Deuteronomy 6:7 - Bible Ni Thothup

⁷ Mu filed ngak pifakmed; um weliyed murung’agen ngorad ko ngiyal’ ni gimed bay u tabinaw nge ngiyal’ ni gimed be milekag, nge ngiyal’ ni gimed be toffan nge ngiyal’ ni gimed be maruwel.

Deuteronomy 6:7 Referans Kwoze

Deuteronomy 11:19

Mi gimed fil ngak pifakmed. Mu weliyed ngorad ko ngiyal’ ni gimed bay u tabnaw, nge ngiyal’ ni gimed bay u milekag, nge ngiyal’ ni gimed be toffan, nge ngiyal’ ni gimed be maruwel.

Efesus 6:4

Gallibthir, dab um puwan’gad ngak pifakmed nge pag rogon ngam k’aringed e damumuw ngorad. Machane ngam chuguluyed yad mi gimed llowan’ nagrad nrogon, mi gimed fonow nagrad nrogon girdi’en Kristus.

1 Peter 3:15

Machane ngam liyorgad ngak Kristus u lanin’med, mi gimed tay ni ir e Somol romed. Mu fal’eged rogomed ni gubin ngiyal’ ni ngam pi’ed e fulweg ko n’en nra fith be’ ngomed ni ngam weliyed u murung’agen e ren’en ni ir e ke l’agan’med ngay.

Deuteronomy 6:2

N’umngin nap’an e yafos romed, ni gimed nge pi’in owchemed e ngu’um pired ni bay madgun SOMOL ni Got romed u wun’med ma gimed be fol u urngin fapi motochiyel rok ni nggu pi’ ngomed, ya nge yag ni n’uw nap’an ni um pired ko fare nam.

Efesus 4:29

Dab umogned e thin nib kireb ku be’. Kemus ni thin nra ayuweg be’ e ngu u mogned, ni fa mit nem e thin nma fonownag e girdi’ me yib fan ngorad, fan e tin ni ngmogned e nge rin’ e tin ni bfel’ ban’en ngak e pi’in kar motoyilgad ngomed.

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

Proverbs 6:22

Machib rorow e ri i pow’iyem u nap’an ni ga be milekag, ngi i yororiyem nnep’, me fanow nigem ni rran.

Luke 6:45

Be’ ni bfel’ e ma fek e tin ni bfel’ ko pin’en nib manigil nike kunuy nga laniyan’; ma be’ nib kireb e ma fek e tin nib kireb ko tin nib kireb ban’en nike kunuy nga laniyan’. Ya ra be’ ma be yog l’ugun e pin’en nib sug u laniyan’.”

Matthew 12:35

Ya be’ ni bfel’ e ma fek e tin ni bfel’ ban’en ko tin ni bfel’ nike kunuy; ma be’ nib kireb e ma fek e tin nib kireb ban’en ko pin’en nib kireb nike kunuy.

Kolose 4:6

Ma gubin ngiyal’ nthingar umogned e thin ngorad ni bfel’ ma bay fan, ma thingar mu nanged rogon ni ngam pi’ed e fulweg nib mat’aw ko tin ke fith be’ nge be’ ngomed.

Proverbs 15:7

Pi’in gonop e yad ma garareg e llowan’, ma gathi pi’in balyang.

Proverbs 10:21

Thin u l’ugun e en nib mat’aw e ra yib fal’ngin ngak e girdi’ nib yo’or, machane gur e rayag ni mu li’em nga mum’ ko aliliy rom.

Malaki 3:16

Ma girdi’ ni bay madgun SOMOL u wun’rad e ur welthingad ngorad, ma be motoyil SOMOL ngorad me rung’ag e thin ni yad be yog. Bay ba ke babyor rok ni kan yoloy ngay murung’agen e pi’ini bay madgun SOMOL u wun’rad ma yad be tayfan.

Proverbs 15:2

Ra non e girdi’ nib gonop, me m’ug feni fel’ e llowan’, machane pi’in balyang e ma yib e thin ni dariy fan u l’ugunrad.

Psalms 129:8

Dariy be’ nra yan u to’oben me ga’ar, “Mang e yigi fal’eg SOMOL wa’atham! Gamad be fal’eg wa’atham u fithingan SOMOL.”

Psalms 119:46

Bay gu weliy e tin kamog ni ngan rin’ ko pi pilung ni dab gu tamra ngay.

Ruth 4:11

Pi’in yad ma yog e thin nge girdi’ ni yad bay u rom e ra ga’argad, “Errpgpm. gamad e kug manged mich riy. Mang e yigi ayuwegh SOMOL le’engim nge bod Roachel nge Leah, nra diyen nigew bo’or e bitir ku Jakob. Mang e yigi yo’or ban’en rom u lan fare ke girdi’ rok Efrath me gilbugwam u lan yu Bethlehem.

Psalms 37:30

Thin rok be’ ni bfel’ e bay e gonop riy, ma tin ma weliy e bmat’aw.

Ruth 2:12

Mang e yigi pi’ SOMOL puluwom ko tin ka mu rin’; mang e yigi pi’ SOMOL puluwom ni polo’, ni fare Got nu Israel, ni ir e ka mub ni ngam naf nga tan pa’!”

Ruth 2:4

Me taw Boaz ni aram e ke yib u Bethlehem. Me ga’ar ngak fapi girdi’en e maruwel, “I SOMOL e ngi i par romed!” Miyad fulweg ni lungurad, “I SOMOL e nge ayuwegnem!”

Psalms 71:17

Kugub bitir ma ga tabab i fonow nigeg, ma ku gu be weliy feni manigil e ngongol rom.

Isaiah 38:19

Pi’in nib fos e yad ma pining e sorok ngom, ni bod ni gu be pininge e sorok ngom e chiney. Pi matam e yad ma yog ngak pifakrad fanam yul’yul’.

BABYOR NI JOB 8:10

Machane mu pag e pi’in gonop kakrom ngar llowan’ niged gur; mmotoyil ko n’en ni u rogned:

Psalms 119:13

Bay gu sul u daken gubin e motochiyel rom ni ka mu pi’ nggu weliy nib ga’ lamag.