Deuteronomy 7:1 - Bible Ni Thothup

¹ “SOMOL ni Got romed e bayi fekmed i yan ngalan fare nam ni ngam pired riy, me tuluf bo’or e nam ni bay riy ngar chuwgad u lan fare nam ni aram e pi Hittite, Girgashite, Amorite, Kanaanite, Perizzite, Hivite, nge pi Jebusite, ni medlip i nam ni yad ba ga’ ma yad ba gel ngomed.

Deuteronomy 7:1 Referans Kwoze

Deuteronomy 31:3

SOMOL ni Got romed e bayi m’on romed nge thirif u but’ girdi’en e pi nam ni bay nga m’on romed, ya nge yag ni ngam tafned fapi nam rorad, me Joshua e bayi yog e thin romed ni bod nike yog SOMOL.

Acts 13:19

Me therbeg Got girdi’en medlip e nam ni immoy u daken e nam nu Kanaan, me fek e tirok’ e girdi’ nge tayrad ngay nge mang yad e mil suwon e gi nam nem ngorad.

Deuteronomy 4:38

me tuluf girdi’en e pi nam ni ba ga’ ma ba gel ngomed, ni fan e nge yag ni mmarod ngalan e nam rorad nge pi’ nga pa’med, ni nge par ni tafenmed nge mada’ ko daba’.

Deuteronomy 20:1

“Nap’an ni gimed ra yan ni mael ngak e pi to’ogor romed mi gimed guy e chariot nma girengiy e os, nge os, nge barba’ i salthaw ni yad bayo’or ngomed, ma dab mu rusgad ngorad. Ya SOMOL ni Got romed nike fekmed nga wuru’ yu Egypt e bay romed.

Deuteronomy 9:1

“Mu telmed yu Israel! Daba’ e ngam th’abed e lul’ ni Jordan nga ba’nem ngam marod mu tafned fare but’ nib milfan nga bogi nam ni yad ba gel ngomed. Pi binaw rorad e ba ga’ ma bay e yoror riy nib liyeg nib tun ko manileng.

Deuteronomy 9:4

“Nap’an nra tulufrad SOMOL ni Got romed ngar chuwgad ni fan e ngam tafned e nam rorad, ma dab mu leam niged nike fekmed SOMOL i yan ngalan e re nam nem ni ngam tafned ni bochan e bay rogmed ni ngam tafned. Danga’, i SOMOL e bayi tuluf e pi girdi’ ney ngar chuwgad ni bochan e yad ba kireb.

Exodus 33:2

Ma bay gu l’oeg ba engel ngi i m’on romed; ma bay gu tuluf e girdi’ ni Kanaan, nge piyu Hitt, nge piyu Amor, nge piyu Hiv nge piyu Jebus ngar chuwgad.

Psalms 78:55

I tuluf e girdi’ riy nnap’an ni be yib e tirok e girdi’ i yib; me f’oth e binaw rorad u pa’ e ganong nu Israel me pi’ taferad ko tirok e girdi.

Deuteronomy 31:20

Bay gu fekrad ngalan e re nam nem nib madnom ma ba yong’ol e but’ riy, ni bod ni gu micheg ngak pi chitamangirad kakrom. U rom e rayag ngorad riy urngin e ggan ni yad ba’adag, ma bay ur pired ni bfel’ rogorad. Machane bay ra pi’ed keru’rad ngog ngu’ur tedfan yugu boch e got. Bay ra dabuyedgag miyad th’ab fare m’ag ni kug ngongliy u thilmad,

Deuteronomy 11:29

Nap’an nra fekmed SOMOL i yan ngalan fare nam ni ngam tafned, ma ngam weliyed e re fel’wa’athan ney u daken e Burey ni Gerizim, ma fare buchwa’athan e ngam weliyed u daken e Burey ni Ebal. (

Deuteronomy 6:23

Me chuwegmad u Egypt nge fekmad ngaray me pi’ ngomad e re nam ney ni bod ni micheg ngak e pi chitamangimad ni kakrom.

Deuteronomy 6:19

me yag ni mu tulufedyad ni bod ni micheg.

Deuteronomy 6:10

“SOMOL ni Got romed e micheg ngak e pi chitamangimed ni kakrom ni aram Abraham nge Isak nge Jakob ni bayi pi’ ngomed, ba nam ni bay bogi binaw riy ni ba ga’ ma bfel’ rogon, ni gathi gimed e mu ngongliyed rogon.

Deuteronomy 6:1

“Irera’ urngin fapi motochiyel ni SOMOL ni Got romed e keyog ngog ni nggu fil ngomed. Ngu’um folgad riy u lan e re nam ni ba’aram ni ngam marod ngay ngam pired riy.

Numbers 14:31

Ka mogned ni yira kol pifakmed u fithik’ e mael nga ni fekrad, machane bay gu fekrad i yan ngalan fare nam ni kam pi’ed keru’med ngay, ma bayi mang taferad.

Exodus 15:7

Gelngim nib th’abi gel e ir e mu kirebnag ngay e pi’in yad be togopluw ngom; damumuw rom e gabulbul ngalang, me urfiyrad ni bod e ul.

Exodus 6:8

Bay gu fekmed ko fare nam ni gu micheg ni gu ra pi’ ngak Abraham, Isak, nge Jakob; bay gu pi’ ngomed nge milfan ngomed. I gag SOMOL.”

Exodus 23:28

Bay gu k’ar mrus ko pi to’ogor romed nib tomgin; bay gu tuluf piyu Hiv, piyu Kanaan, nge piyu Hitt, nnap’an ni gimed be yan i yan nga m’on.

Exodus 23:33

Dab mu paged e pi girdi’ nem ngar pired u lan e nam romed; ya fa’an gimed ra pag, ma yad ra waliymed ngam denengad nib togopluw ngog. Ma fa’an gimed ra tayfan e pi got rorad, mra mang ba wup’ ngam awgad ngay.”

Levitikus 14:34

e pi gafal ni ba’aray ni murung’agen e pi naun nra yib e pthethaw ngay. (Pi gafal ney e nge maruwel piyu Israel ngay nnap’an ni yad ra thap ngalan fare nam nu Kanaan, ni bay i pi’ SOMOL ngorad ni ngar tafned.) Fa’anra pir’eg bigmed ni SOMOL e ke l’oeg e pthethaw ko naun rok, ma thingari yan i yog murung’agen ngak e prist.

Deuteronomy 20:16

“Machane nap’an ni gimed ra kol fapi binaw nu lan fare nam ni bayi pi’ SOMOL ni Got romed ngomed, mi gimed thang e fan rok gubin e girdi’ riy.

Joshua 3:10

Daba’ e bay mu nanged ni fare Got ni be par nib fos e bay romed; nap’an ni bay mmarod i yan nga m’on ma ir e bayi tuluf piyu Kanaan ngar chuwgad, nge fapi girdi’ ni kanog e Hittite ngorad, nge Hivite, nge Perizzite, nge Girgashite, nge Amorite, nge Jebusite.

Joshua 11:3

Miki pi’ e thin nge yan ngak piyu Kanaan ni yad bay u ruw raba’ fare Jordan, nge pi Amorite, nge pi Hittite, nge pi Perizzite, nge pi Jebusite u lan fare binaw ni go’ burey, ma ku errogon ni yan e thin ngak pi Hivite ni yad ma par u enggin fare Burey ni Hermon u lan e binaw nu Mizpah.

Joshua 24:11

Mi gimed th’ab e lul’ ni Jordan nga barba’ ngambad nga Jeriko. Me mael piyu Jeriko ngomed, ma ku aram e n’en ni rin’ e pi Amorite ngomed, nge Perizzite, nge Kanaanite, nge Hittite, nge Girgashite, nge Hivite, nge Jebusite. Mu gu gagiyegnag ngam gelgad ngorad.

1 Kings 16:31

Gathi kemus ni i rin’ e kireb ni i rin’ Jeroboam ni Pilung; ya ki leay Jezebel, ni fak Ethbaal ni Pilung nu Sidon, me un i tay fan Baal.

Nehemiah 13:23

Ngiyal’ nem e kug pir’eg ni bo’or e pumo’on nu Israel ni kar le’engiyed e ppin nu Ashdod, Ammon, ngu Moab.

Exodus 23:32

Dab mu fal’eged e tha’ u thilmed nge pi girdi’ nem ara pi got rorad.

Numbers 13:29

Pi Amalekite e yad be par ko ley ni yimuch e re nam nem; ma pi Hittite, nge pi Jebusite, nge pi Amorite e yad be par u daken e ted; ma piyu Kanaan e yad be par u dap’el’ay u to’oben fa gi day ni Mediterranean fithingan nge to’oben fare lul’ ni Jordan fithingan.”

Deuteronomy 9:3

Ma bay mu guyed nga owchemed ni SOMOL ni Got romed e bayi m’on romed ni bod ba daramram nib gel. Bay i gel ngorad i yan u nap’an ni gimed be yan nga m’on, ya ngam tulufedrad mi gimed thirifrad u but’ nib machreg, ni bod nike micheg.

1 Kronicles 1:14

Me Kanaan e ku ir e chitamngin e girdi’ nu Jebus, Amor, Girgash,

2 Kronicles 8:7

Pi’in nra magachgad ko girdi’ nu Hit, Amor, Periz, Hiv nge Jebus ni gathiyad piyu Israel nde thang piyu Israel e pogofan rorad aram ko somm’on,

Ezra 9:1

Nga tomuren ni go’ kan rin’ urngin e pin’ey, me yib boch fapi tayugang’ rok e girdi’ nu Israel rogned ngog ni girdi’, nge prist, nge pi Levite e de yag nra ki’egged yad nga orel rok e girdi’ ko pi nam ni yad ba chuchugur ngorad ni aram yu Ammon, Moab, ngu Egypt ara rok e pi Kanaanite, Hittite, Perizzite, Jebusite, nge pi Amorite. Yad be rin’ e pin’en nib sonogor nma rin’ e pi girdi’ ney.