Deuteronomy 7:9 - Bible Ni Thothup

⁹ Ri dab mpaged talin ni SOMOL ni Got romed e kemus ni ir e Got, ma rib yul’yul’. Bayi tay u gil’ fare m’ag nike ngongliy u thilmed nge Ir, mi i dag ngak reb e biyu e mfen e t’ufeg rok ni dabimus, ni pi’in ur pired nib t’uf SOMOL rorad ma yad be fol ko tin keyog ni ngu’ur rin’ed,

Deuteronomy 7:9 Referans Kwoze

Hebrews 10:23

Ere ngad chichiiyed pa’dad ko ren’en ni ir e ke l’agan’dad ngay ni ir e gadad be weliy murung’agen, ya ba pagan’dad ngak Got nra rin’ e tin keyog.

2 Timothy 2:13

Ma fa’anra darid yul’yul’gad, me ir e be par nib yul’yul’, ya dabiyag ni nge thiliyeg rogon ni ir Got.”

2 Thessalonika 3:3

Machane Somol e ba yul’yul’, ma bayi gel nagmed me ayuwegmed rok Fa’anem nib Kireb ni dabi buch ban’en romed.

Daniel 9:4

Mu ug meybil ngak SOMOL ni Got rog mu gu weliy ngak e denen ni ngongliy e girdi’ ko nam rog ni lungug: “SOMOL ni Got, i gur e th’abi ga’ ma gamad be tay fam. Ri gab yul’yul’ ko fare m’ag rom ma ga be par nib t’uf rom e pi’in ni gab t’uf rorad ma yad be rin’ e tin kamog.

1 Korinth 1:9

I Got e nge pagan’uy ngak, ni Got ni ir e ke piningmed ni ngam chaggad ngak Jesus Kristus ni Fak, ni ir e Somol rodad.

Nehemiah 1:5

Ni lungug, “SOMOL ni Got nu tharmiy, gur Got e th’abi ga’ gelngim ma gab Got ni yima rus ngom, me gur e ga ma tay e m’ag u gil’ ni mu ngongliy u thilmed e pi’in yad ba t’uf rom, ni pi’in ni ga bt’uf rorad ma yad ma fol ko tin kamu tay chiylen.

1 Thessalonika 5:24

En nike piningmed e ir e bay rin’ ngomed, ye ir e ba yul’yul’!

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

Deuteronomy 5:10

Machane pi’in gu bt’uf rorad ma yad ma fol ko pi motochiyel rog e bay gu dag e t’ufeg rog ngorad ni bokum biyu’ e mfen.

1 John 1:9

Ma fa’an gadad ra weliy e denen rodad ngak Got mrayag ni ngad pagan’gad ngak, ya tin nib mat’aw e ra rin’ — ya ra n’ag fan u wan’ e denen rodad me be’ech nagdad u urngin e kireb ni kad ngongliyed.

Isaiah 49:7

Got rok yu Israel nib thothup ni ir e ke biyuliyrad e be ga’ar ngak fa’anem nri yibe darifannag, ma be fanenikay e pi nam daken, me ir e tapigpig rok e pi pilung: “Pi pilung e bay ra guyed gur ndakuriy be’ ni ga bay u tan pa’ miyad yib ngar ted fam; ku er rogon e pi’in yad ma gagiyeg ni bay ra guyed miyad paraw nga but’ ngar ted fam.” Bayi yodoro’ ya SOMOL e ke mel’eg fare tapigpig rok; ma Got rok yu Israel nib thothup e ma tay e thin rok u gil’.

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

2 Korinth 1:18

Rogon feni yul’yul’ Got, e aram rogon e thin ni gog ngomed ni gathi ba “Kefel’ ” nge ba “Danga’.”

Exodus 20:6

Machane pi’in ni gu bt’uf rorad ma yad ma fol ko pi motochiyel rog e gu ra dag e t’ufeg rog ngorad ni bbiyu’ e mfen.

Genesis 17:7

“Bay gu tay u gil’ e tin kugog ni bay gu rin’ ngom nge pi’in bay rabad ni owchem ni bayi par nib m’ag ni dabi m’ay. Bay gu mang Got rom nge Got rok e pi’in owchem.

Hebrews 6:18

Ere gali n’ey e dabiyag ni nge thil ma dabiyag ni nge lifith Got l’ugun riy. Ere gadad e pi’in ni kad thapgad ngak Got e ka ni pi’ e athamgil nga lanin’dad ni ngad chichi’iyed pa’dad ko fare pagan’ ni ka ni pi’ ngodad.

Psalms 119:75

SOMOL, gumnang ni tiriggil rom e go’ bmat’aw, ma ka mu gechig nigeg ni bochan e ga ba yul’yul’.

Hebrews 11:11

Michan’ rok Abraham ngak Got e ir e ayuweg nge yag ni mang reb e matam ni yugu aram rogon nike pilibthir, ma ku errogon Sarah ndabkiyag ni nge diyen. I pagan’ Abraham ngak Got nra rin’ Got e tin keyog ni bay rin’ ngak Abraham.

Deuteronomy 4:35

I SOMOL e dag urngin e pin’ey ngomed ya ngam nanged ni kemus ni ir e Got ni bay ma dakuriy yug reb ngabang.

Titus 1:2

ni murung’agen e yafos ndariy n’umngin nap’an ni ir e nge l’agan’uy ngay. I Got nder ma ban e turguy e re yafos ney ndariy n’umngin nap’an ni nge pi’ ngodad ko ngiyal’ ndawori sunumeg e fayleng riy,

1 Korinth 10:3

Yad gubin nra ked fare ggan ni yib u pa’ Got,

1 Korinth 8:3

Machane en nib t’uf Got rok e manang Got fa’anem.

1 Kronicles 16:15

Dariy bangiyal’ ni ngam paged talin fare m’ag rok Got, ni ngongliy ni nge par ni manemus,

Lamentations 3:23

Nib k’akling ni bod e kadbul, nib mich ni bod e yal’ nra for ngalang.

Psalms 146:6

ni ir e sunumiy lanelang, nge fayleng, nge day, nge urngin e tin bay riy. Gubin ngiyal’ nma tay e tin ke micheg nga tagil’;

Genesis 9:15

ma aram e bay gu leamnag e tin kugog ni nggu rin’ ngomed nge ngak urngin e gamanman, ni aram e dabki kirebnag e ran urngin e pin’en nib fos bayay.

Genesis 28:15

Dab mu pag talin, ni bay ug un ngom ngu’ug yoror rom ko yungi n’en ni ga be yan riy, ma bay gu fulwegnem ko re nam ney. Dab gu pagem nge mada’ ko ngiyal’ ni kug ngongliy urngin e tin kugog ngom ni bay gu rin’.”

Numbers 14:18

‘I Gag SOMOL e ba sowath e damumuw nma yib ngog, ma gu ma dag nrib t’uf e girdi’ rog ma gub yul’yul’, ma gu ma n’ag fan e denen nge togopluw ni yima tay ngog. Machane dariy e n’en rarin’ mug pag ni dabgu gechignag e btir nge pifakrad nge pifak pifakrad nge mada’ ko bin dalip nge aningeg e mfen ni bochan e kireb ni i ngongliy e gallibthir.’

Deuteronomy 4:39

Ere chiney e kari mu nanged ni SOMOL e ir e Got nu tharmiy ngu fayleng, ma dakuriy yugu reb e Got nga bang. Ngu’um ted e pin’ey u lanin’med ma dab mu paged talin.

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Judges 2:1

Fare engel rok SOMOL e yan u Gilgal nga Bokim, me ga’ar ngak piyu Israel, “I gag e gu fekmed nga wuru’ yu Egypt mug fekmed i yib ko fare nam ni gu micheg ngak pi chitamangimed kakrom. I lungug, ‘Ridab gu th’ab e m’ag ni kug ngongliy u thildad.

1 Kings 8:23

me meybil ni ga’ar, “SOMOL ni Got rok yu Israel, dariy reb e kan u tharmiy ngu but’ ni bod gur! Ri gab yul’yul’ ko m’ag ni kam ngongliy u thilmed e tirom e girdi’, ma ga be dag e t’ufeg rom ngorad ni fa’anra yad be par ni yad be fol rom u polo i lanin’rad.

2 Kronicles 6:14

Me meybil ni ga’ar, “SOMOL ni Got nu Israel, dariy e Got ni bod gur u ga’ngin e tharmiy ngu fayleng. Kam tay nga gil’ fare m’ag u thilmed e girdi’ rom u n’umngin nap’an ni yad be fol rom u polo’ i gumircha’rad.

Psalms 103:18

ni pi’in yad be par ni yad ba yul’yul’ ko m’ag rok, ma yad be par ni yad ba tay u gil’ e tin keyog ni ngu’un rin’.

Psalms 105:8

M’ag rok e bayi tay u gil’ ndariy n’umngin nap’an, nike micheg nga bbiyu’ e mfen.

Jeremiah 32:18

Kam dag gelngin e t’ufeg rom ngak bokum biyu’ e girdi’, machane kag ma gechignag e girdi’ ni bochan e denen rok e gallabthir rorad. I gur e gab Got nib gab ga’ ma ba gel gelngim; I gur e SOMOL ni Gubin ma Rayag Rok.

Deuteronomy 32:39

“‘I Gag, ma kemus ni go’ Gag e Got; dakuriy yugu reb e got ngabang. Gu ma thang e pogofan ma gu ma pi’ e pogofan, gu ma maad’ad nigey ma gu ma faseg e maad’ad, ma dariy be’ nrayag ni nge togopluw ko tin gu ma rin’.

Judges 5:31

SOMOL, mange yigi yim’ urngin e pi to’ogor rom ni aram rogon, machane pi’in gab t’uf rorad e nge gal rama’erad ni bod e yal’ ni be yib ngalang! Ma aram me yib e gapas nga daken e nam ni aningeg i ragag e duw.

Nehemiah 9:32

“Rib sorom, i gur Got ni Got romad! Ri ba ga’ madgum, ma rib gel gelngim! Ga be par nri gab yul’yul’ ko m’ag ni mu ngongliy u thilmed e girdi’ rom. Ngiyal’ ni gafgow nagmad e pi pilung nu Assyria ke mada’ ko chiney e ba gel e gafgow ni kug pired nga fithik’! Pi pilung romad, nge pi’in yad ma gafaliymad, nge pi prist nge pi profet romad, nge pi chitamangimad ni kakrom nge urngin e girdi’ romad nra gafgowgad. Mu leamnag gelngin e gafgow ni yib ngomad.

Psalms 36:6

Fanam yal’uw e bod fini tolang e burey; ma fenam mat’aw e bod feni to’ar e rigur. Gur e ga ma chothowliy e girdi’ nge gamanman.