Efesus 6:16 - Bible Ni Thothup

¹⁶ Gubin ngiyal’ ni ngu’um marod ma gimed be fek e michan’ romed ni nge mang shield romed; ya ir e rayag ni ngam piliged ngay urngin gan e gat’ing ni be yik’ ni be pag Fa’anem nib Kireb ngomed.

Efesus 6:16 Referans Kwoze

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

2 Korinth 1:24

Gathi gamad be guy rogon ni nggogned ngomed e n’en ni ir e thangri mich u wun’med, ya ke muduwgil u wun’med e n’en nike michan’med ngay. Machane gamad be ayuwegmed ni fan ko felfelan’ romed.

1 Thessalonika 5:19

Dab mmagawon niged e maruwel ni be tay fare Kan Nthothup;

Psalms 120:4

Nga gan e gat’ing ko salthaw nib m’uth, ni bay e nifiy u taban!

2 Samuel 22:36

SOMOL, mu yoror rog ma ga be ayuweg e pogofan rog; ayuw ni kam tay ngog e ke gilnag buguwag.

Psalms 7:13

ke fek e pi talinecham rok nib yargel ke paluweg e pi gan e gat’ing rok ni be yik’.

Matthew 5:37

Kemus ni nge lungum ‘Errogon’ fa reb e nge lungum ‘Dangay’ — ma fa’anra yugu ban’en e ngamog ma aram e yib rok Fa’anem nib Kireb.

1 Thessalonika 5:8

Machane gadad girdi’en e rran, ni aram fan ni ngu’ud pired ni gadad ba tamilang. Ere michan’ rodad ngak Kristus nge rogon nib t’uf Kristus rodad nge girdi’, e thingar don’ed nga dakendad ni bod breastplate nma upunguy e salthaw ngorongoren ngay, nge tin ni be l’agan’dad ngay ni bay da guyed ni bochan e kad thapgad ngak Got e ngad maruwelgad ngay ni bod e helmet nma ayweg lolugen e salthaw ko mael.