Deuteronomy 7:18 - Bible Ni Thothup

¹⁸ Dab mu rusgad ngorad, ma dab mpaged talin e n’en ni rin’ SOMOL ni Got romed ngak fare pilung nu Egypt nge girdi’en e nam rok.

Deuteronomy 7:18 Referans Kwoze

Psalms 105:5

Mu ted u wan’med feni manigil e pi maruwel rok nike ngongliy, pi maang’ang rok, nge pin’en nike tirigiliy keyog,

Deuteronomy 31:6

Mu pired ni gimed ba muduwgil ni dabi marweran’med. Dab mu tamdaggad ngorad. Ya Got romed, ni aram SOMOL e bayi un ngomed; dabi pagmed ngam waergad ma dabi n’agmed.”

Psalms 77:11

SOMOL, bay i yib ngan’ug e pi gafarig rom ni bfel’; bay ug leamnag e pi ma’ang’ag ni um rin’ kakrom.

Deuteronomy 1:29

“Machane me lungug ngomed, ‘Dab mu rusgad ngak e pi girdi’ nem.

Psalms 78:11

Kar paged talin e n’en ke rin’, fapi maang’ang nra guyed ni rin’.

Judges 6:13

Me ga’ar Gideon ngak, “Siro’, rayag ni gu fith ngom e re bugithin ni ba’aray? Fa’anra bay SOMOL romad me ere mangfan urngin e pi gafgow ney nike yib ngomad? Mang e ke rin’ urngin fa pin’en ni bfel’ nma weliy pi chitamangimad murung’agen ngomad ni i rin’ SOMOL, ni murung’agen rogon ni fekrad nga wuru’ yu Egypt? I SOMOL e ke pagmad. Ke n’agmad nga pa’ piyu Midian.”

Deuteronomy 3:6

Magdad gathey fa yochi binaw ni urngin, ma gadad thang e fan rok urngin e pumo’on, ppin, nge bitir, ni bod rogon nda rin’ed u lan fapi binaw rok Sihon ni Pilung nu Heshbon.

Deuteronomy 20:1

“Nap’an ni gimed ra yan ni mael ngak e pi to’ogor romed mi gimed guy e chariot nma girengiy e os, nge os, nge barba’ i salthaw ni yad bayo’or ngomed, ma dab mu rusgad ngorad. Ya SOMOL ni Got romed nike fekmed nga wuru’ yu Egypt e bay romed.

Numbers 21:34

Me ga’ar SOMOL ngak Moses, “Dab mu tamdag ngak. Ya kug pi’ ngom ni ngam gel ngak, nge urngin e girdi’ rok, nge binaw rok; mu rin’ ngak e n’en nim rin’ ngak Sihon, ni fare pilung ko Amor ni i gagiyeg u Heshbon.”

Deuteronomy 1:30

I SOMOL ni Got romed e bayi pow’iymed, ma bayi cham ni pa’med, nri bod rogon nim guyed ni rin’ u Egypt

Deuteronomy 31:5

I SOMOL e bayi pi’rad nga pa’med, ma ngam rin’ed ngorad nrogon e tin kugog ngomed.

Joshua 8:1

I ga’ar SOMOL ngak Joshua, “Mu fek urngin e salthaw nge un ngom ngam farthoggad nga Ai. Dab mu dugow ara mulan’um. Ya bay gu pi’ gelngim ngam gel ngak e pilung nu Ai; nge girdi’ rok, nge binaw rok, ma regi but nem e bay i milfan ngom.

Psalms 77:12

Bay gu leamnag murung’agen urngin e tin kam rin’; bay gu par ma gu be tafinaynag urngin e tin kam rin’ nrib th’abi fel’.