Deuteronomy 4:31 - Bible Ni Thothup

³¹ I SOMOL ni Got romed e ba Got ko runguy. Dabi n’agmed fa thang owchemed. Ya dabi pag talin fare m’ag ni ngongliy u thilin pi chitamangimed nge ir.

Deuteronomy 4:31 Referans Kwoze

Psalms 116:5

I SOMOL e ba wurngan’ ma bfel’; Got rodad e rib marnguy.

Deuteronomy 31:8

I SOMOL e bay i pow’iyem i yan ma be un ngom. Dabi pagem ngam waer ara n’agem. Ere dabi mulan’um ara mu rus.”

Jonah 4:2

Ma aram me meybil ni ga’ar, “SOMOL, gu be fithem, gathi gog faram u m’on ndawor gu pag e tabinaw rog, ni irera’ e n’en ni ga ra rin’? Aram fan ni gu athamgil nggu mil nga Tarshish! Ya gu manang ni gur ba Got ni gab sumunguy ma ri ga ma runguy e girdi’; ma gubin ngiyal’ ni gab gumaen’, ma gubin ngiyal’ ni gab gol, ma gubin ngiyal’ ni kam fal’eg rogom kam par nrayag ni ngam thiliyeg lanin’um nge dab kum pi’ e gechig.

Nehemiah 9:31

Machane bochan e runguy rom ni ba ga’ ma da mu n’agrad ara mu thang owcherad. I gur ba Got ni gab gol ma ga ma runguy e girdi’!

2 Kronicles 30:9

Fa’an gimed ra sul ngak SOMOL, ma aram e pi’in ni ka ra feked e girdi’ romed ngabang ni bogi kalbus e yad ra runguy ya’arad ngar pagedrad ngar sulod nga taferad. I SOMOL ni Got romed e ba gol ma ba murunguy, ma fa’an gimed ra sul ngak, ma gimed ra fel’ u wan’.”

Levitikus 26:42

ma aram e bay fin gu leamnag bayay fare m’ag ni gu ngongliy u thilmow Jakob, Isak, nge Abraham, mfin gu be’echnag bayay e tin gu micheg ni gu ra pi’ fare nam ngak e girdi’ rog.

Deuteronomy 31:6

Mu pired ni gimed ba muduwgil ni dabi marweran’med. Dab mu tamdaggad ngorad. Ya Got romed, ni aram SOMOL e bayi un ngomed; dabi pagmed ngam waergad ma dabi n’agmed.”

Luke 1:72

Me yog ni bayi runguy e pi chitamangidad, ya kabay u wan’ e m’ag rok nib thothup.

Jeremiah 14:21

Mu leamnag e tin mmicheg ma dab mu dabuymad; dab mu pag yu Jerusalem ngan m’aynag farad, ya ireram e gin tagil’im nib gilbuguwan. Dab mu th’ab fare m’ag ni mu ngongliy u thildad.

Psalms 111:9

Got e ke pithig e girdi’ rok, ma ke ngongliy ba m’ag u thilrad ni manemus. Ir e ba thothup ma ba gel gelngin.

Psalms 111:5

Ma pi’ e ggan ni fan ngak e pi’in yad ma liyor ngak; der ma pagtilin fare m’ag rok.

Joshua 1:5

Joshua, dariy be’ nrayag rok ni nge gel ngom u n’umngin nap’an e yafos rom. Bay gu un ngom ni bod rogon ni ug un ngak Moses. Mar dab gu pagem.

Numbers 14:18

‘I Gag SOMOL e ba sowath e damumuw nma yib ngog, ma gu ma dag nrib t’uf e girdi’ rog ma gub yul’yul’, ma gu ma n’ag fan e denen nge togopluw ni yima tay ngog. Machane dariy e n’en rarin’ mug pag ni dabgu gechignag e btir nge pifakrad nge pifak pifakrad nge mada’ ko bin dalip nge aningeg e mfen ni bochan e kireb ni i ngongliy e gallibthir.’

Levitikus 26:45

Bay ku gu be’echnag fare m’ag ni gu ngongliy u thilmad e pi chitmangirad kakrom nnap’an ni gu dag gelngig ngak e pi nam ni gubin ni fa’an gu fek e girdi’ rog nga wuru’ yu Egypt, ni bochan e gag SOMOL e nggu mang Got rorad.”

Nehemiah 1:5

Ni lungug, “SOMOL ni Got nu tharmiy, gur Got e th’abi ga’ gelngim ma gab Got ni yima rus ngom, me gur e ga ma tay e m’ag u gil’ ni mu ngongliy u thilmed e pi’in yad ba t’uf rom, ni pi’in ni ga bt’uf rorad ma yad ma fol ko tin kamu tay chiylen.

Psalms 105:8

M’ag rok e bayi tay u gil’ ndariy n’umngin nap’an, nike micheg nga bbiyu’ e mfen.

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Psalms 86:5

Gur e gab gol ngomad ma ga ma n’agfan u wun’um e kireb romad, ma gubin e pi’in yad ma meybil ngom e yad ba sug ko fare t’ufeg rom ni dabimus.

1 Kronicles 28:20

Me ga’ar David ni Pilung ngak Solomon ni fak, “Nge pagan’um me muthan’um. Mu tabab ko maruwel ma dab mu pag ban’en nge talegem. I SOMOL ni Got, ni ir e gu ma pigpig ngak e bayi par rom. Dabi pagem, machane ra par rom nge mada’ ko ngiyal’ ni kam mu’ i muruwliy fare Tempel rok.

Mikah 7:18

SOMOL, dakuriy yugu reb e got nga bang ni bod gur; kam n’ag fan e denen rok e tin ke magey ko girdi’ rom. Damur par ni gab damumuw ni dariy n’umngin nap’an, ga ba felan’ ngay ni ga ma dag ngomad fare t’ufeg rom ni dabimus.

Hebrews 13:5

Dabi m’on e salpiy u lanin’med, ma ngam pired ni nge fel’ u wun’med e tin ni bay romed ban’en. Ya ke yog Got nike ga’ar, “Ri dab gu pagem; ma ri dab gu n’igem.”

Levitikus 26:44

Yug aram rogon, nnap’an nra ka yad bay u lan e nam rok e pi to’ogor rorad, ma dab gu n’agrad ara gu thang owcherad. Ya gu ra rin’ ma aram e kemus u rom fare m’ag ni gu fal’eg u thilmad, me Gag SOMOL ni Got rorad.

Psalms 103:8

I SOMOL e rib marnguy ma ba ga’ e t’ufeg rok, ba sowath nma yib e damumuw ngak, ma ba sug ko t’ufeg ni dabimus.

Psalms 111:4

I SOMOL e der ma pagdad ngad pagged tilin epi maang’ang nma rin’; ir e ba gol ma ba marnguy.

Jeremiah 30:11

Bay gub ngomed nggu aywegmed. Bay gu thirif urngin e nam u but’ ko yung i n’en ni gu werweregmed riy, machane gimed e dab gu thang owchamed. Dab gu pagmed ngam thay gad ko gechig; machane gechig ni gu ra tay ngomed, e ba mat’aw rogon ni gu ra rin’. I Gag SOMOL e gu be non.”

Exodus 6:8

Bay gu fekmed ko fare nam ni gu micheg ni gu ra pi’ ngak Abraham, Isak, nge Jakob; bay gu pi’ ngomed nge milfan ngomed. I gag SOMOL.”