Efesus 3:4 - Bible Ni Thothup

⁴ ma fa’an gimed ra be’eg e n’en ni kug yoloy ma gimed ra nang fan rogon ni kug nang fan e tin riyul’ ni murung’agen Kristus.)

Efesus 3:4 Referans Kwoze

Kolose 4:3

Mu ku um yibiliyed gamow, nge bing Got e kanawo’ ngomow nge yag ni gu machib nigew e thin rok ngak e girdi’, ma gamow weliy e tin immoy nda nnang ni murung’agen Kristus. Ya ireray fan ni gu bay u kalbus e chiney.

1 Korinth 4:1

Susun e ngam changargad ngomad ni gamad e pi tapigpig rok Kristus ni gamad e kan ta’mad nike milfan ngomad e tin riyul’ ni kem’ay i leamnag rok Got.

2 Korinth 11:6

Sana da gu salap ko welthin, machane ba tamilangan’ug ko thin rok Got; kug tamilang nagmed riy ni gubin ngiyal’ ngu fithik’ urngin ban’en.

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

Kolose 2:2

Gu be rin’ ni aray rogon ni bochan e nge athamgil lanin’rad miyad chichir nga ta’bang u fithik’ e t’ufeg rorad ngorad, me ri pagan’rad ko tin kar nanged fan ni ir e ba riyul’. Ma aram miyad nang e tin rib fel’ ni kem’ay i leamnag rok Got, ni er Kristus.

Efesus 6:19

Ma ku errogon gag ni ngu’um meybil niged gag, nge yag ni pi’ Got ngog e tin ba’adag ni nggu weliy, nge yag ni gu weliy ndab kug tamdag me yag ni gu tamilangnag fan e n’en nib mith ko thin ni bfel’.

Efesus 5:32

Rib riyul’ e re bugithin ney nike dag e babyor nib thothup, ma gu manang fan nre bugithin ney e be yip’ fan Kristus nge galesiya.

Efesus 1:9

e rin’ riy e tin ke finey, me dag ngodad e n’en nike tay nib mith nike mu’ i leamnag rok ni nge libguy u daken Kristus.

Luke 8:10

Me fulweg Jesus ni ga’ar, “Gimed e kan weliy ngomed e tin nda nnang ni murung’agen e gagiyeg rok Got; machane tin ni kabay e girdi’ e kan pi’ ngorad u fithik’ e fanathin, ya ngu’ur changargad ma dab ra guyed ban’en, ma ngu’ur motoyilgad ma dab ra nanged fan.”

1 Timothy 3:9

ma susun e ngar chichiiyed pa’rad ko thin nib riyul’ ni kar nanged ko mich u wun’uy ngak Got, ma dariy ban’en ni be yog lanin’rad ngorad ni kar rin’ed nib kireb.

1 Korinth 13:2

Ra ke pi’ Got gelngig ni gub salap i machibnag e thin rok ngak e girdi’, ma urngin ban’en ni gu manang fan, ma gu manang fan urngin e tin nde nang e girdi’, ma gelngin nib michan’ug ngak Kristus e rayag ni chuweg e burey u tagil’, machane fa’anra de t’uf Got rog nge girdi’, ma dariy rogog.

Matthew 13:11

Me fulweg Jesus ngorad ni ga’ar, “Gimed e kan weliy ngomed kam nanged fan e tin nda nnang ni murung’agen e gagiyeg nu tharmiy, machane yad e dawor.

Roma 11:25

Pi walageg, bay e tin riyul’ nib mith ni gub adag ni ngam nanged; ya ir e ra talegmed ndab ku um tafinay niged rogon fanmed llowan’, ni ba’aray ni ga’ar: gel laniyan’ rok e girdi’ nu Israel e dabi par, machane bay i par nge mada’ ko ngiyal’ nra yan i gaman e matha’eg rok e pi’in gathi yad piyu Israel ni ngarbad ngak Got.

Roma 16:25

Ngad pininged e sorok ngak Got! Ya ir e rayag rok ni nge taymed ni gimed bmuduwgil u fithik’ e michan’ romed ngak, ni bod rogon ni be yog e fare Thin Ni Bfel’ ni gu be machibnag, ni murung’agen Jesus Kristus, ma bod rogon nike dag e tin nib riyul’ ni i par nib mith nike kakrom i kakrom.

Efesus 3:3

I Got e dag ngog e n’en ni kem’ay i leamnag rok ni nge rin’ ma be tay nib mith. (Kug yoloy murung’agen e ren’ey nib ngochngoch,

Efesus 3:9

mu gu tamilangnag urngin e girdi’ u rogon ni be muruwliy Got e tin kem’ay i leamnag rok ni i tay nib mith. I Got ni ir e sunumiy urngin ban’en e tay nib mith e n’en ni kem’ay i leamnag rok ni kab kakrom i yib,

Kolose 1:26

ni ir e immoy nib mith ni i mithag rok urngin e girdi’ ni kab kakrom i yib, ma chiney e ke dag ngak e girdi’ rok.