Efesus 4:19 - Bible Ni Thothup

¹⁹ Ma dakurir tamra’gad; ma kar paged yad nga pa’ e kireb, ma yad be ngongliy urngin mit e puwlag ndakir yag ni ngar taleged yad riy.

Efesus 4:19 Referans Kwoze

1 Timothy 4:2

Pi machib ney e yib rok e sabanban ko girdi’ ni yad ma lifith l’ugunrad, ni lanin’rad e gowa ke yim’ ya dakir yog ngorad e kireb ni yad be rin’, ni gowa kan urfiy lanin’rad nga ba wasey nib gowel.

Kolose 3:5

Ere thingar mu li’ed ngem’ e ar’ar nu fayleng ni be maruwel u fithik’ i dowmed, ni aram e darngal, nge puwlag, nge ar’ar nib kireb nma waliy e girdi’ ko denen, nge chogow (ya chogow e bmit e tayfan nge meybil ni yibe tay ngak e liyos nma meybil boch e girdi’ ngay.)

Jude 1:11

Kar gafgowgad! Ya kar leked fare pa’ i kanawo’ ni yan Kain riy; kar folgad ko oloboch ni fan ko salpiy, ni bod e n’en ni rin’ Balaam; makan gechig nagrad ni bochan e togopluw ni kar ted ni bod e togopluw ni tay Korah.

Revelation 18:3

Ya ke pi’ e wayin rok ngak urngin e girdi’ ko pi nam kar unumed, ni fare wayin ko darngal rok nib gel. Pi pilung nu fayleng e kar uned ngak kar ngongliyed e ngongol ko darngal. Ma girdi’en e tafolchuway’ e yo’or salpiyrad ko darngal rok ndabiyag ni nge gafaliy ir riy.”

2 Peter 2:22

Ya n’en ni kar rin’ed e ke m’ug riy ni fare bugithin ni yima yog e ba riyul’ ni fa’ani ke lunguy, “Pilis e ma sul ko n’en nike sul u l’ugun nga but’,” ma, “Ba babiy ni kan luknag downgin ke be’ech e ma sul nge yan i pig u fithik’ e bar.”

1 Peter 4:3

Ya ke n’uw nap’an ni um pired ni gimed be rin’ e tin ni ba’adag e pi’in ndar nanged Got. Ya rogon pangimed ni immoy e um puwlaggad, ma um rin’ed e tin gimed be yim’ ni bochan nde mat’aw u wan’ Got, ma gimed be balyang ko rrum, ma gimed be un ko madnom ni yibe wagey riy, ma gimed be un ko mur ni yibe unum e rrum riy, ma gimed be tayfan ma gimed be meybil ko liyos nma meybil boch e girdi’ ngay, ni ban’en nrib kireb ni ngan rin’.

Efesus 4:17

U fithingan Somol e nggog e re bugithin ni ba’aray riy ma ri gu be ning chiylen ngomed ni be lungug: dab ku um ngongolgad ni bod rogon e pi’in ndar nanged Got, ni tin yad be leamnag e dabi yib fan,

Isaiah 56:11

Yad bod e pilis ni bfel’ngak ndariy bingyal’ nma gaman. Picha’ ney e dariy ban’en ni yad manang fan. Ra bagyad ma be rin’ e n’en ni ba’adag ma be gaweg e tin nge yagnag ngak.

BABYOR NI JOB 15:16

Gadad e gadad ma unum e kireb ni gowa ran; errogon, gadad ba kireb; dariy ban’en ni gadad bfel’ ngay.

Mark 7:22

miyow par be’ ni gathi mabgol rok, me chogow, me rin’ urngin mit e kireb; me sabanban, me puwlag, me awan’, me t’ar e thin nga daken be’, me tolngan’, me balbalyang —