Efesus 5:13 - Bible Ni Thothup

¹³ Ya ngiyal’ ni yira fek urngin ban’en i yib ko tamilang, e aram e ri ra tamilangan’uy riy;

Efesus 5:13 Referans Kwoze

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

Hosea 2:10

Ma aram e bay gu luf e mad u daken u p’eowchen pi ilingen, ma dariy be’ nrayag rok ni nge ayuweg nge chuweg u pa’ag.

Hosea 7:1

“Nap’an ni gu ra leamnag ni nggu golnag e girdi’ rog nu Israel mug fal’eg rograd bayay, ma tin gu be guy e kemus ni leam rorad nge pangirad ni kireb. Yad be dumpumrad ngorad, ma yad be mab naun ngu’ur mororo’gad, ma yad be og ko girdi’ u kanawo’.

Mikah 7:9

Kad denen gad nib togopluw ngak SOMOL, ere chiney e thingar da lubeged e damumuw rok boch ngiyal’. Machane tomur riy e bayi n’uf dad me yal’uweg e pi kireb ni ka ni ngongliy ngodad. Bayi chuwegdad u fithik’ e lumor nge fekdad ko tamilang, gadad ra par ni gadad bfos nge taw ko ngiyal’ nikad guyed nike thapeg dad make mat’aw nagdad.

Lamentations 2:14

Pi profet rom e go’ thin ni malfith e yad be yog ngom; Yad be ban nigem ko machib ni yad be tay ni dariy e ngiyal’ ni ngam guy e kireb rom. Yad be gagiyeg nigem ngam leamnag nde t’uf ni ngam pi’ ker’um ko denen rom.

Hebrews 1:13

Mi Got e ri dawori yog ngak reb e pi engel rok ni ga’ar: “Mpar iray nga ba’ ni mat’aw rog, nge yan i mada’ ko ngiyal’ ni bay gu tay e pi to’ogor rom nga tan e rifrif u em ni nge mang tagil’ e magif ko rifrif u em.”

Efesus 5:12

Mus ni ngan weliy murung’agen e pin’en nib mith ni yad be rin’ ma ba gel e tamra’ riy.)