Deuteronomy 6:11 - Bible Ni Thothup

¹¹ Pi naun ni bay riy e ke suguy urngin mit e falel’ ni gathi gimed e mu ted, ma bay bogi luwed riy ni gathi gimed e mu kired, ma bay yungi woldug riy ni grapes, nge gek’iy ni olive nike m’ay i yung. Nap’an nra fekmed SOMOL ngalan e re nam nem, me yag ngomed urngin e tin gimed ba’adag ni ngam koyed,

Deuteronomy 6:11 Referans Kwoze

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

Judges 3:7

Fapi girdi’ nu Israel e ra paged talin SOMOL ni Got rorad; rdenengad nib togopluw ngak ngu’ur tedfan e pi liyos ni Baal nge Asherah ni fare got ni bpin.

Deuteronomy 11:15

nge pan ni fan ko gamanman romed. Ma oren e ggan ni gimed ba’adag ma bay.

Deuteronomy 14:29

Pi ggan ney e fan ngak e pi Levite, ya dariy e binaw ntaferad, ma ku fan ngak e milekag, nge bitir ni kanim’ rorad, nge pi’in ke yim’ figirngirad ni yad ma par u lan e binaw romed. Pi cha’ney e ngarbad ra feked oren e tin bt’uf rorad. Mu rin’ed ni aray rogon mra fal’eg SOMOL ni Got romed wa’athmed u gubin ban’en ni gimed be rin’.

Deuteronomy 19:1

“Tomuren nike thang SOMOL ni Got romed owchen e girdi’ ko fare binaw ni nge pi’ ngomed, nge tomuren ni kam koled fapi binaw rorad nge naun kam pired riy,

Joshua 24:13

Mu gu pi’ ngomed bang e but’ ni gathi gimed e mu gi’ed e but’ riy, nge bogi binaw ni gathi gimed e mu sunmiyed. Gimed be par riy gimed be kay e grape nge olive ni gathi gimed e mu yunged.’

Nehemiah 9:25

Girdi’ rom e ra koled e pi binaw ni ka ni yororiy ni fan ko mael, nge binaw nib yong’ol, nge naun nib sug ko machaf, nge luwed nike m’ay i ker, nge gek’iy ni olive, nge gek’iy ni yima kay wom’ngin, nge yungi woldug ni grapes. Mu ur ked urngin e tin yad ba’adag ni ngar ked ngar pired ni kar sugsuggad; mi i felfelan’rad ko urngin e pin’en ni bfel’ ni mu pi’ ngorad.

Psalms 105:44

Me pi’ boch e nam ngar tafned, ni tafen yugu boch e girdi’, me gagiyeg nagrad ngar fi’iyed e woldug rorad,