Efesus 2:8 - Bible Ni Thothup

⁸ Yu daken e runguy rok Got ngodad e ir e ke thapegmed riy ngak, ni bochan e ke mich Jesus u wun’med. Gathi gimed e mmuruwliyed nge yag, ya ba tow’ath nike pi’ Got ngomed.

Efesus 2:8 Referans Kwoze

Efesus 2:5

ya nap’an ni kagadad bay u tan e gechig rok Got ni aram e gadad ba yam’ ni bochan e denen rodad me chagiydad ngak Kristus nge thapegdad ko yafos; yu daken e runguy rok Got e ir e ke thapegmed riy ngak.

Roma 4:16

Ere tin ni yog Got nra pi’ e ntay ni bay rogon ko mich u wun’uy ngak Got, ni fan e tin ke yog Got ni bayi pi’ e nge yan i aw nib tow’ath rok Got ngak urngin e pi’in owchen Abraham — ni gathi kemus ni pi’in yad be fol ko fare Motochiyel, machane ku errogon e pi’in ke mich Got u wun’rad ni bod rogon Abraham. Ya Abraham e chitamangidad ni gadad urngin e pi’in ke mich Got u wun’dad.

Roma 10:17

Thin rok Got ni yibe machibnag yibe rung’ag e be yagnag e michan’ ngak e girdi’, ma re thin rok Got nem e aram murung’agen Kristus ni yibe machibnag.

Acts 16:31

Me lungurow ngak, “Nge mich u wun’um Somol Jesus, ma aram e kam thap ngak Got — ni gur nge girdi’ nu tabinaw rom.”

John 6:37

Urngin e girdi’ nra pi’ e Chitamag ngog e bay rabad ngog. Ma en nra yib ngog e ri dab gu n’ag.

John 5:24

“Nggog e tin riyul’ ngomed: en nra rung’ag e thin rog me mich u wan’ e en ni ir e l’oegeg ku gub e ke yag e yafos ndariy n’umngin nap’an ngak, ni aram e dab kun pufthinnag, machane ke chuw ko yam’ ke thap ko yafos.

John 4:10

Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”

Luke 7:50

Machane me ga’ar Jesus ngak fare pin, “Michan’ rom ngak Got e ke thapegem ngak; ere mman u fithik’ e gapas.”

Mark 16:16

En nra michan’ ngay min tawfenag e ke thap ngak Got; ma en ni dabi michan’ ngay e kan turguy e gechig rok.

John 3:36

En nra mich u wan’ e en ni Fak Got e aram e keyag e yafos ndariy n’umngin nap’an ngak; ma en ni dabi fol rok e en ni Fak Got e dabiyag e yafos ngak, machane be par e damumuw rok Got u daken ndariy n’umngin nap’an.

Roma 4:5

Ma be’ nde muruwliy ban’en me mich Got u wan’, ni fare Got ni ir e ma mat’awnag e pi tadenen, e ke matha’eg Got ngak ni ir be’ nib mat’aw ni bochan e ke mich Got u wan’.

Efesus 2:10

I Got e sunumiydad, mu daken e ta’ab girdi’ ni kad ted Kristus Jesus e ir e ngongliydad riy ni fan ko maruwel ni bfel’ ni kem’ay i ngongliy rok ke tay ni ngad muruwliyed ko biney e tamilang.

Galatia 3:22

Machane fare babyor nib thothup e keyog ni girdi’ ko re fayleng ney ni polo’ e yad bay u tan gelngin e denen, ni bochan e pi arorad nra michan’ ngak Jesus Kristus e rayag ngorad fare tow’ath ni ognag Got nra pi’ ngak e pi’in ke mich Jesus Kristus u wun’rad.

Galatia 3:14

I rin’ Kristus ni aram rogon ni fan e fare tow’ath ni ognag Got ngak Abraham e nge yag ni ngan pi’ ngak e pi’in gathi yad piyu Israel, ni ngan pi’ ngorad u daken Kristus Jesus, ma aram e daken e michan’ rodad ngak e ra ni pi’ fare Kan ni Thothup riy ngodad ni ognag Got nra pi’.

John 6:40

Ya ba’aray e n’en ni ba’adag e Chitamag: ba’adag ni urngin e pi’in yad ra guy e en ni Fak me mich u wun’rad e aram e ke yag e yafos ndariy n’umngin nap’an ngorad; ma chirofen ni tomur ko rran e bay gu fasegrad ko yam’.”

John 6:35

Me yog Jesus ngorad ni ga’ar, “I gag fare ggan nma pi’ e yafos. En nra yib ngog e dabki yib e bilig ngak bi’id; ma en nra gu mich u wan’ e dabki yib e belel ngak bi’id.

Efesus 1:19

nge feni gel gelngin ni be maruwel u fithik’ i lanin’dad e pi’in ke michan’dad ngak. Ren’en ni gelngin ney ni be maruwel u fithik’ i lanin’dad e ta’reb rogon ko fa binem i gelngin nib gel

Acts 14:27

Ma fa’anra tawgow nga Antiok miyow ulunguy girdi’en fare galesiya ngar weliyew ngorad urngin e tin nike rin’ Got u pa’row, nge rogon nike bing e kanawo’ ngak e pi’in gathi yad piyu Israel ni nge mich Jesus u wun’rad.

John 6:65

Me ul ul ngay nge ga’ar, “Ri ireray fan ni kug weliy ngomed ndariy be’ nrayag ni nge yib ngog ni fa’anra gathi en ni Chitamangiy e gagiyegnag nge yag ni nge yib ngog.”

Kolose 2:12

Ya fa’an ntawfe nagmed, ma aram e kan unegmed ngak Kristus kan k’eyagmed, ma tawfe ntay ngomed e ir e kun unegmed riy ngak Kristus ngan fasegmed ko yam’ u daken e michan’ romed nga gelngin Got ni be maruwel, ni Got ni ir e faseg Kristus ko yam’.

John 6:44

Dariy be’ nrayag ni nge yib ngog ni fa’anra gathi en ni Chitamangiy e pow’iy nge yib ngog, ni ir e ke l’oegeg ku gub; ma bay gu faseg ko yam’ ko chirofen ni tomur ko rran.

1 Peter 1:5

Pi fla’ab nem e gimed e fanmed, ni gimed e pi’in ke thapegmed Got ngak u daken gelngin ngu daken e michan’ romed ngak, ma gimed be sonnag e gin ngam thapgad ngay, ni kan ngongliy rogon kan tay ni ngan dag ko ngiyal’ ni nge mus e rran riy.

Filippi 1:29

Ya ke mel’egmed Got ni ngam pigpiggad ngak Kristus, ni gathi kemus ni ngam pired nib mich u wun’med, machane ngku um gafgowgad ni fan ngak.

Roma 10:14

Machane ra di’in miyad non ngak ni fa’anra dawori michan’rad ngak? Mra di’in me michan’rad ni fa’anra dawor rrung’aged e thin rok? Mra di’in miyad rung’ag ni fa’anra danir machibnag e thin rok?

Matthew 16:17

Me fulweg Jesus ngak ni ga’ar, “Simon ni fak John gur, i gur e rib fel’ wa’atham! Ya re bugithin nir nib riyul’ e gathi ba girdi’ e yib rok ngom, machane Chitamag nu tharmiy e ke pi’ ngom.

Acts 16:14

Ma bagayad e pi cha’nem ni i motoyil ko thin ni gamad be yog e Lydia ni yib u Thyatira, nma folchuway’ ko mad nib purple ram’en. I ir be’ ni bpin nma meybil mma liyor ngak Got, me tamilangnag Somol laniyan’ ni nge uthum tel ko n’en ni be weliy Paul.

2 Thessalonika 1:9

Bay ra gafgowgad ko gechig ni ngan pi’ ngorad ni aram e gafgow ni ngar ted ndariy n’umngin nap’an, ma kan tayrad ngabang ndab ra uned ko gin ni bay Somol riy ma dab ra guyed gelngin Got nib th’abi fel’,

Acts 15:11

Danga’! I mich Jesus u wun’dad Me thapegdad Somol Jesus ngak Got ni bochan e be runguydad, ni bod rogon e tin ni ba’aram e girdi’ ni gathi yad piyu Israel.”

Roma 9:16

Ere dariy rogon ko n’en ni ba’adag e girdi’ fa n’en ni yad be rin’, ya kemus ni yigo’o runguy rok Got e bay rogon ngay.

Hebrews 6:4

Pi’in ni kar mulgad e ra di’in mu kun sulwegrad ngar pi’ed keru’rad ko denen bayay? Ya bay ba ngiyal’ ni ur pired u fithik’ e tamilang rok Got; kar limlimiyed e tow’ath ni yib u tharmiy ma ku errogon yad ni yag fare Kan Nthothup ngorad;

Matthew 20:9

Fapi pumo’on nra tababgad ko maruwel ko lal e kolok e ra bagayad min pi’ ta’reb e salpiy nsilber ngak.