Deuteronomy 33:12 - Bible Ni Thothup

¹² Me yog murung’agen e ganong rok Benjamin ni ga’ar: “Irera’ fare ganong nib t’uf rok SOMOL ma be yoror rok; gubin e rran ni yad be par u p’eowchen ni ir e kemang manaf rorad.”

Deuteronomy 33:12 Referans Kwoze

2 Kronicles 15:2

me yan ni nge mada’nag Asa ni Pilung. Me tolul ngak nib ga’ laman ni be ga’ar, “Asa ni Pilung mmotoyil ngog, nge gimed gubin e girdi’ nu Judah nge Benjamin! I SOMOL e bay romed u n’umngin nap’an ni gimed bay rok. Fa’an gimed ra gay, ma ra pagmed ngam patgad ngak, machane fa’an gimed ra pag, ma ra n’agmed.

Matthew 23:37

“Jerusalem, Jerusalem! Kam thang e pogofan rok e pi profet, ma kam malangnag e pi’in ni l’oegrad Got ngar feked e thin rok i yib ngom! Nge gaman e in yay ni kug guy rogon ni nggu kunuy urngin e girdi’ rom, ni bod ba alabal ni chugumiy pifak nga tan pon, machane da mpageg nggu rin’!

Psalms 91:4

Ra upunguyem nga pon; ga ra par u tan pa’ ni dabi buch ban’en rom; feni yul’yul’ e ra yororiyem me n’ufegem.

Isaiah 51:16

Gu fileth lanelang mu gu ayliy deaf ko fayleng; gu be ga’ar ngak Jerusalem, ‘Gimed e girdi’ rog! Kug pi’ ngomed e thin rog, ma gu ma yororiy pa’ag ngomed.’”

Isaiah 37:35

Bay gu yororiy e re binaw ney mu gu ayuweg, ni nggu rin’ ni bochan e nge gilbugwag minta’ fag nge bochan e thin ni gu micheg ngak e tapigpig rog i David.”

Isaiah 37:22

SOMOL e ga’ar, “Sennakerib, fare binaw nu Jerusalem e be minmin ngom, ma be moning nagem.

2 Kronicles 11:1

Nap’an ni taw Rehoboam ni Pilung nga Jerusalem, me pining nga ta’bang 180,000 e salthaw nth’abi cheag ko fa gal ganong rok Benjamin nge Judah. Ke leamnag ni ngaranod ko mael ngar sulweged e pi ganong nu ley ni lel’och yu Israel nga tan pa’.

1 Kings 12:21

Fa’ani taw Rehoboam nga Jerusalem, me ulunguy 180,000 e salthaw nni mel’eg ko fa gal ganong rok Judah nge Benjamin ni ngranod ko mael ya ngki sul e pi ganong ko ley ni lel’och e nam nu Israel nga tan pa’.

Deuteronomy 12:10

Nap’an ni gimed ra th’ab e lul’ ni Jordan nga baraba’ ma bayi pagmed SOMOL ngam marod ngalan e re nam nem ngam pired riy. Bayi yororiymed rok urngin e pi to’ogor romed, ya nge yag ni mu pired u fithik’ e gapas.

Psalms 132:14

“Irera’ e gin bay gu par riy ndariy n’umngin nap’an; irera’ e gin gu ba’adag ni ngu’ug gagiyegnag.

Judges 1:21

Machane pi girdi’ ko fare ganong rok Benjamin e dar tulufed piyu Jebus ni yad be par u Jerusalem, miki par piyu Jebus u rom ngu’ur pired u fithik’ e girdi’ rok Benjamin ni ka’aram n’umngin nap’an.

Exodus 28:12

Mi ni tay fa gal malang nga daken gafan lik’ipon fare efod ni nge gagyelnag fa ragag nge l’agruw i ganong nu Israel. Aray rogon ni bayi fek Aron fithingrad u daken lik’ipon ni ruw raba’, ma aram e Gag SOMOL e bay gu par ni gubin ngiyal’ ni bay e girdi’ rog u lanin’ug.

Deuteronomy 4:37

Ba t’uf pi chitamangimed rok me mel’eg e pi’in ni owcherad u fithik’ e girdi’ ni nge mang e tirok e girdi’, ma gelngin nrib gel e maruwel ngay nge fekmed nga wuru’ yu Egypt,

Deuteronomy 32:11

Bod ba eagle ni be fil e changag nga pifak, ni i focholiyrad nga pon nike pithig nde buch ban’en rorad, I SOMOL e i ayweg yu Israel ndar mulgad.

Deuteronomy 33:11

SOMOL, mu ayuweg e ganong rorad ngu’ur pired ni yad ba gel; wenig ngom, nge fel’ u wun’um e pin’en ni yad be rin’. Mu thirif e pi to’ogor rorad u but’ ni urngin, nge dabkiyog nra sak’iygad bayay.”

Psalms 60:5

Mu aywegmad nga gelngim; mu fulweg taban e meybil romad, ya nge dabi buch ban’en rok e pi’in yad ba t’uf rom.

1 Samuel 10:20

Ma aram me yog Samuel ni nge yib reb e ganong nga m’on nge mu’ me yib reb, me mel’eg SOMOL e ganong rok Benjamin.

2 Samuel 12:24

Ma aram me par David ngi i fal’eg laniyan’ Bathsheba ni le’engin. Mi yow par me diyen, nge gargeleg bochi reb e pagel, me tunguy David fithingan ni Solomon. Ma ba t’uf rok SOMOL e chi pagel nem,

2 Samuel 12:25

me yog SOMOL ngak Nathan ni profet ni nge yan i tunguy Jedidiah ngak, ya ba t’uf rok SOMOL.

Jeremiah 12:7

I SOMOL e be ga’ar, “Ku gu n’ag yu Israel; kug furuy fare nam ni gu mel’eg. Fapi girdi’ nib t’uf rog e ku gu pagrad nga tan gelngin e pi to’ogor rorad.