Biblia Todo Logo
Bib sou entènèt

- Piblisite -




Deuteronomy 33:8 - Bible Ni Thothup

8 Me yog murung’agen e ganong rok Levi ni ga’ar: “SOMOL, mu dag e tin nib m’agan’um ngay u daken Levi. Yad e girdi’ rom nib yul’yul’; mu sikeng nagrad faram u Massah, ma ga nangrad ko fapi alublub nu Meribah ni yad ba yul’yul’.

Gade chapit la Kopi




Deuteronomy 33:8
25 Referans Kwoze  

Min tunguy fithingan e gin’em ni Massah nge Meribah, ni bochan e i togopluw piyu Israel, ni aram e kar sikeng niged SOMOL ko fa ngiyal’ nra fithed ni lungurad, “Gur bay SOMOL rodad fa de moy?”


Mi ni tay fare Urim nge Thumim ngalan fare gi mad nma par u daken ngorngorey, ya nge fek Aron i yib nga p’eowcheg nib thothup. Gubin yay nra yib nga p’eowcheg ma nge m’ag e regi mad ney nga daken ngorngoren, ya nge yag ni nang e tin ba magan’ug ngay ni fan ngak e girdi’ nu Israel.


Ni yodoro’ u Meribah, ni aram e gin ni i togopluw piyu Israel riy ngak SOMOL, mu rom e dag SOMOL riy ngorad ni ir e ba thothup.


U rom u daken e ted e i awan’rad riy ngak Moses nge Aron, ni fare tapigpig nib thothup rok SOMOL.


Me m’ag nga daken ngorngoren fare gi mad ni fen ngorngorey me tay fare Urim nge Thummim nga langgin.


“Mu yol ngak fare engel ko galesiya nu Filadelfia ni nge lungum: “Ireray e thin nike pi’ fa’anem ni ir e ba thothup ma ba yul’yul’, ni ir e bay fare kiy rok David u pa’, ni ir e ra bing ma dariy be’ nrayag ni nge ning, ni ir e ra ning ma dariy be’ nrayag ni nge bing.


Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.


Nap’an ni yib e oloboch ngomed, mi gimed piningeg, mu gu chuwegmed u fithik’. Gu fulweg lungumed u tagl’ig ni bay u fithik’ e yoko’ nib mith. Gu sikeng nagmed ko fare alublub nu Meribah.


ya ga be yororiyeg u gelingin e yam’, gu ma pigpig ngom u fithik’ e yul’yul’, ma dab mu pageg nggu waen ko fayleng ko yam’.


Governor ko Jew e yog ngorad ni dab ra ked e ggan ni kan ognag ngak Got nge taw ko ngiyal’ nike yag reb e prist nrayag ni nge maruwel ko fare Urim nge Thummim.


Me lungung ko fapi prist, “Gimed ba tabgul ni fan ngak SOMOL, ni fare Got rok e pi chitamangimed kakrom, ma ku arita’ e silber nge gol nge fapi tatalin e maruwel ni bogi maligach ni girdi’ e leam rorad ni ngar pi’ed ngak SOMOL.


Governor ko Jew e yog ngorad ndab ra ked e ggan ni kan pi’ ni maligach ngak Got nge mada’ ko ngiyal’ ni bay ba prist nrayag ni nge maruwel ko fare Urim nge Thummim.


Dariy be’ nra yib ngalan e Tempel ya kemus ni prist nge pi Levite ni yad be maruwel. Rayag ni ngarbad nga naun ni bochan e ka ni tabgul nagrad, machane tin kabay e girdi’ e thingar rafolgad ko n’en keyog SOMOL ngar pired u wean.


ma aram me fith ngak SOMOL e n’en ni nge rin’. Machane de fulweg SOMOL lungun, nde fulweg u malik’ay, ara ni guy ko Urim, ara Thummim, ara u l’ugun e pi profet.


u rom u daken e ted e pi’ e manna ngu’um ked, ni ba ggan ndawori kay e chitamangimed ni kakrom bi’id. I pi’ bogi n’en nib mo’maw’ nge yib ngomed ni nge sikeng nagmed, ya nge yan i tomur me yu’nag e tin bfel’ ngomed.


Bay i toer ngak Eleazar ni prist, mi Eleazar e bay i maruwel ko fare Urim nge Thummim. Ara’ rogon ni bay i pow’iy Eleazar Joshua nge urngin e girdi’ nu Israel u urngin e tin bay ur rin’ed.”


Ma aram me ga’ar ngak Korah nge pi’in kar manged ngak, “Gabul ni kadbul e bayi dag SOMOL ngodad ko mini’ e en nib milfan ngak; ir e ra pag e cha’an nib milfan ngak ni aram e cha’ nike mel’eg, ni nge yan ngak nga altar.


Be’ nib prist e dabi le’engiy be’ ni bpin ni ki’i pi’ ir nchuway’, fa be’ ni bpin nike nang e pumo’on, fa be’ ni bpin nike chuw ko mabgol rok; ya fare prist e ba tabgul.


“Mu ngongliy bochi madeliya ko gol ni go’ gol min ker e yu bug i thin ni ba’aray nga daken, ‘Kan ognag ngak SOMOL.’


“I Aron e dabi yan ngalan fare nam ni gu micheg ni bay gu pi’ ngak yu Israel; ya nge yim’ ni bochan e mu togopluwgow ko tin gog ni ngam rin’ew u Meribah.


“Dab mu sikeng niged SOMOL ni Got romed ni bod ni mu rin’ed u Massah.


Ma tin nib mat’aw e ur filed ko girdi’, ma gathi n’en nib kireb. Ma ug pired ni bfel’ thilmad; gathi kemus ni go’yad e ur rin’ed e tin nib mat’aw, ya ku’ur ayuweged bokum e girdi’ ni ngar taleged i rin’ e tin ba kireb.


Urngin e binaw ni nge tafnay e pi Levite ni nge pi’ reb e ganong nge reb e be yan u rogon ga’ngin e binaw rok reb e ganong nge reb.”


“Ma ku mu k’aringed e damumuw ngak SOMOL ni Got romed ko fa ngiyal’nem ni ummed u Taberah, ngu Massah, ngu Kibroth Hattaavah.


Swiv nou:

Piblisite


Piblisite