Deuteronomy 5:33 - Bible Ni Thothup

³³ Mu folgad riy ni gubin, ya ngu’um pired ni bfel’ rogomed mu’um pired u lan fare nam ni bay mu tafned nge n’uw nap’an.

Deuteronomy 5:33 Referans Kwoze

Jeremiah 7:23

Machane gu ning chiylen ngorad ni ngu’ur folgad rog, ni fan e ngu’ug par ni gag e Got rorad ma yad e girdi’ rog. Mu gog ngorad ni ngu’ur ngongol gad ni bad rogon ni ku gu ning chiylen ngorad, ma aram e ur pired ni bfel’ rogorad.

Deuteronomy 4:40

Um folgad u urngin e pi motochiyel rok ni kug pi’ ngomed e daba’, ma aram e gimed nge pi’in ni bay ra bad ni owchemed e yugu bay um pired ni bfel’ rogomed mu’um pired u lan e re nam nem ni SOMOL ni Got romed e nge pi’ ngomed ngam tafnayed ni dariy n’umngin nap’an.”

Luke 1:6

Ni yow l’agruw ma ur pirew ni bfel’ e ngongol rorow u p’eowchen Got, ma yow be fol ko tin keyog Somol nge pi motochiyel.

Deuteronomy 10:12

“Gimed e girdi’ nu Israel, mang e ba’adag SOMOL ni Got romed? I SOMOL e ba’adag ni ngam liyorgad ngak mi gimed falwok rok, me t’uf romed mi gimed pigpig ngak u polo’ i gumircha’med ngu lanin’med,

1 Timothy 4:8

Dowef ni yima gelnag u fithik’ urngin mit e gosgos e bay fan, machane gel ni yima tay ko bin nib be’ech e pangiy nike pi’ Got e ri ba ga’ fan u gubin ban’en, ya ba ga’ fan ko biney e tamilang nge binem e tamilang.

Roma 2:7

Boch e girdi’ e kar pired ni yad be rin’ e tin ni bfel’ ni yad be nameg e fla’ab rok Got, nge tayfan ni bayi tay Got ngorad, nge reb e tamilang ndab ku nim’ riy: ireram e picha’ ni bayi pi’ Got e yafos ndariy n’umngin nap’an ngorad.

Psalms 119:6

Fa’anra gu tiyan’ug nga gubin e tin kamog, ma aram e dab ni tamra’ nigeg.

Deuteronomy 5:29

Mang e yigi i par lanin’rad ni arrogon ni gubin ngiyal’! Mang e yigi par madgug u wun’rad ni gubin ngiyal’ miyad be fol u gubin e tin kugog ngorad ni ngar rin’ed, nge yag ni ur pired nge pi’in owcharad ni bfel’ rogorad ndariy n’umngin nap’an.

Efesus 6:3

“ni fan e ngu’um par ni bfel’ rogom, me n’uw nap’an ni mu par u daken e binaw.”

Exodus 20:12

“Mu liyor ko chitamam nge chitinam nge n’uw nap’an ni mu par ko gi binaw nike pi’ SOMOL ni Got rom ngom.

Deuteronomy 4:1

Me ga’ar Moses ngak e girdi’ nu Israel, “Ngu’um folgad u urngin e pi motochiyel ni ba’aray ni nggu fil ngomed, ni ngu’um pired ni dabi buch ban’en romed, mi gimed par u lan fare nam ni SOMOL ni Got rok pi chitamangimed e bayi pi’ ngomed.

Deuteronomy 6:1

“Irera’ urngin fapi motochiyel ni SOMOL ni Got romed e keyog ngog ni nggu fil ngomed. Ngu’um folgad riy u lan e re nam ni ba’aram ni ngam marod ngay ngam pired riy.

Deuteronomy 6:3

Gimed e girdi’ nu Israel, mu telmed ngu’um folgad ko pi motochiyel ney, nge yag ni fel’ rogomed me yo’or e girdi’ romed u daken e re nam nem ni bfel’ rogon ma ba yong’ol e but’ riy, ni bod rogon nike micheg SOMOL ni Got rok e pi chitamangidad ngomed.

Deuteronomy 11:9

Me yag nim pired nib n’uw nap’an u daken fare nam ni bfel’ rogon ma ba yong’ol, ni micheg SOMOL nra pi’ ngak e pi ga’ romed ni kakrom nge pi’in owcherad.

Deuteronomy 12:25

Fa’an gimed ra fol ko ran’ey nike yog, ma gimed ra fel’ u wan’ SOMOL, ma aram e gimed nge pi’in owchamed e ra fel’ gubin ban’en u puluwmed.

Deuteronomy 12:28

Ngar mu yul’yul’gad ngu’um folgad u urngin e tin kugog ngomed ni ngam rin’ed, ma aram e gimed nge pi’in owchamed e gubin ban’en ni bayi fel’ u puluwmed ndariy n’umngin nap’an, ni bochan e gimed be rin’ e tin ba mat’aw nge tin bfel’ u wan’ SOMOL ni Got romed.

Deuteronomy 22:7

Rayag ni ngam fek pifak, machane thingar mu pag fare chitinngin nge yan. Ya nge yag nim par nib n’uw nap’an ma bfel’ wa’atham ko par rom.

Jeremiah 42:6

Ndemturug ko m’agan’mad ngay fa dangay, ma gamad ra fol rok SOMOL ni Got rodad, ni ir e gamad be ning ngom ni ngam meybil ngak. Fa’an gamad ra fol rok ma ra fel’ gubin ban’en u puluwomad.”

Ezekiel 20:19

I Gag fare SOMOL ni Got romed. Mu folgad ko motochiyel nge thin rog.

Deuteronomy 5:16

“‘Mu liyorgad ko chitamangimed nge chitiningimed, ni bod ni Gag SOMOL ni Got romed e kug taychilen ni ngam rin’ed’, ya nge par ni ngi i fel’ wa’athmed ma ku arrogon ni ngki n’uw nap’med u lan tafenmed ni kug pi’ ngomed.

Deuteronomy 8:1

“Urngin fapi motochiyel ni kug pi’ ngomed e daba’ e ngu’um folgad riy u fithik’ e yul’yul’, nge yag ni mfosgad mu’um yo’orgad mi gimed tafnay e re nam nem ni SOMOL e micheg ngak pi chitamangimed ni kakrom nra pi’ ngomed.

Deuteronomy 29:8

ma gadad fek e binaw rorow ngad f’othed rok e pi ganong rok Ruben nge Gad, nge baley ko ganong rok Manasseh.

Deuteronomy 30:16

Fa’anra um folgad ko tin keyog SOMOL ni Got romed ngomed ni ir e kug weliy ngomed e daba’, fa’anra t’uf SOMOL romed ma gimed be fol rok nge urngin e pi motochiyel rok ma aram e ra i fel’ rogomed mi gimed mang ba nam ni pire’ e girdi’ riy. I SOMOL ni Got romed e bay i ayuwegmed u lan e re nam ni ngam marod ngay ngam pired riy.

1 Kings 3:14

Fa’anra um fol rog ma ga be tay nga tagil’ e pi motochiyel rog nge pin’en kugog ni ngam rin’ ni bod ni i rin’ e chitamam i David, ma bay gu gagiyeg nigem nge n’uw nap’am.”

2 Kings 17:37

Thangri gubin ngiyal’ ma gimed be fol ko pi motochiyel nge tin ku gu yoloy ni fan ngomed ni ngam rin’ed. Thingar dab mu folgad rok yug boch e got,

1 Kronicles 28:8

“Ere gimed e pi girdi’ rog, chiney u p’eowchen e Got rodad nge re ulung ney ni ga’ngin yu Israel, ni girdi’en SOMOL, gu be teg ngomed ni ngrim folgad u gubin ban’en nike yog SOMOL ni Got rodad, ya nge yag ni ngkum pired u daken e re nam ney nib manigil me yag ni mpi’ed nga pa’ e tin bay feni yib e mfen ndariy n’umngin nap’an.”

Psalms 37:9

Pi’in nib pagan’rad ngak SOMOL e yad ra tafnay e nam, ma pi’in kireb e bay ni tulufrad nga wuru’ e nam.

Psalms 37:11

machane pi’in ba sobut’anrad e bay ra pired u daken e nam, nge felan’rad nike yo’or ban’en rorad ma yad ba gapas.

Psalms 37:22

Pi’in ke fal’eg Got wa’athrad e bay rtafned e binaw, machane pi’in ke bucheg wa’athrad e bay ntulufrad nga wuru’ e binaw.

Psalms 37:29

Pi’in yad mmat’aw e bay ra pired u daken fare but’, me par ni taferad ni dariy n’umngin nap’an.

Psalms 37:34

Mpar ni SOMOL e ke l’agan’um ngak mu’um fol ko tin keyog; me tolang nigem ngam tafnay e binaw, ma bay mu guy e pi’in kireb ni kan tulufrad.

Proverbs 3:1

Fakag, dab mu pag talin e machib rog ngom. Gubin ngiyal’ ni ngi i par u wun’um e n’en kugog ngom ni ngam rin’.