Efesus 3:20 - Bible Ni Thothup

²⁰ Ya ir e rayag rok ni nge maruwel nge pag rogon ko tin kad wenig niged ngak, ara ke taw e leam rodad ngay, ni ra muruwliy u daken fare n’en ni gelngin ni ku ir e be maruwel u fithik’dad.

Efesus 3:20 Referans Kwoze

2 Korinth 9:8

Mi Got e rayag rok ni nge pi’ ngomed e tin ni nge yag ngomed nge pag urngin, ni fan e gubin ngiyal’ ma bay romed urngin e tin ni nge yag ngomed, nike pag urngin ni fan ko tin ni bfel’ e ngongol.

Roma 4:21

Ya rib mich u wan’ nrayag rok Got e tin ke yog Got ngak ni bay rin’.

Jeremiah 32:27

“I Gag fare SOMOL, ni Got ko gubin mit e girdi’. Dariy ban’en nib mom’aw ngog.

Jude 1:24

Ngak e en ni ir e rayag rok ni nge ta’med ndab mmulgad me fekmed i yan ko fla’ab rok ndariy thibngimed ma ri gimed ba felfelan’ —

1 Korinth 2:9

Ya bod ni be yog e babyor nib thothup ni be ga’ar: “N’en ndawori guy be’ ara ke rung’ag, n’en ndariy be’ nike taw e leam rok ngay nra yodorom, e ri ir e ren’en nike fal’eg Got rogon ke tay ni fan ngak e pi’in nib t’uf Got rorad.”

Efesus 1:19

nge feni gel gelngin ni be maruwel u fithik’ i lanin’dad e pi’in ke michan’dad ngak. Ren’en ni gelngin ney ni be maruwel u fithik’ i lanin’dad e ta’reb rogon ko fa binem i gelngin nib gel

Jeremiah 32:17

“SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.

Hebrews 7:25

Ere chiney nge gubin ngiyal’ e rayag rok ni nge thapeg ngak Got e pi’in yad ra yib ngak Got u daken, ni bochan e bay i par nib fos ni dariy n’umngin nap’an, ngi i wenignagrad ngak Got.

Efesus 3:7

Gelngin Got ni be maruwel e tow’ath nigeg nga reb e salap ni ir e ayuwegneg nggu mang reb e tapigpig ko fare Thin Ni Bfel’.

Roma 16:25

Ngad pininged e sorok ngak Got! Ya ir e rayag rok ni nge taymed ni gimed bmuduwgil u fithik’ e michan’ romed ngak, ni bod rogon ni be yog e fare Thin Ni Bfel’ ni gu be machibnag, ni murung’agen Jesus Kristus, ma bod rogon nike dag e tin nib riyul’ ni i par nib mith nike kakrom i kakrom.

1 Kings 3:13

Ma ku bay gu pi’ ngom e n’en ndawor mu ning ngog, bayi fel’ rogom mu’un tayfam u n’umngin nap’an e yafos rom, nib gel e thil romed yugu boch e pilung.

Genesis 17:1

Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.

Daniel 3:17

Fa’anra bay reb e got nrayag rok ni nge ayuwegmad u lan fare tafen e nifiy ni be daramram ma ra yan i aw ni Got romad, ni ir e gamad ma fol ko thin rok, me ir e bayi ayuwegmad u pa’am.

Kolose 1:29

Ere gu be maruwel nib gel ma gu be athamgil ni nge yag e ren’ey, ni gu be maruwel ko fare gelngin nib th’abi gel ni Kristus e be pi’ ngog, ma ku ir e be maruwel u fithik’ag.

2 Kronicles 25:9

Me fith Amaziah fare profet ni ga’ar, “Me ere fapi silber ni aram urngin ni ku gu pi’ ni puluwrad e bayi di’in?” Me fulweg fare profet ni ga’ar, “I SOMOL e rayag rok ni nge pi’ boch ngom ni kab yo’or ko tinem!”

John 10:10

Ma fare moro’ro’ e be yib ni kemus ni bochan e nge iring e saf, me li’ ngem’ me kirebnag. Me gag e ku gub ni bochan e nge yag e yafos ngorad, ni yafos nike yan i mus ngarogon.

Exodus 34:6

Me th’ab SOMOL p’eowchen Moses me non ni ba ga’ laman ni ga’ar, “I Gag SOMOL, i gag ba Got ni gub sug ko murnguy mma kirban’ug, ma ba sowath ni gu ma damumuw ma gu ma dag e t’ufeg rog nib ga’ ma gub yul’yul’.

James 4:12

Kemus ni go’ Got e ir e ma pi’ e motochiyel ma ir e ma pufthin. Kemus ni ir e rayag rok ni nge faseg e girdi’ ara thang e pogofan ko girdi’. Ga be finey me gur mini’ ni ngam thibthibnag be’ ni gimew?

1 Timothy 1:14

Ma Somol rodad e tow’ath nigeg ko ayuw ni pi’ ngog nge pag rogon me pi’ ngog fare mich nge t’ufeg ni fadad ko ta’ab girdi’ ni gadad ma tay Kristus.

Daniel 6:20

Ma fa’ani chugur ngay, me tolul u fithik’ e magafan’ ni ga’ar, “Daniel, ni tapigpig rok fare Got ni be par nib fos! Mog, ke yag rok fare Got nri ga ma pigpig ngak u fithik’ e yul’yul’ ni nge ayuwegnem rok fapi layon?”

Hebrews 11:19

Me pagan’ Abraham ngay nrayag rok Got ni nge faseg Isak ko yam’, ere yan i aw ni susun e fos Isak ko yam’ nge sul ngak Abraham.

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

2 Peter 1:11

Ireray kanawo’en me yag nni pi’ mat’awmed ni aram e gimed ra yan ngalan e gin’en ni bayi par ndariy n’umngin nap’an, ni aram e gin’en ni suwon e Somol rodad i Jesus Kristus, ni ir e en nma thapegdad ngak Got.

Isaiah 35:2

Ted ni desert e bayi tang ma be tolulnag e felfelan’; bayi bod feni fel’ ya’an e Burey nu Lebanon, ma ba yong’ol e but’ riy ni bod e ted u Karmel ngu Sharon. Gubin e girdi’ ni bayi guy e muluplup rok SOMOL, nge feni ga’ nge feni gel gelngin.

Matthew 3:9

Dab mfineyed nrayag ni nge yib e tawey romed ni bochan e be lungumed, I Abraham e chitamangidad. Ya nggog ngomed ni Got e rayag ni nge fek e pi malang ney nge ngongliy ngar manged e pi’in owchen Abraham!

2 Samuel 7:19

Machane chiney e ka ba yo’or e tin kam rin’ ni fan ngomad, I gur SOMOL ni Th’abi Tolang; ya kamog ngog e tin ni bay mu rin’ ngak e pi’in owcheg ko tin ni bayib e duw nga m’on. SOMOL ni Th’abi Tolang kam gagiyegnag ba girdi’ ke guy e ran’ey!.

Tang Ko Pitang 5:1

Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.

Genesis 18:4

Mu son gad nggog ngan fek e ran i yib ngam luk niged e rifrif u aymed ngay; rayag ni ngam gifgad u roy u tan e re ke gek’iy ney.

2 Kronicles 9:12

Solomon ni Pilung e pi’ ngak fare Queen nu Sheba urngin e tin ni ning. Tiney ni pi’ ngak fare pin e ki peth ko tin ni pi’ ngak ni pulwon e tow’ath rok ni pi’ fare bpin ngak. Ma aram me sul fare bpin nge pi’in nra uned ngak ko nam nu Sheba.