Deuteronomy 34:1 - Bible Ni Thothup

¹ Me chuw Moses ko tafel’fel’ u Moab nge farthag ko Burey ni Nebo, me yan u rom nge p’ebgul e Burey ni Pisgah ko ngek u Jeriko, ni aram e gin ni dag SOMOL ngak riy ga’ngin yang fare nam ni tabab ko nug nu Gilead nge mada’ ko fachi binaw nu Dan ko lel’och;

Deuteronomy 34:1 Referans Kwoze

Revelation 21:10

Me ying fare Kan Nthothup ngog, me fekeg fare engel nga daken p’ebugul bburey nrib tolang. Me dag ngog yu Jerusalem, ni fare Binaw nib Thothup ni be yib u lan e tharmiy nga but’ nike yib rok Got,

Ezekiel 40:2

U lan e changar rog ni pilyeg e fekeg Got ko binaw nu Israel nge teg nga daken bburey nib tolang. Puluwon owcheg e gguy ban’en ni bod bbinaw nib ga’ nib sug ko naun.

Joshua 19:47

Nap’an ni mul e binaw u pa’ e tirok Dan e girdi’, mranod nga Laish ngar maelgad ngay. Miyad kol fare binaw, ngar thanged mit e girdi’ riy, me par nike milfan ngorad. Miyad par u rom ngar thilyeged fithingan fare binaw nu Laish ngar tunguyed yu Dan ngay, ni aram fithingan e ga’ rorad.

Deuteronomy 32:49

“Mman ko fare thal i burey ni Abarim ni bay u lan e nam nu Moab, ni ba’y u puluwon e binaw nu Jeriko; ma ga yan nga daken e burey ni Nebo ngam yaliy e nam nu Kanaan, ni aram e nggu pi’ ngak e girdi’ nu Israel.

Numbers 27:12

Me ga’ar SOMOL ngak Moses, “Mman nga daken e burey ni Abarim ngam sap nga daken fare nam ni bay gu pi’ ngak yu Israel.

Judges 18:29

Mar thilyeged fithingan yu Laish ngar tunguyed yu Dan ngay, ni aram fithingan e ga’ rorad, ni be’ ni pumo’on ni fak Jakob.

Deuteronomy 34:4

Me ga’ar SOMOL ngak Moses, “Irera’ fare nam ni gu micheg ngak Abraham nge Isak nge Jakob ni bay gu pi’ ngak e pi’in ni owcherad. Kug dag ngom, machane dab gu pagem ngam man ngay.”

Deuteronomy 32:52

Re nam nem ni bay gu pi’ ngak yu Israel e bay mu yaliy u orel, machane dab mu’un ngay.”

Deuteronomy 3:27

Man nga p’ebugul fare Burey ni Pisgah ngam changar ngalan e lel’och nge lan e yimuch, nge lan e ngek nge lan e ngal. Ma ga fal’eg i yaliy e tin ga ra guy, ya ri dab mu th’ab e Jordan nga ba’ nem.

Numbers 21:20

miyad yan u Bamoth nga loway ko binaw nu Moab, u to’oben p’ebgul e Burey nu Pisgah, ni yira guy riy daken e ted.

Genesis 14:14

Fa’ani rung’ag Abram ni ka ni kol Lot ni fak be’ ni walagen, me kunuy e pumo’on ni be par rok ni pi’in nib yul’yul’, mranod ra gaman gad 318 u gubin, miyad lol’oeg fapi pilung ngar mada’gad nga Dan.

Genesis 13:14

Tomuren nike chuw Lot me ga’ar SOMOL ngak Abram, “Ngam par uwur ngam fal’eg i yaliy urngin yang;

Numbers 23:14

Me fek ngranow nga daken bangi flang u Zofim ni bay u p’ebgul e Burey ni Pisgah. Miki ubung medlip e altar u rom, mra reb fapi altar miki maligachnag reb e garbaw ni pumo’on nge reb e saf ni pumo’on u daken.

Joshua 22:9

Are girdi’ ko fapi ganong rok Ruben, nge Gad, nge ba’ ni Ngek e ganong ko Manasseh e rsulod nga tabnaw. Ra paged e tin kabay e girdi’ nu Israel u Shiloh u lan fare nam nu Kanaan ngar sulod i yan ko gin taferad, ni fare nam nu Gilead, nra koled ni bod ni yog SOMOL ngorad u l’ugun Moses.