Deuteronomy 33:7 - Bible Ni Thothup

⁷ Me yog murung’agen e ganong rok Judah ni ga’ar: “SOMOL, mu telim ngorad ni yad be wenig ngom ni ngam ayuwegrad, mu fulwegrad bayay ko pi ganong nu Israel. SOMOL, mu cham ni pa’rad, ma ga ayuwegrad u pa’ e pi to’ogor rorad.”

Deuteronomy 33:7 Referans Kwoze

Hebrews 7:14

Rib tamilangan’uy riy nni gargeleg ni ir reb i girdi’en fare ganong rok Judah; mi Moses e de weliy murung’agen e re ganong ney ko fa ngiyal’ ni weliy murung’agen e pi prist riy.

1 Korinth 15:25

Ya Kristus e thangri mang ir e i gagiyeg nge yan i mada’ ko ngiyal’ nike gel Got ngak urngin e pi to’ogor me ta’rad nga tan e rifrif u ay.

Luke 19:27

Ere pi cha’ney ni to’ogor rog ndaburad ni nggu mang pilung rorad e ngam feked yad i yib iray ngam li’ed yad ngarm’ad u p’eowcheg!’ ”

Isaiah 9:17

Ere Somol e dabi digey reb e pagel nge thay nge mil ko gechig, ma dabi runguy e pi’in keyim’ figirngirad nge pi’in kanim’ rorad, ni bochan e ke gubin e girdi’ mada kurir liyorgad ngak Got ma ba kireb ngongolrad, ma urngin e pin’en yad be yog e thin ko balyang. Damumuw rok SOMOL e dawrimus, ni ka be par pa’ nib k’iy ni nge gechig.

Psalms 146:5

Ba falan’ e pi’in bay e Got rok Jakob rorad ni be aywegrad, ma yad ma toer ngak SOMOL ni Got rorad,

Psalms 21:8

Bayi kol fare pilung gubin e pi to’ogor rok; bayi kol gubin e pi’in yad be fanenikay.

Psalms 20:2

Mang e yigi pi’ e ayuw ko Tempel rok ko fare Burey nu Zion ngeb ngom.

Mikah 5:2

Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

Psalms 78:70

I mel’eg David ni tapigpig rok; me yan i fek u rom ko chumol ko gamanman,

Psalms 78:68

Me mang birok Judah e mel’eg nge fare burey ni Zion nrib t’uf rok.

Psalms 21:1

A SOMOL, kefel’ u wan’ e en pilung ni kam pi’ gelngin; ke felfelan’ ni bochan e kam gelnag ko pi mael.

1 Kronicles 12:22

Ba chugur ni nge gubin e rran me yib boch e pumo’on nib be’ech i un ko fa yu raba’ i salthaw rok David, ma aram me ga’ fa raba’ i salthaw rok nrib papey.

2 Samuel 5:24

Nap’an ni ga ra rung’ag lingan ban’en ni bod lingan ay e salthaw ni be yib u fithik’ i ran’ e gek’iy u lang, ma ga fal’eg rogom ni ngam og ngorad, ya aram e kug m’on rom kug wan ni ngug gagiyegnag e pi salthaw rok e pi Filistine ngar waergad.”

2 Samuel 5:19

Me fith David ngak SOMOL ni ga’ar, “Bfel’ u wun’um ni gu ra yan gu cham ngak e pi Filistine? Mog, ga ra gagiyegnag ngug gel?” Me ga’ar SOMOL ngak, “Mman, ya bay gu gagiyegnag ngam gel.”

2 Samuel 5:1

Me yib urngin e pi ganong nu Israel ngak David u Hebron me lungurad ngak, “Gamad e girdi’ ko nam rom.

2 Samuel 3:1

Bun’uw nap’an ni i cham e yu raba’ i salthaw nma ayweg e tabnaw rok Saul nge tin nma ayweg David. Nap’an ni be gel David i yan, ma aram e pi’in yad be togopluw ngak e yad be waer i yan.

Malaki 3:1

Fulweg rok SOMOL ni Gubin ma Rayag Rok ko re bugithin ney e be ga’ar, “Bay gu l’oeg ba tafek thin rog nge ngongliy rogon e kanawo’ rog. Ma aram e fare SOMOL ni gimed be changar nag e bay mu gin gad ma keyib ko Tempel rok. Fare tafek thin ni gimed be finey ni mang e yug mu guyed e bayi taw ni nge weliy murung’agen e m’ag rog.”

Numbers 34:19

Ba’aray e pi pumo’on ni SOMOL e mel’egrad: Ganong Mitethin Judah Kaleb nib mo’on ni fak Jefunneh Simeon Shelumiel nib mo’on ni fak Ammihud Benjamin Elidad nib mo’on ni fak Kislon Dan Bukki nib mo’on ni fak Jogli Manasseh Hanniel nib mo’on ni fak Efod Efraim Kamuel nib mo’on ni fak Shiftan Zebulun Elizafan nib mo’on ni fak Parnak Issakar Paltiel nib mo’on ni fak Azzan Asher Ahihud nib mo’on ni fak Shelomi Naftali Pedahel nib mo’on ni fak Ammihud

Joshua 15:20

Irera’ e re gi binaw nni pi’ ngak fapi tabnaw nu lan e ganong rok Judah ni ngar tafned.

Psalms 89:24

Bay gu t’ufeg mu gu yul’yul’ ngak; bay gu tay ngi i gel ni gubin ngiyal’.