Deuteronomy 33:26 - Bible Ni Thothup

²⁶ Gimed yu Israel, ndariy reb e kan ni bod e Got romed, ma yan u lanelang ni be galgael ram’en, ma yib i kuruf e manileng nge yib i ayuwegmed.

Deuteronomy 33:26 Referans Kwoze

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Jeremiah 10:6

SOMOL, dariy be’ ni bod gur; I gur e th’abi gel gelngim, ma fithingam e ba mathangeluwol ma ba gel gelngin.

Habakkuk 3:8

SOMOL mog, pi lul’ e kar k’aringed e puwan’ ngom? Mog, day e ke k’aring e damumuw ngom? Kam af nga daken e manileng ka mub; manileng ni yoko’ e chariot rom, ni fa’an mu gagiyegnag e tirom e girdi’ ngar gelgad.

Isaiah 19:1

Irera’ e thin u murung’agen yu Egypt. I SOMOL e ke yib ni nge yib nga Egypt, ni be yib u daken bang i manileng nib papey. Ma fapi liyos nu Egypt e be duru’ u puluwon, ma ke mulan’ e girdi’ nu Egypt.

Psalms 104:3

ma kam tay e naun rom nga daken e ran u lang. Pi manileng e ke mang chariot rom, ma ga be yan u daken pon e nifeng.

Psalms 86:8

A Somol, dariy reb e got ni bod gur, ma dariy reb nike rin’ e n’en ni kam rin’.

Isaiah 40:25

I mini’ e rayag ni ngan ta’rebnag ngak Got nib thothup? Gur bay be’ ni bod ir?

Isaiah 40:18

I mini’ e rayag ni ngan ta’rebnag ngak Got? Ra nga ni weliy rogon ya’an ma uw rogon?

Psalms 18:10

Me changeg nib papey ni bay u daken fare gamanman ni bay pon; i milekag u daken pon e nifeng.

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

Isaiah 66:8

Bay be’ ni ka e guy ara rung’ag ban’en ni arogon? Bay reb e nam ni yigi puw me sum u lan ta’reb e rran? Zion e dabki n’uw nap’an ni nge gafgow, u m’on ni ngan gergeleg fare nam.

Psalms 68:4

Mu tang niged Got, mon’ed e tang ni gimed be pining e sorok nga fithngan; mu fal’egned e kanawo rok e en ma yan u daken e manileng, fithngan e cha’nem e SOMOL— ngan felfelan’ u p’eowchen!

Exodus 8:10

Me ga’ar Farao ni pilung, “Mu meybil nigeg gabul.” Me ga’ar Moses, “Bay gu rin’ e n’en ni kamog, ma aram e bay mu nang ndakuriy reb e kan ni bod rogon SOMOL ni Got romad.

Deuteronomy 4:35

I SOMOL e dag urngin e pin’ey ngomed ya ngam nanged ni kemus ni ir e Got ni bay ma dakuriy yug reb ngabang.

Deuteronomy 10:14

I SOMOL e mus ko yu thal ni th’abi tolang nga lanelang e pi tharmiy ma bmilfan ngak, ma ku arrogon e fayleng nge gubin ban’en riy.

Isaiah 44:2

I gag SOMOL e gu sunumiymed; ngiyal’ ni gimed bay u mayal ma gu be ayuwegmed. Dab mu rusgad; ya gimed e tapigpig rog, gu mel’egmed ni gimed ba t’uf rog.

Hosea 13:9

“Gimed e girdi’ nu Israel, bay gu thirifmed u but’! Ma aram e mini’ e rayag rok ni nge ayuwegmed?

Amos 8:7

I SOMOL ni Got rok piyu Israel e ke micheg nike ga’ar, “Ri dab gu pag talin e pi ngongol rorad nib kireb.

Exodus 8:6

Ma aram me k’iyag Aron pa’ nga daken urngin yang e ran, me yib e kayru nge sugnag lan e binaw.

Exodus 15:7

Gelngim nib th’abi gel e ir e mu kirebnag ngay e pi’in yad be togopluw ngom; damumuw rom e gabulbul ngalang, me urfiyrad ni bod e ul.

Deuteronomy 33:5

Me mang SOMOL e pilung rok e girdi’ rok ni er yu Israel ko fa ngiyal’nem ni mu’ulung nga ta’bang e pi ganong rorad nge pi’in yad ma yog e thin rorad.

Psalms 68:35

Ri ra ngat’ ngak Got nike yib u tagil’ nib thothup — fare Got rok yu Israel! Ma pi’ gelngin ngak e girdi’ rok. Ke sorok Got!