Efesus 1:21 - Bible Ni Thothup

²¹ I Kristus e be gagiyeg u rom ni ir e bay nga daken urngin e pi’in be gagiyeg u tharmiy, nge pi’in yad be tay murung’agen ban’en, nge pi’in ba ga’ lungurad, nge pi pilung; i ir e ba tolang ngak urngin e pi liw ni bay gelngirad ko biney e tamilang nge bin bay yib.

Efesus 1:21 Referans Kwoze

Kolose 2:10

ma ta’ab girdi’ ni kam ted Kristus e ke yagnag ngomed urngin e pin’en ni nge ayuwegmed ngu’um rin’ed e tin nib m’agan’ Got ngay. I ir e th’abi tolang u fithik’ urngin e kan nma gagiyeg nge tin nma tay murung’agen ban’en.

1 Peter 3:22

ni ir e ke yan nga tharmiy ke yan i par nga ba’ ni mat’aw rok Got, ni ir e be gagiyegnag urngin e engel nge pi’in yad bay u tharmiy ni yad be tay murung’agen ban’en nge pi’in yad be yog e thin.

Hebrews 1:4

Ya en ni Fak Got e Got e tay ni ir e ba tolang ngak e pi engel, ni bod rogon fare ngachal ni pi’ Got ngak ni ku ba tolang nga fithingan e pi engel.

Acts 4:12

Kemus ni Jesus e rayag rok ni nge thapeg e girdi’ ngak Got; ya dakuriy yugu reb e ngachal ngabang u roy u fayleng ni pi’ Got ngak e girdi’, ni ir e rayag rok ni nge thapegdad ngak Got.”

Kolose 2:15

Mu daken e re kuruth nem e ir e chuweg Kristus ir riy u fithik’ i gelngin e pi kan nib kireb nma gagiyeg nge pi kan nma tay murung’agen ban’en; ni aram e ke gel ngorad min sebaliyrad nike m’on be fekrad i yan ni kar manged kalbus rok.

Daniel 7:27

Gelngin nge buguwan nge gagiyeg rok e pi pilung nu fayleng e bay ni pi’ ngak e girdi’ rok fare Got ni Ir e Th’abi Tolang. Gelngirad ni kar manged pilung e dabimus, ma urngin e pi pilung nu fayleng e bay ur pigpiggad ngorad ma yad be fol ko thin rorad.”

Efesus 3:10

ni fan e nge taw ko ngiyal’ney mu daken e galesiya e nge nang e pi engel nu tharmiy ni yad ma yog e thin nge pi’in yad ma tay murung’agen ban’en u tharmiy feni gonop Got u urngin ban’en.

Efesus 6:12

Ya gadad e gathi gadad be cham ngak e girdi’, ya gadad be cham ngak gelngin e kan nib kireb, ni pi kan ni yad e yad be gagiyeg, nge gelngin e kan u lanelang ko ngiyal’ney nib talumor.

Hebrews 4:14

Ere ngad chichiiyed pa’dad ko michan’ rodad ni ir e gadad be weliy murung’agen. Ya bay e prist rodad ni fare Prist ni Th’abi Ga’ nike yan ngak Got — ni ir Jesus, ni Fak Got.

Matthew 12:32

En nra yog ban’en nib togopluw ngak e en ni Fak e Girdi’ e yira n’ag fan rok; machane en nra yog ban’en nib togopluw ngak fare Kan Nthothup e dabiyag ni yira n’ag fan rok — e chiney fa bi’id.

Hebrews 2:5

Ya Got e de tay e pi engel ni yad e ngar gagiyeg niged e fayleng nike finey ni nge sunumiy — ni ireram e re fayleng ni gadad be weliy murung’agen.

Efesus 2:2

Re ngiyal’ i n’em e um marod u kanawo’en e kireb nu fayleng; um folgad rok e en ni ir e pilung rok e pi kan nu lanelang, ni fare kan ni ir e chiney e be gagiyegnag e pi’in ndarir folgad rok Got.