Efesus 3:2 - Bible Ni Thothup

² Rib muduwgil ni kam rung’aged ni Got e runguyeg nge pi’ e re gaf i maruwel ney ngog ni ngu’ug muruwliy ni fan ngomed ni nge fel’ rogomed riy.

Efesus 3:2 Referans Kwoze

1 Timothy 1:11

Ireram e re machib ni kan pir’eg u fithik’ fare Thin Ni Bfel’ ni ir e kan pag fan ngog ni nggu weliy ngak e girdi’, ni ireram fare Thin Ni Bfel’ ni ir e th’abi sorok ma ba fla’ab.

2 Timothy 1:11

I Got e ke turguyeg ni nggu weliy ngak e girdi’ fare Thin Ni Bfel’, ni aram e gag reb e apostel nge tamchib,

Roma 1:5

U daken Kristus e fal’eg Got wa’athag riy ni nggu mang reb e apostel ni fan ngak Kristus, ni bochan e nggu pow’iy e girdi’ u urngin e nam nge mich Kristus u wun’rad miyad fol rok.

Efesus 4:7

Ra bagadad ma kan pi’ e tow’ath rok ni aram e n’en nib salap fa’anem riy, ni bod rogon nike pi’ Kristus ngak.

1 Korinth 4:1

Susun e ngam changargad ngomad ni gamad e pi tapigpig rok Kristus ni gamad e kan ta’mad nike milfan ngomad e tin riyul’ ni kem’ay i leamnag rok Got.

Efesus 1:10

N’en nike mu’ i leamnag rok Got ni nge rin’ e bay fini taw nga nap’an me libguy, ni aram e nge kunuy urngin e tin ni sunumeg ban’en nga ta’bang, ni urngin ban’en ni bay u tharmiy ngu but’, me par Kristus ni ir e llug riy.

Galatia 1:13

Kan weliy ngomed rogon pangig ni ug par ko ngiyal’ ni ba’aram ni gu be tiyan’ug ngarogon kanawo’en nma liyor piyu Israel ngak Got, nge rogon ni ug gafgownag girdi’en e galesiya rok Got nda ug runguyrad mu ug athamgiliy ni nggu kirebnag.

Acts 22:21

Me ga’ar Somol ngog, ‘Mman, ya nggu pi’em ngam man nga pal’af ngak e pi’in gathi yad piyu Israel.’ ”

Acts 13:46

Machane fin aram e welthin Paul nge Barnabas ndar rusgow ni be lungurow, “Ri dabisiy ni gimed e som’on ni ngan weliy e thin rok Got ngomed. Machane fa’anra kam n’iged, ma damur fineyed ni bay rogomed ni nge yag e yafos ndariy n’umngin nap’an ngomed, ma bay gu pagew gimed nggu warow ngak e pi’in gathi yad piyu Israel.

Acts 13:2

Nap’an ni yad be pigpig ngak Somol ma yad be pag e abich, me ga’ar fare Kan Nthothup ngorad, “Mu faled Barnabas nge Saul ngabang, ni nge mil farow ngog nge mang yow e ra ngongliyew e maruwel ni kug piningrow ni ngar muruwliyew.”

Acts 9:15

Me ga’ar Somol ngak, “Mman, ya kug turguy ni nge pigpig ngog, ni ir e nge fek fithingag i yan ngak e pi’in gathi yad piyu Israel nge pi’in pilung, nge ngak e girdi’ nu Israel.

1 Timothy 2:7

ma ireray fan nnol’igeg ni gag reb e apostel ni tamchib ngak e pi’in gathi yad piyu Israel, ni nggu wereg e thin rok Got ngorad ni murung’agen rogon ni nge mich Got u wun’uy min nang e tin nib riyul’. Gathi ban’en ni gu be ban, ya gu be yog e tin riyul’!

1 Timothy 1:4

Mog ngorad ni ngar paged e pi yat nem ndab kur weliyed ngak e girdi’, nge fithingan pi chitamangiy ni kakrom ni ka ma yo’or, ya ireray e pin’en ni be k’aring e tugthin; ya pin’ey e der ayuweg i muruwliy e n’en ni kem’ay i leamnag rok Got ke tay ni kan nang u daken e mich u wun’uy ngak Kristus.

Kolose 1:6

Fare Thin Ni Bfel’ e be yib wenegan ni bfel’ ngak e girdi’ ma be wear u fayleng i yan, ni bod rogon ni wear romed ni ka nap’an e chirofen ni som’on ni mu rung’aged rogon gelngin ni be runguy Got e pi’in nib tadenen ngari tamilangan’med riy.

Kolose 1:4

Ya kug rung’aged rogon fene rib mich Kristus Jesus u wun’med, nge rogon fene rib t’uf romed urngin e girdi’ rok Got.

Efesus 4:21

Ya kari mu rung’aged murung’agen, ma gimed e gimed girdi’en, ere kan fil ngomed e tin nib riyul’ e thin ni ir e ba’ rok Jesus.

Efesus 3:8

I gag e th’abi sobut’ u fithik’ urngin e girdi’ rok Got; machane ke pi’ Got ngog e re gaf i maruwel ney ndariy rogog ni ngan pi’ ngog, ni nggu fek fare Thin Ni Bfel’ i yan ngak e pi’in gathi yad piyu Israel, ni murung’agen e fla’ab rok Kristus ndariy ko fol,

Roma 12:3

Ke runguyeg Got ke pi’ e salap ngog, ma aram fan ni nggog ngomed ni gimed gubin ndab um tolang niged gimed u lanin’med nge pag rogon e leam nsusun e ngu’um ted, machane ngu’um leamgad u fithik’ e leam nib sobut’, me bigimed me gonopiy u wan’ e tin nrayag rok nib m’ag nga gelngin e michan’ rok ngak Got nike pi’ Got ngak.

Roma 11:13

Chiney e gu be non ngomed e pi’in gathi gimed piyu Israel ni be lungug: n’umngin i nap’an ni gu be par ni gag ba apostel ngak e pi’in gathi yad piyu Israel e bay ug par ni gub felan’ ko maruwel ni gu be tay.

Efesus 3:7

Gelngin Got ni be maruwel e tow’ath nigeg nga reb e salap ni ir e ayuwegneg nggu mang reb e tapigpig ko fare Thin Ni Bfel’.

Efesus 3:9

mu gu tamilangnag urngin e girdi’ u rogon ni be muruwliy Got e tin kem’ay i leamnag rok ni i tay nib mith. I Got ni ir e sunumiy urngin ban’en e tay nib mith e n’en ni kem’ay i leamnag rok ni kab kakrom i yib,