Efesus 3:9 - Bible Ni Thothup

⁹ mu gu tamilangnag urngin e girdi’ u rogon ni be muruwliy Got e tin kem’ay i leamnag rok ni i tay nib mith. I Got ni ir e sunumiy urngin ban’en e tay nib mith e n’en ni kem’ay i leamnag rok ni kab kakrom i yib,

Efesus 3:9 Referans Kwoze

Kolose 1:26

ni ir e immoy nib mith ni i mithag rok urngin e girdi’ ni kab kakrom i yib, ma chiney e ke dag ngak e girdi’ rok.

Matthew 13:35

I rin’ e ren’ey ni fan e nge yib i m’ug nib riyul’ e tin ni yog e profet ni ga’ar: “Bay gu maruwel ko fanathin ko ngiyal’ nra gu non ngorad, bay gog ngorad bogi ban’en nda nnang ni ka nap’an nsunumiy e fayleng.”

2 Timothy 1:9

Ke thapegdad ngak ma ke piningdad ni ngad manged girdi’en, ni gathi bochan e tin ni bfel’ ban’en ni kad ngongliyed, machane bochan e tin ke leamnag nge runguy rok ngodad. I runguydad u daken Kristus Jesus u m’on ndawori sunumiy e fayleng riy,

Kolose 3:3

Ya kam m’ad, ma yafos romed e kan uneg ngak Kristus kan mithag nga fithik’ Got.

Matthew 28:19

Ere mmarod ngak girdi’en e pi nam u gubin yang ngam pingeged yad ngar manged pi gachalpeg, mi gimed tawfe nagrad nga fithingan e Chitamangiy nge Fak nge fare Kan Nthothup,

Isaiah 44:24

“I Gag SOMOL, ni tabyul rom. I Gag e gu sunumiyem. I Gag SOMOL e gu sunumeg urngin ban’en. Yi go’ gag e gu filath lanelang; ngiyal’ ni u gu ngongliy e fayleng e dariy be’ ni ayuwegneg.

Psalms 33:6

I SOMOL e non me sum e pi tharmiy, I non me sum e yal’ nge pul nge pi t’uf.

Revelation 4:11

“Somol romad ma Got romad! Bay rogom ni nganog e sorok ngom, min tayfam, ma bay rogom ni nge mil suwon urngin ban’en ngom. Ya gur e mu sunumiy urngin ban’en, ma gur e mu leamnag miyad sum ni yad bfos.”

Titus 1:2

ni murung’agen e yafos ndariy n’umngin nap’an ni ir e nge l’agan’uy ngay. I Got nder ma ban e turguy e re yafos ney ndariy n’umngin nap’an ni nge pi’ ngodad ko ngiyal’ ndawori sunumeg e fayleng riy,

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

Revelation 13:8

Ma urngin e girdi’ ni yad be par u daken e fayleng ni bay ra siro’gad ngak ma yad be meybil ngak, ni aram e gubin e girdi’ ndawor ni yoloy fithingrad ko ngiyal’ ndawori sum e fayleng riy ngalan fare babyoren e pi’in ni kar fosgad, ni fare babyor nib mil suwon ngak fare Fak e Saf ni fa’an nli’ ngem’.

1 Peter 1:20

Ni Got e turguy u m’on ko ngiyal’ ni ba’aram ndawori sunumiy e fayleng riy, ma ke yib i m’ug ngomed ko tin tomur ney e rran ni bochmed.

2 Timothy 4:17

Machane Somol e par rog nge pi’ gelngig, nge yag ni gu weliy urngin e thin rok Got nge rung’ag urngin e pi’in gathi yad yu Israel; me Somol e ayuwegneg nda kug wan ngalan l’ugun e layon.

2 Thessalonika 2:13

Pi walagmad ni girdi’en Kristus, thingar gu pininged e magaer ngak Got ni gubin ngiyal’ ni bochmed, ni gimed e pi cha’nir ni gimed ba t’uf rok Somol. Ya Got e mel’egmed ni gimed e som’on ni ngam thapgad ngak Got u gelngin fare Kan ni Thothup ngu daken e michan’ romed ko tin nib riyul’, me ngongliymed ngam manged girdi’en nib thothup.

Kolose 1:23

Thingar um pired ni gimed ba yul’yul’ ma gimed bmuduwgil ko n’en nike michan’med ngay, ma dab mpaged gimed nge maruwaran’med ko n’en ke lagan’med ngay, ni yag ngomed ko ngiyal’ ni mu rung’aged fare Thin Ni Bfel’. I gag Paul e gu mang reb e tapigpig ni bochan e re Thin Ni Bfel’ ney — nre Thin Ni Bfel’ ney ni kan machibnag ngak urngin e girdi’ u fayleng.

Efesus 1:4

Dawor ni sunumiy e fayleng, ma ke mu’ Got i mel’egdad rok ni ngad manged girdi’en u fithik’ Kristus, ni fan e nge yag nda thothupgad ma dariy thibngidad u p’eowchen. Bochan e gadad ba t’uf rok

1 Korinth 2:7

Re gonop ni ir e gu be weliy murung’agen e gonop rok Got nib mith, nde nang e girdi’, ni Got e ke duwgiliy ke tay ni fan ko fla’ab rodad ni ka ngiyal’ ni ba’aram ndawor ni sunumiy e fayleng riy ma kem’ay i turguy rok.

Acts 15:18

Ireray rogon nike yog Somol, ni ir e ke gagiyegnag e re bugithin ney kan nang ni kakrom.’

John 10:30

Chitamag nge gag e gamow ba ta’reb.”

John 5:19

Ma aram me fulweg Jesus ngorad ni ga’ar, “Nggog e tin riyul’ ngomed: en ni Fak Got e dariy ban’en ni be rin’ ni ir e tafinay rok; kemus ni tin ni be guy ni be rin’ e Chitamngin e ir e be rin’. Ya n’en ni be rin’ e en ni Chitamangiy e ku er e n’en ni be rin’ e en ni Fak.

John 5:17

Ma aram me fulweg Jesus ngorad ni ga’ar, “Chitamag e gubin ngiyal’ ni be maruwel, ere ku er rogog nthingar gu maruwel.”

Luke 24:47

mu fithingan e ngan machibnag riy e thin rok Got ni murung’agen ni ngan kolngan’uy nga ni pi’ keruuy ko denen, me n’ag Got fan, ni thingar ni machibnag ngak urngin e pi nam, ni ngan tabab ngay u lan yu Jerusalem.

Matthew 25:34

Ma aram e bayi ga’ar fare pilung ngak e girdi’ ni yad bay u ba’ ni mat’aw rok, ‘Gimed e pi’in ke fal’eg e Chitamag wa’athmed: mired! Mired ngan pi’ e gin nsuwon Got ngomed, ni kan ngongliy rogon kan tay ni fan ngomed ni ka nap’an e ngiyal’ nsunumiy e fayleng riy.

Matthew 10:27

Ma n’en ni gu be yog ngomed u fithik’ e lumor e thingar mogned ni rran, ma n’en ni kam rung’aged nde rung’ag e girdi’ e thingar mu weliyed u daken e naun.

Revelation 17:8

Re gamanman nem ni kam guy e immoy ba ngiyal’ nib fos, machane dakir par e chiney nib fos; ma ke chugur ni nge yib ngalang u lan fare abyss me yan ngan kirebnag. Ma fapi girdi’ ni yad be par u fayleng nda ni yoloy fithingrad ko ngiyal’ ndawori sum e fayleng riy, ngalan babyoren e pi’in ni kar fosgad e yad gubin ni bay ra gin gad ko ngiyal’ ni bay ra guyed e re gamanman nem! Ya immoy ba ngiyal’ nib fos, machane me yim’, ma bay ki m’ug bayay.

Revelation 14:6

Mu gguy yugu reb e engel ni be changeg nib tolang u fithik’ e nifeng, ni bay rok e thin ni dabi math bi’id, ni Thin Ni Bfel’ ni nge weliy ngak e girdi’ nu fayleng, ni urngin e pi nam, nge ganong nge thin nge gubin mit e girdi’.

Roma 11:25

Pi walageg, bay e tin riyul’ nib mith ni gub adag ni ngam nanged; ya ir e ra talegmed ndab ku um tafinay niged rogon fanmed llowan’, ni ba’aray ni ga’ar: gel laniyan’ rok e girdi’ nu Israel e dabi par, machane bay i par nge mada’ ko ngiyal’ nra yan i gaman e matha’eg rok e pi’in gathi yad piyu Israel ni ngarbad ngak Got.

Efesus 3:2

Rib muduwgil ni kam rung’aged ni Got e runguyeg nge pi’ e re gaf i maruwel ney ngog ni ngu’ug muruwliy ni fan ngomed ni nge fel’ rogomed riy.

Efesus 6:19

Ma ku errogon gag ni ngu’um meybil niged gag, nge yag ni pi’ Got ngog e tin ba’adag ni nggu weliy, nge yag ni gu weliy ndab kug tamdag me yag ni gu tamilangnag fan e n’en nib mith ko thin ni bfel’.

Kolose 4:3

Mu ku um yibiliyed gamow, nge bing Got e kanawo’ ngomow nge yag ni gu machib nigew e thin rok ngak e girdi’, ma gamow weliy e tin immoy nda nnang ni murung’agen Kristus. Ya ireray fan ni gu bay u kalbus e chiney.