Deuteronomy 5:27 - Bible Ni Thothup

²⁷ Moses, mu sul ngaram, ngam motoyil nga urngin e tin be yog SOMOL ni Got rodad. Ma ga sul ngamog ngomad urngin e tin keyog ngom. Ya gamad ra motoyil ngay ma gamad ra fol riy.’

Deuteronomy 5:27 Referans Kwoze

Exodus 20:19

Me lungurad ngak Moses, “I gur e ngam non ngomad nggu rung’aged; ya fa’anra nge non Got ngomad, ma nggu m’ad nriyul’.”

Hebrews 12:19

lingan ba rappa, nge ba lam ni non. Ma fa’ani rung’ag e girdi’ e re lam nem ni non miyad wenig ni nge dab kur rung’aged bbug e thin,

Exodus 19:8

Me fulweg fapi girdi’ ni gubin nta’abyay ni lungurad, “Bay gu rin’ed urngin e tin keyog SOMOL.” Me weliy Moses e tin keyog fapi girdi’ ngak SOMOL.

Exodus 24:3

Me yan Moses nge weliy ngak e girdi’ urngin e tin ngan rin’, nge urngin e pi motochiyel rok SOMOL. Me fulweg urngin e girdi’ nta’abyay ni lungurad, “Bay gu rin’ed gubin e tin keyog SOMOL ni nggu rin’ed.”

Deuteronomy 5:26

Ya mini’ e re girdi’ ni ka a rung’ag laman Got ni be par nib fos ni non u fithik’ e nifiy, ni bod ni kad rung’aged ma ka gadad be par ni gadad bfos?

Deuteronomy 5:28

“Ma nap’an ni rung’ag SOMOL e tin kamogned, me ga’ar ngog, ‘Kug rung’ag e n’en nike yog e picha’ney, ma sororad riy.

Joshua 24:24

Me ga’ar piyu Israel ngak Joshua, “Bay ug pigpiggad ngak SOMOL ni ir e Got romad, mu ug folgad ko tin keyog ni nggu rin’ed.”

Jeremiah 42:6

Ndemturug ko m’agan’mad ngay fa dangay, ma gamad ra fol rok SOMOL ni Got rodad, ni ir e gamad be ning ngom ni ngam meybil ngak. Fa’an gamad ra fol rok ma ra fel’ gubin ban’en u puluwomad.”

Exodus 18:20

Ma thangar um machib nagrad ko tin keyog Got ni ngan rin’, ma ga be tamilangegrad u rogon ni ngu’ur pired nge n’en thingar ur rin’ed.

Exodus 20:18

Fa’ani rung’ag piyu Israel lingan e dirra’ nge laman e yabul ni be thow ni ba ga’ laman, miyad guy e uluch ni be matmat nge re burey nem ni be gabulbul e ath riy, mu ur da’da’gad ko marus miyad sak’iy u urel riy.

Jeremiah 42:5

Ma aram ma yad ga’ar ngog, “Nge mang SOMOL ba mich nib riyul’ mab yul’yul’ ni nge togopluw ngomad ni fa’anra dag folgad u gubin e motochiyel ni pi’ SOMOL ni Got rodad ngom ni fan ngomad.