Deuteronomy 33:28 - Bible Ni Thothup

²⁸ Pi’in owchen Jakob e ma par u fithik’ e gapas, ni dariy ban’en nra buch rorad u lan fare nam nib sug ko grain nge wayin, ni wa’angachal nma mul u lang e ma tarannag e but’ riy.

Deuteronomy 33:28 Referans Kwoze

Numbers 23:9

Kug par u p’ebugul e war kug guyrad; kug par u daken e burey kug yaliyrad. Yad girdi’en ba nam ni yad be par ni go’ yad; yad manang nike fal’eg Got wa’athrad nib thil nga yugu boch e nam.

Exodus 33:16

Ra di’in me nang be’ ni bfel’ u wun’um e girdi’ rom nge gag ni fa’anra dab mu un ngomad ngdarod? Ra gabay romad mra gagyelnag ni gamad ba thil ko girdi’ nu fayleng.”

Genesis 27:28

I Got e nge pi’ e wa’angachal nu tharmiy ngom, me yong’olnag e milay’ rom, me pi’ ngom e grain nge wayin ni pire’.

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.

Jeremiah 23:6

Nap’an nra pilung, ma aram e dabki buch ban’en rok piyu Judah, ma aram e girdi’ nu Israel e bay ra pired u fithik’ e gapas. Ma cha’nem e bay nog fithingan ni ‘Ir SOMOL Nma Mat’aw Nagdad.”

Jeremiah 33:16

Girdi’ nu Judah ngu Jerusalem e bay ur pired ni dabi buch ban’en rorad. Fare binaw e bay nog ni ‘Fare SOMOL ni Ir e Mat’wegdad.’

Psalms 68:26

“Ngan pining e sorok ngak Got u lane mu’ulung ko girdi’ rok; mu pininged e sorok ngak SOMOL, gimed gubin e pi’in owchen Jakob!”

Deuteronomy 11:11

ma biney e nam ni ngam marod ngay e ba nam ni go’ burey nge loway, ni but’ riy e n’uw e ma tarannag.

Deuteronomy 33:13

Me yog murung’agen e ganong rok Josef ni ga’ar: “I SOMOL e ngi i fal’eg wa’athan e nam rorad ngi i pi’ e n’uw ngay, ma be pi’ e ran u tan e but’ nge yib ngay.

Deuteronomy 32:2

Machib rog e bayi aw ni bod e n’uw, me ngal’ ni wa’angachal u but’ ni kadbul. Thin rog e bayi aw ni bod e n’uw ni aw ko woldug ni ka fini tugul, ma bod e n’uw ni be sa’aw’aw nga ran’ e pan ni kab mererey.

Ezekiel 34:25

Bay gu ngongliy reb e m’ag u thilmad ni ir e bayi micheg ngorad ni dabki buch ban’en rorad. Bay gu chuweg ko nam rorad urngin e gamanman nra i maad’ad ngorad, ni fan e nge yag ni par e saf rog u daken e ted ma yad be mol u fithik’ e gerger ni dabki buch ban’en rorad.

Isaiah 48:1

Motoyilgad ko ran’ey, gimed e girdi’ nu Israel, gimed e pi’in owchen Judah: Gimed ma mow nga fithingan SOMOL ma gimed ma yog ni gimed ma liyor ngak Got nu Israel — machane dariy bbug e thin ni gimed ma yog ni aram rogon u wan’med.

Genesis 27:37

Me ga’ar Isak ngak Esau, “Kug mu’ i yibilay ni nge par ni ir e masta rom, ma kug yibilay ni urngin e tirok e girdi’ ni ngar pired ni tapigpig rok. Ma kug yibilay ni nge yag e grain nge wayin ngak. Ere be mang e kabay ni gu ra pi’ ngom, i gur fakag?”

Genesis 27:39

Me ga’ar Isak ngak: “Dabi yib e wa’angachal u tharmiy ni fan ngom, Ma dariy bang e flang rom nib yong’ol.

Deuteronomy 32:8

En ni Th’abi Tolang e ir e pag e f’oth ko but’ nge pi’ ko pi nam; ir e duwgiliy e gin ngi i par e girdi’ riy. Ra reb e nam me l’oeg reb i chon e tharmiy ngay,

Deuteronomy 33:12

Me yog murung’agen e ganong rok Benjamin ni ga’ar: “Irera’ fare ganong nib t’uf rok SOMOL ma be yoror rok; gubin e rran ni yad be par u p’eowchen ni ir e kemang manaf rorad.”

Proverbs 3:20

Gonop rok e k’aring e pi lul’ nge yan nlul’ nge manileng ni nge pi’ e n’uw nga fayleng.

Proverbs 19:12

Damumuw ko pilung e bod e tolul rok ba layon, machane ra felan’ ma bod e waangchol u daken ran’ e pan.

Jeremiah 49:31

‘Mired! Ngad chamgad ngak e girdi’ ni yad be finey nike fel’ rograd ni dakriy ban’en nra buch rorad! Binaw rorad e dariy e garog riy nge lok ni aram e de muyluy u but’.’

Zekariah 8:12

Bay ra yunged e woldug rorad u fithik’ e gapas. Yuke grape rorad e bay yib wom’ngin, me tugul e woldug u but’, ma bayi yo’or yang e n’uw ni ngi i aw. Gubin e pi tow’ath ney e bay gu pi’ ngak girdi’en fare nam rog nra magachgad ni yad bfos.

Deuteronomy 12:10

Nap’an ni gimed ra th’ab e lul’ ni Jordan nga baraba’ ma bayi pagmed SOMOL ngam marod ngalan e re nam nem ngam pired riy. Bayi yororiymed rok urngin e pi to’ogor romed, ya nge yag ni mu pired u fithik’ e gapas.

1 Kings 5:5

SOMOL e micheg ngak e chitamag i David ni ga’ar, ‘Fakam e ir e bay gu turguy nge mang pilung nga tomrem, ma ir e bayi toy ba tempel ni fan ngog.’ Ere ku gu turguy ni nggu toy e re tempel nem ni ngu’un liyor ngak SOMOL ni Got rog riy.

Zekariah 14:11

Bayi par e girdi’ u rom u fithik’ e gapas, dakuriy be’ nra yib nag e cham ngorad.