Efesus 3:5 - Bible Ni Thothup

⁵ Kakrom e danog e re bugithin nib mith ney ngak e girdi’, machane chiney e ke dag Got ngak e pi apostel nge pi profet rok nib thothup u daken fare Kan Nthothup.

Efesus 3:5 Referans Kwoze

Jude 1:17

Pi tafager rog, ri dab mpaged talin e tin ni yog e pi apostel rok Somol rodad i Jesus Kristus kakrom.

2 Peter 3:2

Gu ba’adag ni ngam leam niged fapi thin ni i yog fapi profet ni kakrom ni yad ba thothup, nge motochiyel ni yib rok Somol ni ir e ma thapegdad ngak Got ni fapi apostel romed e karogned ngomed.

Efesus 2:20

Ku errogon gimed ni kan ubungmed nga daken fare def nike toy e pi apostel nge pi profet, fare malang ni ir e ba th’abi ga’ fan ko re def nem e aram Kristus Jesus.

Efesus 3:9

mu gu tamilangnag urngin e girdi’ u rogon ni be muruwliy Got e tin kem’ay i leamnag rok ni i tay nib mith. I Got ni ir e sunumiy urngin ban’en e tay nib mith e n’en ni kem’ay i leamnag rok ni kab kakrom i yib,

Acts 10:28

Me ga’ar ngorad, “Gimed manang faram ni be’ u Israel e de mat’aw ko ba’ rok e taliw ni nge yan i guy ara i cheag ngak be’ ni gathi be’ u Israel. Machane Got e ke dag ngog nthingari dab ku ug leamnag be’ ni de be’ech ara ba alit ni rogon ni bay ko Motochiyel.

Luke 10:24

Ya nggog ngomed ni bo’or e profet nge pilung ni ur m’ad ni bochan ni ngar guyed e n’en ni gimed be guy, machane de yag, ma ku ur m’ad ni bochan ni ngar rung’aged e n’en ni gimed be rung’ag, machane dar rung’aged.”

John 14:26

Ma en ni bay i ayuwegmed e aram fare Kan Nthothup ni en ni Chitamangiy e bayi l’oeg nge yib ni owcheg, ma bayi fil urngin ban’en ngomed, me ayuwegmed nge mit ngomed urngin e tin kug weliy ngomed.

Matthew 13:17

Mu ted fanmediyan ko re bugithin ni ba’aray! Bo’or e profet ma bo’or e girdi’ rok Got ni ur m’ad ni bochan ni ngar guyed e n’en ni gimed be guy, machane de yag, ma ku ur m’ad ni bochan ni ngar rung’aged e n’en ni gimed be rung’ag, machane dar rung’aged.

Roma 16:25

Ngad pininged e sorok ngak Got! Ya ir e rayag rok ni nge taymed ni gimed bmuduwgil u fithik’ e michan’ romed ngak, ni bod rogon ni be yog e fare Thin Ni Bfel’ ni gu be machibnag, ni murung’agen Jesus Kristus, ma bod rogon nike dag e tin nib riyul’ ni i par nib mith nike kakrom i kakrom.

John 16:13

Ngiyal’ nra yib fare Kan Nthothup nma dag e tin riyul’ e bayi pow’iymed ngam nanged urngin e tin riyul’. Gathi tin be leamnag e ra weliy ngomed, ya tin ke rung’ag e ra weliy ngomed, mra weliy ngomed e pin’en ni bay yib.

Matthew 23:34

Ere nggog ngomed ni bay gu pi’ boch e profet nge boch e girdi’ nllowan’ nge boch e tamchib ngarbad ngomed; ma bay mli’ed boch i yad ngarm’ad, mi gimed richibiy boch i yad ko kuruth, mi gimed toy boch i yad u lan tafen e mu’ulung romed, mi gimed tulufrad u lan e pi binaw i yan.

Luke 11:49

Ireray fan ni ga’ar e Gonop rok Got, Bay gu l’oeg e pi profet ngorad nge pi’in nge fek e thin rog i yan ngorad, ma bay ra li’ed boch i yad miyad gafgownag boch.

Isaiah 52:15

Machane chiney e bpire’ e nam ni bay ra ngatgad ngak, pi pilung e bay ra ngatgad ngak ni ka ra paged langrad. Bay ra guyed miyad nangfan ban’en nda ur nanged.”

1 Korinth 2:10

Machane Got e ke dag ngodad u daken fare Kan ni Thothup rok e tin ni i tay nib mith. Ya Kan Nthothup e ma guy urngin ban’en, ni mus ko tin nda nnang ni kem’ay i leamnag rok Got.

Matthew 20:7

Miyad fulweg ngak ni lungurad, ‘Bochan e dariy be’ nike pi’ e maruwel ngomad.’ Me yog ngorad ni ga’ar, ‘Ere kum marod ngam maruwelgad u fithik’ fa gi grape ni fi’ig.’