Efesus 5:10 - Bible Ni Thothup

¹⁰ Mu guyed rogon ngam nanged e n’en ni ir e mm’agan’ Somol ngay.

Efesus 5:10 Referans Kwoze

Hebrews 12:28

Ere ngad pininged e magaer ngak Got u lanin’dad ni fan e ke yag ngodad e gagiyeg rok Got ndabiyag ni nge rur. Ere ngad pininged e magaer ngak Got ma gadad liyor nge meybil ngak u fithik’ e tayfan nge mudugdag nrogon kanawo’en nra m’agan’ ngay;

Psalms 19:14

Mange yigi par e thin u langag nge leam rog ni bfel’ u wun’um. A SOMOL, manaf rog ma tabyul rog!

1 Peter 2:20

Ya mang puluwon nra yib ngomed ni fa’anra mu k’adan’med ko dumow ni bay tapgin ni nge aw ngomed ni fan e kam rin’ed ban’en nib kireb? Machane fa’anra mu k’adan’med ko gafgow ni mus ko ngiyal’ nib mat’aw e tin ni kam ngongliyed, ma ra fal’eg Got wa’athmed riy.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

1 Thessalonika 5:21

Um sikeng niged urngin ban’en, mi gimed fanay e tin ni bfel’ riy,

1 Timothy 2:3

Ren’ey e bfel’ ma ba felan’ Got ngay ni ir e ma thapegdad ngak,

Filippi 1:10

nge yag ni ngam mel’eged e tin ni ir e ba th’abi fel’. Me yag ni um pired ni kam gilafgad nga orel ko urngin mit e kireb nge n’en ni yira yog e tagan riy ngomed ko Chirofen nra sul Kristus riy.

Roma 14:18

Ma en nra pigpig ngak Kristus ko biney e kanawo’ e ra fel’ u wan’ Got ma ku ra fel’ u wan’ e girdi’.

Proverbs 21:3

Mu rin’ e tin bmat’aw mab yal’uw, ma kabfel’ u wan’ SOMOL ko bin ngam fek e maligach i yib ngak.

1 Timothy 5:4

Ma fa’anra bay be’ ni bpin ni aray rogon ma bay pifak ara pifak pifak, ma susun e som’on e nge fil e pi’in ni pifak nem rogon ni ngar ngongliyed e maruwel rorad nrogon e maruwel nma tay girdi’en Kristus ngak girdi’en e tabinaw rorad, ireray kanawo’en miyad fulweg taban e magaer rok e matam nge matin rorad nge matam nge matin rok e gallibthir rorad, ya ireram e n’en nib m’agan’ Got ngay.

Jeremiah 6:20

Dariy fan u wun’ug e incense ni yad be fek u Sheba i yib ngog, ara spices nni fek u reb e nam nib orel. Dabi fel’ u wun’ug e tin yad be pi’ ngog; dabi fel’ u wun’ug e pi gamanman ni maligach ni yad be pi’ ngog.

Filippi 4:18

Urngin e tin ni mpi’ed nge yib ngog e ke thap ngog — ma ke gaman ke pag urngin! Ke fek Epafroditus i yib ngog urngin e tow’ath rog ni mpi’ed ngak, ni aram e kefel’ rogog u urngin e tin ug gafgow riy. Pi tow’ath ney e bod e n’en ni bfel’ bon ni yima pi’ ngak Got ni ba maligach ni ba’adag Got ma bfel’ u wan’.

1 Samuel 17:39

Me m’ag David e saydon rok Saul nga daken fare mad ni wasey ni ka non’ nga daken me guy rogon ni nge yan, ma dabiyag, ya de mecham rok. Me ga’ar ngak Saul, “Dabiyag ni gu cham ni bay e pin’ey u dakenag. Ya de mecham rog.” Ma aram me chuweg u daken ni gubin.

Isaiah 58:5

Ngiyal’ ni gimed ra pag e abich ma kam gafgow niged gimed, mi gimed par ni kam t’ared e nguro’ u belel’ugunmed ni bod ba gaf i pan, mi gimed filath e tutuw nga but’ ngam wereged e awat nga daken ngam molod nga fithik’. Gur ireyer e n’en ni kamogned e pag e abich ngay? Mogned, gimed be finey ma bfel’ u wun’ug e binir e pa’?

Kolose 1:10

Ma aram me yag ni um ngongolgad nrogon ni ba’adag Somol, mu um rin’ed e tin nib magan’ ngay ni gubin ngiyal’. Me yib wom’ngin i pangimed u fithik’ urngin mit e maruwel ni bfel’, ma gimed be nang rogon Got i yan nge tin ni ba’adag.