Efesus 4:14 - Bible Ni Thothup

¹⁴ Ma aram e dab kud pired ni gadad bod e bitir, ni be fekdad e n’ew i yan, ma be fekdad e nifeng i yan ni gubin yay nra n’ag e nifeng gil’, ni aram e machib rok e girdi’ ni yad be bannag e girdi’, ni pi’in yad be pow’iy boch e girdi’ ko tin gathi ir ko ban ni kar ngongliyed rogon.

Efesus 4:14 Referans Kwoze

Hebrews 13:9

Ere dab mpaged e pi machib nib thil ko biney nge fekmed nga wuru’ e wo’. Ya bfel’ ni gelngin lanin’dad ni nge gel e ngi i yib rok Got ngodad nib tow’ath, ma gathi bochan e gadad be fol u bogi motochiyel ni murung’agen e ggan; ya pi’in ni ur folgad ko pi motochiyel ney e de fel’ rogorad riy.

1 Korinth 14:20

Pi walageg ni girdi’en Kristus, dab ku um leamgad ni bod e bitir; ngam boded e pi’in bitir ndar nanged rogon i ngongliy e kireb, machane ngam leamgad nrogon e pi’ilal.

1 John 4:1

Pi tafager rog nri gimed ba t’uf rog, dabi pagan’med ngak urngin e pi’in yad be yog ni bay fare Kan Nthothup rorad, ya ngam sikeng niged yad ngam nanged ko re kan ni bay rorad e yib rok Got fa dangay. Ya bo’or e profet ni yugu ban’en ni kar weargad nga urngin yang.

2 Korinth 2:17

Gathi gadad bod pire’ e girdi’ ni yad ma wereg e thin rok Got ni gowa ba chugum nib sobut’ puluwon; machane gadad e Got e ke l’oegdad, aram fan ni gadad be weliy e tin nib riyul’ u p’eowchen nrogon e pi tapigpig rok Kristus.

James 1:6

Machane thingari pagan’med ngak Got ko ngiyal’ ni gimed ra wenignag ban’en ngak, ma dabi maruwaran’med rok; ya cha’ nra maruwaran’ rok e bod ba ley i n’ew u maday nnifeng e be mithmitheg ma be yannag.

Efesus 6:11

Mon’ed nga dakenmed fare armor ni pi’ Got ngomed ni polo’, nge yag ni ngam togopluwgad ko pi ban rok mo’onyan’.

Matthew 24:24

Ya bayi m’ug boch e Messiah nge profet ni yigo’o bogi ban’en; ma bay ur ngongliyed e maang’ang nge bogi n’en ni yira ngat ngay, ni bochan e fa’an mang e rayag miyad bannag e pi’in girdi’en Got ni Got e ke mel’egrad.

2 Timothy 4:3

Ya bay ba ngiyal’ ni bayi taw ngay me dabuy e girdi’ ni ngar motoyilgad ko bin nib riyul’ e machib, miyad fol ko tin yad ba’adag, ma bay uranod ngu’ur gayed i yan e pi’in nge machib nagrad ni yad e bay ra machib niged ngorad e tin ir e yad be yim’ ni bochan ni ngar rung’aged.

Jude 1:12

Yad bod yu yang i alit u fithik’med ko ngiyal’ ni kam ted bochi abich riy ni yad be abich ma yad be garbod ma yad be nonnon ni gathi yad be leamnag laniyan’ be’ ma darir tamra’gad ko ngongol ni yad be rin’; ma kemus ni go’ yad e yad be leam niged yad. Yad bod e manileng ni be fek e nifeng i yan ma der pi’ e n’uw. Ma yad bod e gek’iy nder yib wom’ngin ni mus ko ngiyal’ nma yib e galowog riy, ni gek’iy ni kan pug lik’ngin ngalang ke l’ud.

Revelation 19:20

Min kol fare gamanman ngan fek, nge fare profet ni yugu ban’en ni ir e i ngongliy e maang’ang u p’eowchen. (Pi maang’ang nem e ir e bannag e pi’in ni bay e pow ko fare gamanman u dowrad, nge pi’in ni ur ted fan ma yad be meybil ko fare liyos nni ngongliy ni ya’an fare gamanman.) Ma fare gamanman nge fare profet ni go’ ban’en e yow l’agruw nnin’row ni ka yow ba fos ngalan fare lipath i nifiy ni sulfur e be urfiy.

Galatia 3:1

Gimed yu Galatia ni balyang! I mini’ e ke pig ngomed? Ya ri gowa gimed be guy, nni weliy rogon e yam’ ni tay Jesus Kristus u daken e kuruth!

Matthew 24:11

Ma aram e bo’or bogi profet ni yigo’o bogi ban’en ni bay ra m’uggad ngar ban niged bo’or e girdi’.

1 John 2:26

Kug yoloy e ren’ey ni murung’agen e pi’in yad be guy rogon ni ngar ban niged gimed.

2 Timothy 3:13

machane girdi’ nib kireb nge pi’in yad be dake girdi’en Kristus e bayi gel farad kireb ngu’ur ban niged boch e girdi’ ma yibe ban nagrad.

Isaiah 28:9

Yad be gathibthib nigeg. Yad be ga’ar, “I mini’ e be leamnag re mo’on nir ni nge fil e llowan’ ngak? Mini’ e ra rung’ag e tin e thin? Kemus ni bitir ni kafin ra paged e thuth e bfel’ ngorad!

2 Korinth 4:2

Kad paged urngin e ngongol nib mith ni yima tamra’ ngay; darid ngongolgad u fithik’ e sabanban fa reb e gadad be pingeg fan e thin rok Got ngad ban niged e girdi’ ngay. Gadad be weliy e tin nib riyul’ nib tamilang, ma gadad be par u p’eowchen Got ma gadad be guy rogon ni nge guy e girdi’ e ngongol rodad miyad nang u lanin’rad ni aray rogon.

Matthew 11:7

Ma nap’an ni be sul pi gachalpen John, me weliy Jesus murung’agen John ngak fapi girdi’ ni aram urngirad ni ga’ar, “Fa’an mmarod ngak John nga daken e ted ma mang e mfineyed ni bay mu guyed? Ba gaf i pan ni be buguy e nifeng?

1 Korinth 12:2

Gimed manang ni ngiyal’ ni ba’aram ndawor mu nanged Got riy e i gagiyeg nagmed e liyos nma meybil boch e girdi’ ngay, ni bogi ban’en nib yam’, ni gubin ngiyal’ ma yad be fekmed nga wuru’ e kanawo’.

Acts 23:21

Machane dab mu telim ngorad, ya ba pag e aningeg i ragag e pumo’on ni bay ra mithgad ngu’ur son niged, ya kar og niged u mit Got ndab ra ked ban’en ara ra garbodgad nge mada’ ko ngiyal’ ni kar thanged e fan rok riy. Chiney e kar fal’eged rogorad ni ngar rin’ed, ma yad be sonnag e n’en ni bay mu turguy.”

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.

Psalms 59:3

Musap! Yad be son nigeg ni ngar li’edgag nggum’; girdi’ nma’angach ko cham e kar barba’gad ni yad be togopluw ngog. Ni gathi bochan e denen rog ara kug rin’ ban’en nib kireb,

Psalms 10:9

yad ma son ko gin ka ra mithgad riy ni bod e pi layon. Yad ma pach ni yad be sonnag e pi’in gafgow; miyad kolrad ko wup rorad miyad girngiyrad ngabang.

1 John 2:19

Pi girdi’ ney e dar moyed ko ba’ rodad e girdi’, aram fan ni kar paged gadad; ya fa’an mang e yad girdi’en e ba’ rodad e girdi’ ma kar pired rodad. Machane kranod ni bochan e nge m’ug nib tamilang ndariy bagayad nri girdi’en e ba’ rodad e girdi’.

2 Peter 2:18

Yad ma yog e thin ni ufanthin nge thin ko balyang, ma yad be maruwel nga ngongolen e darngal ni be ar’arnag e dowef rorad ni fan e nge aw ko wup rorad e pi’in ka fini chuw u fithik’ e girdi’ nike oloboch.

James 3:4

Fa reb e mu tafinay niged ba barkow: ni aram feni ga’ nib gel e nifeng ni be yannag, machane rayag nni kol e yap’ riy nga bochi yap’ nib achig, nge sor i yan ko gin be finey gabitey ni nge sor ngay.

1 Timothy 3:6

Ma thangri dabi yan i aw ni ir be’ ni kafini pig kemang reb i girdi’en Kristus ndawori n’uw nap’an; ya richey nge uf nge turguy Got e gechig rok ni bod ni rin’ ngak fare mo’onyan’.

2 Timothy 1:15

Ga manang faram ni urngin e girdi’ ko nug nu Asia ni kar paged gag, nib mu’un Figelus nge Hermogenes ngay.

1 Korinth 3:19

Ya n’en ni be tafinaynag e pi’in nib mil farad ko re fayleng ney ni aram e gonop, e bm’ay fan u p’eowchen Got. Ni bod rogon ni be yog e babyor nib thothup ni be ga’ar, “Gonop nge llowan’ rok e girdi’ e ir e ma maruwel Got ngay nge mang wup ngak e girdi’ ”;