Efesus 2:17 - Bible Ni Thothup

¹⁷ Ere Kristus e yib nge machibnag fare Thin Ni Bfel’ ni murung’agen e gapas ngak urngin e girdi’ — ni aram e gimed e pi’in gathi gimed piyu Israel, ni um moyed ni gimed bmal’af rok Got, nge ngak piyu Israel, ni ur moyed ni yad ba chugur ngak Got.

Efesus 2:17 Referans Kwoze

Acts 10:36

Gimed manang e thin ni pi’ nge yib ngak e girdi’ nu Israel, ni be weliy fare Thin Ni Bfel’ ni murung’agen e gapas nrayag ngodad u daken Jesus Kristus, ni ir e Somol rok urngin e girdi’.

Acts 2:39

Ya tow’ath ni micheg Got ni bayi pi’, e gimed e nge yag ngomed nge pifakmed, nge ngak urngin e pi’in yad ba mal’af, ni yad urngin e pi’in be piningrad Somol ni Got rodad ngak.”

Roma 5:1

Ere chiney e ke mat’aw nagdad Got ngak u daken e michan’ rodad ngak Jesus Kristus, ere ke aw e gapas u thildad Got nike yag u daken e Somol rodad i Jesus Kristus.

Psalms 148:14

I ir e be gagiyegnag e birok e nam be par nib gel, ya nge urngin e tirok e girdi’ miyad pining e sorok ngak, ni piyu Israel, nri yad ba t’uf rok! Ngu’un pining e sorok ngak SOMOL!

Deuteronomy 4:7

“Dariy reb e nam ngabang, ndemturug feni sorok nma chichir e birok e kan ngak ni bod rogon SOMOL ni Got rodad nma chichir ngodad ko ngiyal’ ni gadad ra wenig ngak ni nge ayuwegdad.

Zekariah 9:10

Be ga’ar SOMOL, “Bay gu chuweg e pi chariot ni fan ko mael u Israel, mu gu chuweg e pi os ni bay u Jerusalem; ma pi gat’ing ni yibe fanay ko mael e bay ni kirebnag. Pilung romed e bayi gagiyeg nge aw e gapas u thilin e pi nam; bayi gagiyeg u bang e day nge mada’ nga bang, me tabab ko lul’ ni Eufrates nge yan i mada’ ko yungi n’en ni mus e fayleng riy.”

2 Korinth 5:20

Ere gamad be weliy e thin rok Kristus ngomed, ni aram e be wenig Got ngomed u l’ugunmad: ere gamad be wenig ngomed ni pa’ Kristus ni ngam paged Got nge pingegmed e to’ogor rok ngam manged pi tafager rok!

Isaiah 52:7

Rib falan’uy ni ngan guy ba tamal’og ni be yib u daken e pi burey i yib, nike fek e thin ni bfel’ i yib, ni murung’agen e gapas! Nge yib i yog nib ga’ laman ni kan gel me ga’ar ngak Zion, “Got rom e ir e pilung!”

Luke 2:14

“Ke sorok Got ni bay ko thal nth’abi tolang e tharmiy! Ma nge yib e gapas nga fayleng ngak e pi’in yad bfel’ u wan’ Got!”

Matthew 10:13

Ma fa’anra ba’adag e girdi’ u lan fare naun ni kam marod ngorad, mi gimed pag e gapas ni kamogned nge par rorad; ma fa’anra daburad ni kam marod ngorad, mi gimed fulweg ngomed e gapas ni kamogned.

Isaiah 27:5

Machane fa’anra pi to’ogor ko girdi’ rog e yad ba’adag ni nggu aywegrad, ma yad e ngar aw niged e gapas u thilmad. Arrogon, yad e ngar aw niged e gapas u thilmad.

Psalms 85:10

T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

Psalms 75:1

A Got, gamad be pining e magaer ngom, gamad be og e magaer ngom! Gamad be weliy i yan feni sorom ma gamad be yog e pi maang’ang ni kam rin’.

Roma 10:14

Machane ra di’in miyad non ngak ni fa’anra dawori michan’rad ngak? Mra di’in me michan’rad ni fa’anra dawor rrung’aged e thin rok? Mra di’in miyad rung’ag ni fa’anra danir machibnag e thin rok?

Efesus 4:21

Ya kari mu rung’aged murung’agen, ma gimed e gimed girdi’en, ere kan fil ngomed e tin nib riyul’ e thin ni ir e ba’ rok Jesus.

Luke 15:8

“Susun e aray rogon ma bay ragag i salpiy ni wasey rok be’ ni bpin me yan reb ngabang — ere gur mang e ra rin’? Ra tay e nifiy ko magal, me wologuy lan e naun rok, me fal’eg i chachangarnag u gubin yang nge mada’ ko ngiyal’ ni fin ra pir’eg riy.