Efesus 4:26 - Bible Ni Thothup

²⁶ Fa’anra mu damumuwgad, ma dab mpaged e damumuw romed nge fekmed nga fithik’ e denen; ma dab mpired ni gimed ba damumuw nge polo’ reb e rran.

Efesus 4:26 Referans Kwoze

James 1:19

Gimed e pi walageg ni girdi’en Kristus ni gimed ba t’uf rog, dab mpaged talin ni gubin e girdi’ ma thingar ra gurgad ko motoyil, machane dab ra gurgad ngar welthingad, ma dab ra gurgad ngar damumuwgad.

Psalms 4:4

Mu dada’gad ko marus mi gimed tal ko denen; mu fal’eged i leamnag e ren’ey, u nap’an ni gimed ra thig nga chob romed nib math gulungmed.

Psalms 37:8

Dab mu pagem nge magafan’um ara mu damumuw; ya kemus ni oloboch e ra yib riy.

Eklesiastes 7:9

Mu kol ayuw ko damumuw rom; defel’ ni ngam cha’riy e kireb u wun’um.

Proverbs 14:29

Fa’an ga ra par ni gab filmungyan’, ma ga ba gonop, machane fa’anra ba papey e damumuw ngom, ma kemus ni ga be dag fanam manan’.

Proverbs 19:11

Fa’anra gur be’ ni ga ba filmungyan’, mrayag ni ngam filan’um ko damumuw rom. Nap’an nra rin’ be’ ban’en ngom nib kireb, ma ri fel’ngin e ngam n’agfan u wun’um.

Matthew 5:22

Machane gu be yog ngomed e chiney, ni en nra damumuw ngak be’ ni walagen e yira fek i yan nga p’eowchen e en nma puf oloboch; ma en nra ga’ar ngak walagen, ‘Gur e dariy ban’en ni gab fel’ ngay!’ e yira fek ngalan e sobol ko mu’ulung; ma en nra ga’ar ngak walagen, ‘Dariy fam i gur e re balyang nir!’ e rayag ni nge yan nga fithik’ e nifiy ni dabi math bi’id.

Mark 3:5

Me ere i changar Jesus u owcherad i yan nike puwan’, machane ku errogon ir nike kireban’ ngorad nga farad gelan’ nga fithik’ e balyang. Me ga’ar ngak facha’, “Mu k’iyag pa’am.” Me k’iyag pa’, ma aram me manigil pa’ nge sul ngarogon.

Numbers 20:24

“I Aron e dabi yan ngalan fare nam ni gu micheg ni bay gu pi’ ngak yu Israel; ya nge yim’ ni bochan e mu togopluwgow ko tin gog ni ngam rin’ew u Meribah.

Mark 10:14

Ma fa’ani nang Jesus ni aram rogon me ri dabuy, me yog ngak pi gachalpen ni ga’ar, “Mpaged e pi bitir nir ngarbad ngog! Dab mu taleged yad, ya gagiyeg rok Got e fan ngak e pi’in bod e pi bitir ney.

Proverbs 25:23

Nonnon e ma k’aring e damumuw nri bod e nifeng u yimuch nma fek e n’uw i yib.

Exodus 11:8

Me ul’ul Moses ngay nge ga’ar, “Ma urngin e pi tolang rom e bay rabad ra siro’gad ngog, miyad wenig ngog ni nggu fek gubin e girdi’ rog ngu wan. Ma aram e bay gu wan.” Me chuw Moses rok Farao nge yan ni kari damumuw.

Deuteronomy 24:15

U m’on ni nge aw e yal’ u reb e rran ma ngan pi’ puluwon ko maruwel nike ngongliy e rofen nem; ya dabisiy ni nge yag e re salpiy nem ngak ya be taga’ ngay. Fa’anra dab mu pi’ puluwon mra yognem ngak SOMOL me yan i aw ni gur e ba kireb e rom.

James 1:20

Ya damumuw rok e girdi’ e dar ma ayuweg e girdi’ nge yag nra ngongliyed e tin nib mat’aw ni ir e be finey Got.

1 Samuel 20:34

Me sak’iy Jonathan u tebel ngalang ni kari damumuw ma daki kay ban’en e re rran nem, ma ireram e bin l’agruw e rran ko Madnom ko M’ug e Pul. Me ri kireban’ Jonathan ni bochan David, ya keyog Saul e thin nib kireb ni fan ngak David.