Efesus 6:12 - Bible Ni Thothup

¹² Ya gadad e gathi gadad be cham ngak e girdi’, ya gadad be cham ngak gelngin e kan nib kireb, ni pi kan ni yad e yad be gagiyeg, nge gelngin e kan u lanelang ko ngiyal’ney nib talumor.

Efesus 6:12 Referans Kwoze

Kolose 1:13

Ya ayuwegdad nge chuwegdad u fithik’ i gelngin e talumor me thapegdad ko gin nsuwon e en ni Fak nib t’uf rok,

2 Korinth 4:4

Der mich u wun’rad ni bochan e fare kan nib kireb nu roy u fayleng e ke tay lanin’rad u fithik’ e lumor. Ya ke ta’rad ndab ra guyed ram’en fare tamilang ni be mat nga dakenrad, ni fare tamilang ni be yib ko fare Thin Ni Bfel’ ni murung’agen e fla’ab rok Kristus, ni Kristus ni ir e ri ta’reb rogorow Got.

Efesus 2:2

Re ngiyal’ i n’em e um marod u kanawo’en e kireb nu fayleng; um folgad rok e en ni ir e pilung rok e pi kan nu lanelang, ni fare kan ni ir e chiney e be gagiyegnag e pi’in ndarir folgad rok Got.

Kolose 2:15

Mu daken e re kuruth nem e ir e chuweg Kristus ir riy u fithik’ i gelngin e pi kan nib kireb nma gagiyeg nge pi kan nma tay murung’agen ban’en; ni aram e ke gel ngorad min sebaliyrad nike m’on be fekrad i yan ni kar manged kalbus rok.

Acts 26:18

Me gur e ngam pithig owcherad ngam pingegrad ngar pi’ed keru’rad ko lumor miyad sap ko tamilang, ma ga pingegrad ngar pi’ed keru’rad nga gelngin Satan miyad pigicheal ngak Got, yu daken e michan’ rorad ngog e bayi n’ag Got fan e denen rorad riy me yag ngorad tagil’rad u fithik’ e pi’in ke mel’egrad Got ni ngar manged girdi’en.’

Efesus 1:21

I Kristus e be gagiyeg u rom ni ir e bay nga daken urngin e pi’in be gagiyeg u tharmiy, nge pi’in yad be tay murung’agen ban’en, nge pi’in ba ga’ lungurad, nge pi pilung; i ir e ba tolang ngak urngin e pi liw ni bay gelngirad ko biney e tamilang nge bin bay yib.

Roma 8:38

Ya rogon ni gadad bt’uf rok e bmuduwgil u wun’ug ndariy ban’en nrayag ni nge daregdad riy, ndemturug ko yam’ ara yafos; ara pi engel ara yugu boch e kan ni be gagiyeg u tharmiy ara boch e gelngin; ara tin ni bay e chiney ara tin ni bay yib;

Efesus 3:10

ni fan e nge taw ko ngiyal’ney mu daken e galesiya e nge nang e pi engel nu tharmiy ni yad ma yog e thin nge pi’in yad ma tay murung’agen ban’en u tharmiy feni gonop Got u urngin ban’en.

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

1 Korinth 15:50

Pi walageg, ba’aray e n’en ni gu be yip’ fan: n’en nni ngongliy ko ufin nge racha’ e dabiyag ni nge yan ngalan suwon Got, ma n’en nrayag ni nge yim’ e dabiyag ni nge par ndab ki yim’ bi’id.

1 Peter 3:22

ni ir e ke yan nga tharmiy ke yan i par nga ba’ ni mat’aw rok Got, ni ir e be gagiyegnag urngin e engel nge pi’in yad bay u tharmiy ni yad be tay murung’agen ban’en nge pi’in yad be yog e thin.

Hebrews 12:1

Gadad e ba sug e pi girdi’ nem u to’obdad ni yad be guydad, ni ur daged ko ngongol rorad nrib michan’rad ngak Got. Ere ngad paged urngin ban’en ni be magawon ngodad, nge denen nike m’agdad nike chichiiy pa’ rodad, ngad athamgiliyed e gin ni kabay ni ngad milgad riy ngad tawgad ko gin ni gadad be nameg.

John 14:30

Dabkiyag ni ngu’ud nonod, ya en ni be gagiyegnag e girdi’ nu roy u fayleng e be yib. Dariy gelngin ni nge gagiyeg nigeg,

John 12:31

Chiney e aram e kan turguy e gechig ko fayleng; chiney e bay nluf pa’ e en ni ir e be gagiyegnag e girdi’ nu fayleng.

John 16:11

nge rogon nma turguy Got e gechig, ya en ni be gagiyegnag e girdi’ u roy u fayleng e ke mu’ Got i duwgiliy e gechig rok.

BABYOR NI JOB 2:2

Me fith SOMOL ngak ni ga’ar, “U uw e ka mub riy?” Me fulweg Satan ni ga’ar, “Ku’ug yanyan ni gu be liyeg e fayleng.”

Luke 22:53

Ug moy romed u lan e Tempel ni gubin e rran, ma da mu guyed rogon ni ngam koled gag. Machane re awa ney e gimed nge gelngin e lumor e ke milfan ngomed.”

Luke 13:24

“Mu athamgilgad ngam marod ko fare mab nib wen’in; ya nggog ngomed ni bo’or e girdi’ ni bay ra guyed rogon ni ngranod ngalan machane dabiyag rorad.

2 Timothy 2:5

Be’ nma un ko mil ni ir girdi’en e sagreng e dabiyag ni nge yag puluwon ngak ni fa’anra dabi fol ko motochiyel ko fare mil.

Matthew 16:17

Me fulweg Jesus ngak ni ga’ar, “Simon ni fak John gur, i gur e rib fel’ wa’atham! Ya re bugithin nir nib riyul’ e gathi ba girdi’ e yib rok ngom, machane Chitamag nu tharmiy e ke pi’ ngom.

Hebrews 12:4

Ya athamgil ni gimed be tay nib togopluw ko denen e dawori taw ko gin ni ngan li’med riy ngam m’ad.

Galatia 1:16

Nge ngiyal’ ni ba’aram ni turguy riy ni nge dag Fak ngog ni fan e nge yag ni nggu machibnag fare Thin Ni Bfel’ ni murung’agen e en ni Fak ngak e pi’in gathi yad piyu Israel, ma gathi gu wan ngak be’ nge mang ir e yog ngog e tin ni nggu rin’,

Mark 4:19

machane bochan e pin’en nma magafan’ e girdi’ ngay ko biney e tamilang, nge chogowen e fel’ rogon, nge urngin mit ban’en ni yad be chogownag ni nge yag ngorad e sugnag lanin’rad nge thang fapi thin rok Got u lanin’rad, ma aram ma dar k’ufgad.

2 Korinth 11:14

Ere dab ni gin ngay! Ya ku rayag rok mo’onyan’ ni nge piliyeg ir nge bod ya’an ba engel ko tamilang!