Deuteronomy 33:29 - Bible Ni Thothup

²⁹ Israel, rib fel’ wa’atham! Dariy be’ ni bod gur, ni ba nam ni SOMOL e ke ayuweg. I SOMOL e ir e shield rom me ir e saydon rom, ni nge ayuwegnem rok e to’ogor rom me gagiyeg nigem ngam gel ngorad. Pi to’ogor rom e bay ra bad ni yad be wenig ngom ni ngam runguyrad, ma bay mu yot’yot’rad nga but’.

Deuteronomy 33:29 Referans Kwoze

Isaiah 45:17

Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

2 Samuel 7:23

Dakuriy reb e nam ngabang u fayleng ni bod e yu Israel, ni gur e mu lufrad ko sib ngam mang nagrad girdi’ rom. Pin’en ni ba sorom riy nge pi ma’ang’ag ni mu rin’ ngorad e wear murung’agem riy u roy u fayleng. I gur e mu tuluf e pi nam nge pi got rorad u nap’an ni be yan e girdi’ rom i yan nga m’on, fapi girdi’ ni gur e mu pithigrad u Egypt ni ngar manged girdi rom.

Habakkuk 3:19

I SOMOL ni Th’abi Tolang e ma pi’ gelngig. Ir e ma machregnag tungun eg ni bod ba gamanman ni deer, me teg ni dabi buch ban’en rog u daken e pi burey.

Psalms 84:11

I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

Psalms 66:3

Mu ga’ar gad ngak Got, “Rib thum’ feni manigil e pin’en ni ga ma rin’! Gelngim e rib ga’, pi to’ogor rom e yad be siro’ u fithik’ e marus u p’eowchem.

Psalms 33:20

Ke lagan’dad ngak SOMOL; ir e yoror nge ta’ayuw rodad.

Psalms 18:44

Girdi’ u boch e nam e yad be siro’ ngog; nap’an ni yad ra rung’ag lamag, miyad fol riy.

Deuteronomy 32:13

“I pagrad ngu’ur gagiyeg niged e yungin th’abi tolang, mu ur ked e pin’en ni be tugul u daken e pi flang, ur pir’eged e honey ni bay u thilthilin e war; ma yu ke olive rorad e i tugul ni bfel’ rogon ko but’ ni pire’ e malang riy.

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

Revelation 19:21

Ma salthaw rorow e li’rad fare saydon ni fa’ani yib u lan l’ugun fa’anem nike af nga daken fare os; ma urngin e arche’ nra longuyed urngin e tin nrayag ni ngar longuyed ko ufin u dowrad.

Revelation 1:16

Ma bay medlip i t’uf u lan e ba’ ni mat’aw i pa’, me m’ug ba saydon u l’ugun ni l’agruw raba’ ma mm’uth. Ma owchen e bod owchen e yal’ ni misiw’.

1 Timothy 4:10

Aram fan ni gadad be athamgil ma ba gel e maruwel ni gadad be tay, ni bochan e ke l’agan’dad ngak Got ni be par nib fos, ni ir e ke biyuliy urngin e girdi’ mma ayuwegrad, ni pi’in ke mich Kristus u wun’rad e ri ma ayuwegrad.

Jeremiah 12:12

Ke yib e girdi’ daken gubin e yungi ted ni desert nib tolang ngalang ni ngar mogothgothgad. Ku gu pi’ e mael ni nge gathay ga’ngin fare nam; dariy be’ riy ni be par u fithik’ e gapas.

Isaiah 27:1

Rofen nem e SOMOL e ra fek fa gi saydon rok nib gel nma cham ngay ni nge gechignag fare Leviathan, ni fare gamanman ni be guleplep, ma aram me thang e fan rok fare gamanman nu maday.

Psalms 144:15

Nge falan’ e re nam nib mich u wan’rad e ran’ey; nge falan’ e pi girdi’ ni Got rorad e SOMOL.

Psalms 45:3

Pilung ni madangdang, mm’ag e saydon rom nga lukngum; gur e bgilbugwam ma ba sorom.

Psalms 33:12

Ba felan’ e re nam ni SOMOL e Got rorad; ba felan’ e girdi’ nike mel’egrad ni ngar manged girdi’en!

Psalms 7:12

Fa’anra dab ra thilyeged pangirad, ma bayi uthum Got e saydon rok. Ke tel e gat’ing rok ke fal’eg rogon ke tay;

Numbers 24:5

Rib fel’ e pi Tent rok yu Israel,

Jeremiah 47:6

Mu yorgad ngalang ni gimed be ga’ar, ‘Saydon rok SOMOL! Uw n’umngin nap’an ni ngam dumow? Mu sul ngalan tafen e saydon, mu par u rom ngam toffan!’

Psalms 81:15

Pi’in yad be fanenikeg e bay ra siro’gad u fithik’ e marus u p’eowcheg; gechig rorad e dariy n’umngin nap’an.

2 Samuel 22:45

Girdi’ nu bang e yad be siro’ u p’eowcheg; yad ra rung’ag e tin kugog miyad fol riy.

Judges 7:20

Me thoy fa gal nem e ulung e yabul rorad miyad bilig fapi rume’. Miyad fek e mol’ nga ba’ ni gilay’ i pa’rad, ma bay e yabul u ba’ ni mat’aw, miyad tolul ni lungurad, “Ba saydon ni fen SOMOL nge Gideon!”

Numbers 33:52

ma thingar mu tulfed gubin e girdi’ ko fare binaw. Migimed gathay urngin e liyos ni malang nge liyos ni wasay nge urngin e yung i tagil’ e meybil rorad.

Deuteronomy 4:32

“Mu sulod ngam gayed murung’agen e kakrom, ni tin ba’aram e rran ndawor ni gargelegmed, ni tabab ko fa ngiyal’ ni ba’aram ni sunumeg Got e girdi’ u daken e fayleng; mu gayed u ga’ngin yang e fayleng. Ka’a m’ug ban’en ni yira ngat ngay ni aram rogon? Ka e rung’ag be’ murung’agen ban’en ni ara’ rogon?

Deuteronomy 4:34

Ka’ e yigi yan reb e got i fek e girdi’ u reb e nam ngar manged girdi’ rok, ni bod ni rin’ SOMOL ni Got romed ngomed u lan e nam nu Egypt? U p’eowchemed e maruwel Got riy nga gelngin nib gel nge yib e gafgow nge mael, me ngongliy e maang’ang nge tin yira ngat ngay, me k’aring boch ban’en nge yib ni ba gel e marus riy.

2 Samuel 22:3

Got rog e ir e manaf rog, gu be par rok ndabi buch ban’en rog; ma yoror rog ni bod bangi shield nma fek e salthaw ngu’ur mithgad nga fon ko mael; ma par rog ndabi buch ban’en rog. Ir e ma ayuweg e pogofan rog; ma ayuwegneg ko ngiyal’ nike yib e cham ngog.

2 Kronicles 31:8

Nap’an ni guy Hezekiah ni Pilung nge pi tolang ko salthaw rok urngin e pin’en ni kani pi’, miyad pining e sorok ngak SOMOL nge girdi’ rok ni piyu Israel.

Psalms 1:1

Ba felan’ e cha’ nma siyeg ni nge fol ko fonow rok e girdi’ nib kireb, ma der folwok ko pi’in ni tadenen, ara un ngak e pi’in dariy fan Got u wan’rad.

Psalms 32:1

Ba felan’ e cha’ nike n’ag Got fan e denen rok, ni kireb rok e ke thang Got.

Psalms 32:2

Ba felan’ e en ndakir yog SOMOL ngak ni be rin’ e kireb; ma kar waergow urngin mit e sabanban.

Psalms 68:34

Mu weliyed gelngin Got; bugwan nib pilung e ke tharay yu Israel, gelngin e bay u lanelang.

Isaiah 58:14

ma aram e gimed ra pir’eg e felfelan’ nma yib ko pigpig ni yima tay ngog. Ma gu ra gagiyeg nagmed ngu’un tay famed u gubin yang u fayleng; me fel’ rogomed ko re nam ni gu pi’ ngak e ga’ romed i Jakob. I Gag SOMOL e kugog e pi thin ney.”

Hosea 13:9

“Gimed e girdi’ nu Israel, bay gu thirifmed u but’! Ma aram e mini’ e rayag rok ni nge ayuwegmed?

Amos 8:7

I SOMOL ni Got rok piyu Israel e ke micheg nike ga’ar, “Ri dab gu pag talin e pi ngongol rorad nib kireb.

Psalms 18:45

Ke m’ay e athamgil u lanin’rad karbad u fon e yoror rorad nga wean ni yad be t’on.

Isaiah 33:16

Ma aram e dabi buch ban’en romed; bay mu pired ni gimed ba muduwgil ni bod rogon ni gimed bay u ba lan e gin kan yororiy ni fan ko mael. Bay u mu pired ni bay e ggan ni gimed ra kay nge ran ni gimed ra garbod ngay.