Efesus 3:16 - Bible Ni Thothup

¹⁶ I Got ni bay e fla’ab rok ni dabi m’ay e kug wenig ngak ni nge pi’ gelngimed u daken fare Kan Nthothup rok, ya nge yib gelngin lanin’med,

Efesus 3:16 Referans Kwoze

Kolose 1:11

Nge gel nagmed Got nga polo’ i gelngin nma yib u gelngin ni dabi m’ay, nge yag ni mu athamgiliyed urngin ban’en u fithik’ e gumaen’.

Filippi 4:13

Demturug e mit i n’en ni gu ra mada’nag ma bay gelngig nike pi’ Kristus nrayag ni gu par riy.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Zekariah 10:12

Bay gu pi’ gelngin e girdi’ rog; ngu’ur liyorgad ngog ma yad be fol rog.” I SOMOL e keyog e pi thin ney.

2 Timothy 4:17

Machane Somol e par rog nge pi’ gelngig, nge yag ni gu weliy urngin e thin rok Got nge rung’ag urngin e pi’in gathi yad yu Israel; me Somol e ayuwegneg nda kug wan ngalan l’ugun e layon.

2 Korinth 4:16

Ireray fan nri der mulan’dad. Yugu ra be wod dowdad i yan, ma lanin’dad e yibe be’echnag u reb e rran ngu reb.

Efesus 6:10

Kab aray ta’a ban’en: ngam ta’ab girdi’gad ngak Somol ngi i gel nagmed nga gelngin nrib gel.

2 Korinth 12:9

Ma fulweg rok ngog e ga’ar, “Ayuw rog ngom e kemus e ta’are n’en ni ir e thangri yag ngom; ya gelngig e rib gel ko ngiyal’ ni gab me’waer.” Ere kari gu felfelan’ ni nggu uf ko me’waer rog, ni fan e nggu thamiy rog nike yib gelngin Kristus ngog ni nge mang yoror rog.

Filippi 4:19

Ma Got rog ni pire’ ban’en rok e bayi pi’ ngomed u daken Jesus Kristus urngin e tin ni gimed be gafgow riy.

Psalms 28:8

I SOMOL e ir gelngin e girdi’ rok; ma ir e manaf rok e re pilung ni ir e mel’eg.

Roma 7:22

Lanin’ug e ri ba’adag fare motochiyel rok Got.

1 Korinth 16:13

Mu ayuwgad, mpired ni gimed bmuduwgil u fithik’ e michan’ romed ngak Kristus, dab mu rusgad, mpired ni gimed ba gel.

Psalms 138:3

Kam fulweg lungug u nnap’an ni gu piningem; gelngim e mu gel nigeg ngay.

Roma 9:23

Ma ku be finey ni nge dag e fla’ab rok ni ba ga’ nike pu’og nga dakendad e pi’in be runguydad, ni pi arodad nike ngongliy rogorad ni nge yag e fla’ab rok ngorad.

Kolose 1:27

Ya ba’aray rogon ni leamnag Got: i leamnag ni nge nang e girdi’ rok e tin immoy nda nnang, ni fare n’en nrib fel’ ni bay rok ni fan ngak girdi’en urngin e nam. Ere ren’em ni immoy nda nnang e ba’aray: Kristus e bay u fithik’med, ni fan e ren’ey e aram e gimed ra un ngak Got ko fla’ab.

Efesus 3:8

I gag e th’abi sobut’ u fithik’ urngin e girdi’ rok Got; machane ke pi’ Got ngog e re gaf i maruwel ney ndariy rogog ni ngan pi’ ngog, ni nggu fek fare Thin Ni Bfel’ i yan ngak e pi’in gathi yad piyu Israel, ni murung’agen e fla’ab rok Kristus ndariy ko fol,

Efesus 1:18

Gu be wenig ngak ni nge tamilangan’med ngam guyed e tamilang rok, nge yag ni ngam nanged e n’en ni kabay ngam’on ni ir e be piningmed ngay, nge feni gel e manigil ko pin’en ni be yog ni bayi pi’ ngak e tirok’ e girdi’,

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

Efesus 1:7

Racha’en Kristus ni map’ u kuruth e ir e pithigdad ko denen, me ir e n’ag Got fan e denen rodad riy. Ri ba ga’ e runguy rok Got ngodad,

Hebrews 11:34

miyad thang e nifiy nib gel, ma de yag ni ngan li’rad ko saydon. Yad mme’waer machane yib gelngirad ngar gelgad; ma yad ba gel ko mael, ma aram miyad li’ e salthaw rok e pi nam.

Jeremiah 31:33

Ra taw ko ngiyal’nem, ma ba’aray e bin be’ech e m’ag ni bay gu ngongliy u thilmad e girdi’ nu Israel: bay gu tay e motochiyel rog nga lanin’rad mu gu yoloy ngalan ngorongorrad. Bay gu mang Got rorad, ma bay ra manged girdi’ rog.

1 Peter 3:4

Ya lanin’med e nge par nib pidorang, ni aram e pidorang ni dabi m’ay ni aram e leam nib sumunguy ma ba gapas, ni ir e ba ga’ fan u mit Got.

Efesus 2:7

I rin’ e ren’ey ni nge dag ndariy n’umngin nap’an ga’ngin e runguy rok ngodad nge rogon fadad t’uf rok nike dag ngodad rok Kristus Jesus.

Roma 2:29

Machane cha’ nriyul’ ni ir be’ u Israel e cha’ ni ir be’ u Israel u fithik’ i laniyan’, ni aram e cha’ ni kan maad’ad nga laniyan’, ni fare Kan ni Thothup rok Got e ke yodoromnag, machane gathi fare Motochiyel ni kan yoloy. Be’ nike yodorom e Got e bay yog e sorok ngak, ma gathi girdi’ e nge yog e sorok ngak.

BABYOR NI JOB 23:6

Gur polo’ i gelngin Got nra togoluwnag ngog? Danga’, ya ra motoyil ngog.

Efesus 3:15

ni bin riyul’ i fithingan urngin e tabinaw nu tharmiy ngu but’ e ir e yib rok.

Kolose 2:2

Gu be rin’ ni aray rogon ni bochan e nge athamgil lanin’rad miyad chichir nga ta’bang u fithik’ e t’ufeg rorad ngorad, me ri pagan’rad ko tin kar nanged fan ni ir e ba riyul’. Ma aram miyad nang e tin rib fel’ ni kem’ay i leamnag rok Got, ni er Kristus.