e tin ni bayi rin’ ni fan ngorad,

Jude 1:20

Machane gimed e pi tafager rog, e ngu’um gel niged gimed ko mich romed nib th’abi thothup. Um meybilgad ngak Got u fithik’ gelngin fare Kan Nthothup,

Mark 14:38

Me ga’ar ngorad, “Um odgad ngu’um meybilgad ngak Got nge siy mpaged gimed ngak e pin’en nma pingeg e girdi’ nge denen. Ya lanin’uy e ba’adag, ma dowef e bme’waer.”

Luke 21:36

Um pired ni kam fal’eged rogomed ma gimed be meybil ni gubin ngiyal’ nge yib gelngimed nge yag ni mmarod u fithik’ urngin e pin’ey ni bayi m’ug ni dabi buch ban’en romed mi gimed yan mu sak’iygad nga p’eowchen e en ni Fak e Girdi’.”

Matthew 26:41

Um odgad ngu’um meybilgad ngak Got, nge siy mpaged gimed ngak e pin’en nma pingeg e girdi’ nge denen. Ya lanin’uy e ba’adag, ma dowef e mme’waer.”

Daniel 9:20

Gu par ni gu be meybil ma gu be puwofay nag e denen rog nge denen rok e girdi’ ko nam rog nu Israel ngak SOMOL ni Got rog ni nge fulweg e Tempel rok nib thothup nga rogon.

Efesus 1:16

ma dawor gu tal ni yug gu be pining e magaer ngak Got ni bochmed. Dagur ma pag telimed ko meybil ni gu ma tay,

Psalms 6:9

be motoyil ko man ayuw ni gu be yornag ma bayi fulweg taban e meybil rog.

Roma 12:12

Mpired ni be l’agan’med ngak Got nge mang ir e i tay med ni gimed ba felfelan’, mu um pired nib gum’an’med u fithik’ e tin be yib ngomed ni gimed be gafgow riy, mu um meybilgad ni gubin ngiyal’.

Mark 13:33

Mu ayuwgad mi gimed tiyan’med, ya da mu nanged e ngiyal’ nra taw ko re ngiyal’nem.

1 Peter 4:7

Ke chugur nga tungun urngin ban’en. Thingar um pired ni gimed be filmunguyan’med ma gimed be tiyan’med, nge yag ni um meybilgad.

Acts 1:14

Miyad ngongliy reb e ulung ngu’ur meybilgad ni yad e pi’in ni ppin, nge Maria ni chitiningin Jesus, nge pi pumo’on ni walagen Jesus.

Luke 22:46

Me ga’ar ngorad, “Mang ni gimed be mol? Mu odgad ngam meybilgad ngak Got nge siy mpaged gimed ngak e pin’en nma pingeg e girdi’ nge denen.”

Psalms 4:1

Mu fulweg taban e meybil rog, A Got, ni gur e rungrung rog! Nap’an ni ug moy u fithik’ e oloboch, ma gur e mu aywegeg. Mu gol ngog e chiney ma ga rung’ag e meybil rog.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.

2 Timothy 1:3

Gu ma pining e magaer ngak Got, ni ir e gu be pigpig ngak ma dariy ban’en ni be yog lanin’ug ngog ni kug rin’ nib kireb, ni bod ni i rin’ pi chitamag. Gu be yibilayem ngak Got ma gu be pining e magaer ngak ni bocham nneap’ nge rran.

Filippi 1:4

ma urngin yay ni gu ma pi’ e meybil romed ngak Got ma gu ma yibil u fithik’ e felfelan’,

1 Kings 8:52

“SOMOL nib Th’abi Tolang, mang e yigi par e girdi’ rom nu Israel nge pilung rorad ni yad bfel’ u p’eowchem, mu’um rung’ag e meybil rorad ko ngiyal’ ni yad ra wenig ngom ni ngam ayuwegrad.

1 Kings 9:3

Me ga’ar SOMOL ngak, “Ku gu rung’ag e meybil rom. Re Tempel ney ni kam toy e ku gu tay nike mang Tempel rog ni ngu’un meybil ngog riy ndariy n’umngin nap’an. Bay ug matanagiy ma gu be yoror riy ni gubin ngiyal’.

1 Kings 8:54

Fa’ani mu’ Solomon ko meybil ngak SOMOL, me sak’iy u m’on ko altar ni aram e gin ni ragbug riy nga but’ nge par nike pug pa’ ngalang nruw raba’.

Efesus 6:19

Ma ku errogon gag ni ngu’um meybil niged gag, nge yag ni pi’ Got ngog e tin ba’adag ni nggu weliy, nge yag ni gu weliy ndab kug tamdag me yag ni gu tamilangnag fan e n’en nib mith ko thin ni bfel’.

Acts 12:5

Ere ntay Peter u kalbus, machane girdi’en e galesiya e ra pired ni yad be pi’ e meybil rok ngak Got.

Hosea 12:4

ra thalgow ba engel nge gel ngak. Mi i yor Jakob ni be ning ni ngan fal’eg wa’athan. I yib Got ngak e ga’ rodad i Jakob u Bethel ngeb i non ngak.

Daniel 6:10

Fa’ani nang Daniel ni kan sayin ko fare gi babyor, me yan nga tabinaw. Ma bay ba senggil ko thal ni lang ko naun rok nib sap e winda riy nga Jerusalem. Bod ni ku ma rin’ ni gubin e rran, ma garbug nga but’ u langan e winda rok nib mab nge meybil ngak Got ni dalip yay u reb e rran.

Isaiah 26:16

SOMOL, ka mu gechignag e girdi’ rom, mu fithik’ e gafgow e yad be meybil riy ngom.

1 Kings 8:59

Mang e yigi par SOMOL ni Got rodad ni gubin ngiyal’ ni manang e re meybil ney nge pin’ey ni kug wenignag ngak. Mang e yigi par ni gubin ngiyal’ ni be runguy e girdi’ nu Israel nge pilung rorad, ngi i pi’ ngorad e tin nge yag ngorad u reb e rran nge reb.

Filemon 1:5

Ya gu be rung’ag murung’agen rogon feni t’uf rom urngin e girdi’ rok Got nge rogon nib mich Somol Jesus u wun’um.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

BABYOR NI JOB 27:10

Thingar ra chogow niged e felfelan’ nma pi’; thingar rmaybilgad ngak ni gubin ngiyal’.

Ester 4:8

Me pi’ ngak Hathach bang fapi babyor ni murung’agen, ni kan be’eg u Susa ni be yog ni ngan thang mit e Jew. Me yog Mordekai ngak ni nge fek i yan ngak Ester, me weliy rogon ngak, me yog ngak nge yan i wenig nagrad girdi’en ngak fare pilung nge runguyrad.

Acts 10:2

Ir be’ nma liyor ngak Got u wan’; me ir nge urngin e girdi’ nu tabinaw rok e yad ma meybil ngak Got. Ma ayuweg piyu Israel ni pi’in gafgow, ma yugu ma meybil ngak Got.

Acts 6:4

Ma gamad par nggu yunuyed e meybil nge maruwel ko machib.”

Efesus 3:18

ni fan e gimed nge urngin e girdi’ rok Got e nge yib gelngin e tafinay romed nge yag ni mu nanged fan feni ga’ radan nge feni n’uw nge feni tolang nge feni to’ar rogon feni t’uf e girdi’ rok Kristus.

Efesus 3:8

I gag e th’abi sobut’ u fithik’ urngin e girdi’ rok Got; machane ke pi’ Got ngog e re gaf i maruwel ney ndariy rogog ni ngan pi’ ngog, ni nggu fek fare Thin Ni Bfel’ i yan ngak e pi’in gathi yad piyu Israel, ni murung’agen e fla’ab rok Kristus ndariy ko fol,

Roma 8:15

Ya fare Kan Nthothup nike pi’ Got ngomed e der ma taymed ni gimed e sib ko denen ngu’um pired ni gimed be rus; ya re Kan Nthothup nem e ma ngongliymed ngam manged pifak Got, ma gelngin e Kan Nthothup e gadad ma non riy ngak Got nma lungudad, “Chitamag! Chitamag!”

Efesus 2:22

Ku errogon gimed ni kan chagiymed ngak Somol nge ngak e tin kabay e girdi’ kan ngongliymed kam ngal’gad nib naun ni ir e ma par Got riy u daken e Kan Nthothup rok.

Luke 3:37

mi Methuselah e chitamngin Lamek, mi Enok e chitamngin Methuselah, mi Jared e chitamngin Enok, mi Mahalale’el e chitamngin Jared, mi Kainan e chitamngin Mahalale’el,

Kolose 1:4

Ya kug rung’aged rogon fene rib mich Kristus Jesus u wun’med, nge rogon fene rib t’uf romed urngin e girdi’ rok Got.

Galatia 4:6

Me pi’ Got fare Kan Nthothup rok Fak nge yib i par nga lanin’dad, nma ga’ar, “Chitamag, Chitamag,” ni fan e nge dag ni kam manged pifak.

Luke 3:26

mi Maath e chitamngin Naggai, mi Mattathias e chitamngin Maath, mi Semein e chitamngin Mattathias, mi Josek e chitamngin Semein, mi Joda e chitamngin Josek,

Kolose 1:3

Gubin ngiyal’ ni gamow ma pining e magaer ngak Got, ni Chitamngin e Somol rodad i Jesus Kristus, ko ngiyal’ ni gamow ma pi’ e meybil romed riy.

1 Samuel 1:12

Me par Hannah ngi i meybil ngak SOMOL nib n’uw nap’an, me par Eli ngi i yaliy dap’i l’ugun.

Matthew 17:21