Efesus 1:6 - Bible Ni Thothup

⁶ Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

Efesus 1:6 Referans Kwoze

Kolose 1:13

Ya ayuwegdad nge chuwegdad u fithik’ i gelngin e talumor me thapegdad ko gin nsuwon e en ni Fak nib t’uf rok,

Efesus 1:12

Ere gadad e pi’in gadad e som’on nike l’agan’dad ngak Kristus, e ngada pininged e sorok ngak Got nga feni malup’lup’!

Filippi 4:19

Ma Got rog ni pire’ ban’en rok e bayi pi’ ngomed u daken Jesus Kristus urngin e tin ni gimed be gafgow riy.

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

Filippi 1:11

Me par pangimed nriyul’ ni bfel’, ni kemus ni go’ Jesus Kristus e rayag ni nge muruwliy u fithik’ i lanin’med me yagnag ngomed, ni fan e nge gilnag buguwan Got me yin’ e sorok ngak Got.

Efesus 1:14

Re Kan Nthothup nem e aram e pow riy nike muduwgil nrayag ngodad e tin ke yog Got nra pi’ ngak e tirok’ e girdi’, ma ku be micheg ngodad nra gilafnag Got ko denen e pi’in kar manged girdi’en, ni fan e nganog e sorok ngak ngrogon feni sorok!

1 Peter 4:11

Cha’ ni be machib e thingari machibnag e thin rok Got ngak e girdi’; ma cha’ ni be pigpig e thingari pigpig u gelngin nike pi’ Got ngak ni fan e nge urngin ban’en ni be rin’ ma nganog e sorok ngak Got riy u daken Jesus Kristus, ni ir e bayi par ni bay e fla’ab u pa’ ma bay gelngin ndariy n’umngin nap’an! Amen.

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

2 Korinth 4:15

Urngin e pin’ey ma gimed e fan ngomed; ma bay i yo’or e girdi’ i yan ni be taw e ayuw rok Got ngorad ni bochan e be runguyrad, ma bo’or e meybil ni bay ra pi’ed ni yad be pining e magaer ngak Got, ni aram e yad be tayfan.

Isaiah 42:1

Be ga’ar SOMOL, “Ba’aray e tapigpig rog ni ku gu pi’ gelngin, ni fa’anem ni gag e kug turguy ni ir e bfel’ u wun’ug. Ku gu suguy ko kan nthothup rog, bayi fek e tin nib yal’uw i yib ngak urngin e nam.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

Efesus 1:18

Gu be wenig ngak ni nge tamilangan’med ngam guyed e tamilang rok, nge yag ni ngam nanged e n’en ni kabay ngam’on ni ir e be piningmed ngay, nge feni gel e manigil ko pin’en ni be yog ni bayi pi’ ngak e tirok’ e girdi’,

Roma 8:1

Chiney e dab kun turguy e gechig rok e pi’in kar ta’ab girdi’gad Kristus Jesus.

John 10:17

“En ni Chitamangiy e gub t’uf rok, ni bochan e dab gu siyeg ni nggu pi’ e pogofan rog ni fan e ngku ni pi’ ngog bayay.

John 3:35

En ni Chitamangiy e ba t’uf Fak rok ma ke pag fan urngin ban’en ngak.

Luke 2:14

“Ke sorok Got ni bay ko thal nth’abi tolang e tharmiy! Ma nge yib e gapas nga fayleng ngak e pi’in yad bfel’ u wan’ Got!”

Matthew 17:5

Ma nap’an ni be non me yib bangi manileng nib galgal ram’en nga dakenrad, me non ba lam u fithik’ fa gi manileng ni ga’ar, “Ireray Fakag nrib t’uf rog, ni kari felan’ug ngak — ere mu telmed ngak!”

Proverbs 16:4

Urngin ban’en ni ngongliy SOMOL e bay e gin nge yani mada’ ngay, ma girdi’ ni kireb e gechig e ra mada’nag.

Filippi 3:9

mu gu pirew ni kug ta’ab girdi’gow. Ma gathi ka gag e gu be athamgiliy ni nggu mat’aw, ni fa mit nem e mat’aw nma yag u daken e Motochiyel rok Moses ni yibe fol riy; ya chiney e kug mat’aw ni Got e ke mat’aw nigeg ni bochan e ke mich Kristus u wun’ug, ni mat’aw nike yib rok Got ni yib u daken e michan’ rog ngak Kristus.

Efesus 2:7

I rin’ e ren’ey ni nge dag ndariy n’umngin nap’an ga’ngin e runguy rok ngodad nge rogon fadad t’uf rok nike dag ngodad rok Kristus Jesus.

Jeremiah 33:9

Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Jeremiah 23:6

Nap’an nra pilung, ma aram e dabki buch ban’en rok piyu Judah, ma aram e girdi’ nu Israel e bay ra pired u fithik’ e gapas. Ma cha’nem e bay nog fithingan ni ‘Ir SOMOL Nma Mat’aw Nagdad.”

Isaiah 61:11

I SOMOL ni Th’abi Tolang e bayi ayuweg e girdi’ rok ni bod feni muduwgil nma tugul e awoch nge ga’. Ma urngin e nam ni bayi pining e sorok ngak.

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

Psalms 22:20

Mu yororiyeg ko saydon; ma ga ayuweg e pogofan rog ko pi pilis ney.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Psalms 60:5

Mu aywegmad nga gelngim; mu fulweg taban e meybil romad, ya nge dabi buch ban’en rok e pi’in yad ba t’uf rom.

Levitikus 15:15

Me pi’ fare prist reb fa gali arche’ nib maligach ni fan ko denen, ma reb e nge pi’ nib maligach ni mo’oruf. Aray rogon ni nge bangbengnag fare prist rogon fa’anem ni nge be’ech.

Matthew 20:9

Fapi pumo’on nra tababgad ko maruwel ko lal e kolok e ra bagayad min pi’ ta’reb e salpiy nsilber ngak.