Efesus 5:17 - Bible Ni Thothup

¹⁷ Ere dab mpired ni gimed e balyang, ya ngam guyed rogon ngam nanged e n’en nib m’agan’ Somol ngay ni ngam rin’ed.

Efesus 5:17 Referans Kwoze

Roma 12:2

Dab mu folgad ko ngongol ni yibe rin’ u roy u fayleng, machane mpi’ed gimed ngak Got nge piliyegmed, ni aram e kari piliyeg lanin’med ni polo’. Ma aram e rayag ni ngam nanged e tin nib m’agan’ Got ngay — ni tin ni bfel’, ni bfel’ u wan’ Got ma rib yal’uw.

1 Thessalonika 5:18

demturug e n’en nra yib ngomed ma gubin ngiyal’ ni ngu’um pininged e magaer ngak Got. Ireray e tin ni ba’adag Got ni ngam rin’ed e pi’in kam manged girdi’en Kristus Jesus.

Kolose 1:9

Ireray fan ni gubin ngiyal’ ma gamow be pi’ e meybil ni fanmed, ni fa ngiyal’ ni ba’aram ni gu rung’agew murung’agmed riy ke mada’ ko chiney. Gamow ma wenignag ngak Got ni nge tamilangnag lanin’med ngam nanged e tin nib magan’ ngay ni ir e ngam rin’ed, nib cheag urngin e gonop nge tamilangan’ ngay nma pi’ e Kan Nthothup rok.

Efesus 5:15

Ere um ayuwgad u rogon e ngongol romed. Dab um ngongolgad ni bod e girdi’ ndawori tamilangan’rad, machane ngu’um ngongolgad ni bod rogon e girdi’ nib gonop.

Jeremiah 4:22

I SOMOL e ga’ar, “Girdi’ rog e yad ba ppinat; dar nanged gag. Yad bod e bitir nib balyang; ni de tamilang lanyan’rad. Yad ba salap i ngongliy e n’en nib kireb, machane dar nanged i ngongliy e n’en nib manigil.”

1 Peter 4:2

Ere chiney i yan ngam’on e thingari par pangimed u n’umngin nap’an e yafos romed u roy u fayleng ni Got e be gagiyegnag nrogon ni be finey, ma gathi tin nma yim’ e girdi’ ni bochan nde mat’aw u wan’ Got e ir e nge gagiyegnag pangimed.

Kolose 4:5

Um gonopiyed rogon pangimed ngak e pi’in ndawori mich Jesus Kristus u wun’rad, ma gubin ngiyal’ nra bung rogomed ni ngam weliyed e thin rok Got ngorad mi gimed weliy.

John 7:17

En nib m’agan’ ngay ni nge rin’ e tin ni ba’adag Got e ra nang ko tin ni gu be machibnag e yib rok Got, ara gu be weliy ni gag e thin rog.

Psalms 111:10

Dogwen SOMOL e ireram tabolngin e gonop; gubin e pi’in ma folwok rok e ra pi’ e tamilangan’ ngorad. Ir e ngan pining e sorok ngak ni dariy n’umngin nap’an.

BABYOR NI JOB 28:28

Ga’ar Got ngodad e girdi’, “Ga ra gonop, ma aram e ke yib dugwen SOMOL u wan’um. Ra ngam llowan’ ma ngam pithigem ko kireb.”

Proverbs 14:8

Mangfan ni be’ ni ba llowan’ e ba gonop? Bochan e manang e n’en ni ngan rin’. Mangfan ni be’ nib pinat e bbalyang? Bochan e ma leamnag ni manang.

Proverbs 2:5

Fa’an ga ra rin’ ma ga ra nang fan rogon ni ngan rus ngak SOMOL mra fel’ rogon ni ngam nang murung’agen Got.

Deuteronomy 4:6

Ngar mu ted u gil’ e pi motochiyel nem, ya ra aram rogon ma ra guy e pi nam fanmed gonop nge feni tamilangan’med. Yad ra rung’ag murung’agen urngin e pi motochiyel ney mra lungurad, ‘Dakuriy girdi’en reb e nam ni bod feni gonop nge feni tamilangan’ girdi’en e re nam ney nib sorok!’

Proverbs 23:23

Tin nriyul’, gonop, fanow nge tamilangan’, irera’ e pin’en ni bay rogon ni ngan chuw’iy, ma ri dab mu pi’ ni chuway’.

Psalms 119:27

Mu ayuwegneg nggu nangfan e pi motochiyel rom, ma bay ug par ni gu be leamnag feni fel’ e pi machib rom.