Deuteronomy 32:6 - Bible Ni Thothup

⁶ Mog, arrogon ngongolmed ngak SOMOL, gimed e pi balyang nir ni dariy e gonop romed? Ir e chitamangimed, me ir e sunumiymed, me ir e gagiyeg nagmed kam manged ba nam.

Deuteronomy 32:6 Referans Kwoze

Isaiah 63:16

Ya gur e chitamangimad gur. Mus ngak Abraham nge Jakob ni gal ga’ romad ni dabiyag ni ngar ayuwegew gamad, machane gur SOMOL e chitamangimad gur. Ya gur e en ni gubin ngiyal’ ni um chuwegmad u pa’ e to’ogor romad.

1 John 3:1

A mu guyed ngarogon fadad t’uf rok e en ni Chitamangiy! Rogon ni gadad bt’uf rok e ri ba ga’, ni aram tapgin ma kanog ni gadad pifak Got, ma riyul’ ni gadad pifak. Aram fan ni girdi’ nu fayleng e dar nanged gadad, ya dar nanged Got.

Isaiah 64:8

Machane gur SOMOL e chitamangimad gur. Gamad bod e but’ ni yima ngongliy e th’ib riy, me gur e ga bod e en nma ngongliy e th’ib. Kam sunumiymad,

Isaiah 44:2

I gag SOMOL e gu sunumiymed; ngiyal’ ni gimed bay u mayal ma gu be ayuwegmed. Dab mu rusgad; ya gimed e tapigpig rog, gu mel’egmed ni gimed ba t’uf rog.

Psalms 74:2

Mu tay u wun’um e girdi’ rom, ni mu mel’egrad kakrom ni ngar manged girdi’ rom, ni pi’in ni mu chuwegrad ko sib ngar manged birom e ganong. Mu tay’ u wun’um e Burey nu Zion, ni um par riy bingyal’.

2 Peter 2:1

Pi profet ni go’ bogi ban’en e m’ug u fithik’ e pi’in kakrom, ma ku aram rogon ni bay yib i m’ug e tamchib ni go’ bogi ban’en u fithik’med. Bay ra feked i yib ngomed e machib nra kireb nigey, ni machib nde riyul’, ma bay ra mithaged murung’agen e re Masta ni ir e ke biyuliyrad, ma aram miyad girngiy e riya’ nib tomgin nga dakenrad.

Galatia 4:6

Me pi’ Got fare Kan Nthothup rok Fak nge yib i par nga lanin’dad, nma ga’ar, “Chitamag, Chitamag,” ni fan e nge dag ni kam manged pifak.

Galatia 3:26

Yu daken e michan’ romed ngak Kristus e ir e ke yag ni mmanged pifak Got riy ni gimed gubin, ni aram e kam ta’ab girdi’gad Kristus Jesus.

1 Korinth 6:20

ke chuw’iymed nib tolang puluwmed ni pi’. Ere mu ted fan Got nga dowmed.

Roma 8:15

Ya fare Kan Nthothup nike pi’ Got ngomed e der ma taymed ni gimed e sib ko denen ngu’um pired ni gimed be rus; ya re Kan Nthothup nem e ma ngongliymed ngam manged pifak Got, ma gelngin e Kan Nthothup e gadad ma non riy ngak Got nma lungudad, “Chitamag! Chitamag!”

Acts 20:28

Mu ayuweged gimed nge fare ulung i saf ni fare Kan Nthothup e ke taymed ni ngu’um ayuweged. Gimed e ngam pired ko galesiya rok Got ni bod e pi’in nma ayuweg e saf, ya girdi’en e galesiya rok Got e rmanged girdi’en Got u daken e yam’ ni tay Fak.

John 8:41

Ya gimed e gimed be rin’ e n’en ni i rin’ e chitamangimed.” Miyad fulweg ngak ni lungurad, “Gathi gamad pifak e muchugbil. Bay e Chitamangimad nri ta’reb, ni aram Got.”

Isaiah 43:7

Yad e girdi’ rog, ma gu sunumiyrad ni ngar ted fag.”

Psalms 149:2

Israel, nge felan’um, ni bochan e En ni Sunumiyem; girdi’ nu Zion, nge felfelan’med ni bochan e pilung romed!

Psalms 100:3

Dab mpaged talin i SOMOL ni ir Got! Ir e sunumegdad, ma bmil fadad ngak; gadad girdi’en, gadad fare ran’ i saf rok.

Deuteronomy 32:18

Ra paged talin e Got rorad, nib gel gelngin ni i ayuwegrad u pa’ e pi to’ogor rorad, ni en ni pi’ e yafos ngorad.

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

Deuteronomy 1:31

ngu lan fagi ted ni desert. Kam guyed rogon ni fekmed i yib ngam mada’gad ngaray ndariy ban’en ni buch romed, ri bod rogon ba matam ni be fek ba pagel ni fak.’

Jeremiah 5:21

Mu motoyilgad, gimed e girdi’ ni balyang ni manan’, ni bay owchamed machane damur guyed ban’en, ma bay telmed machane dabiyag ni ngam rung’aged ban’en.

Jeremiah 4:22

I SOMOL e ga’ar, “Girdi’ rog e yad ba ppinat; dar nanged gag. Yad bod e bitir nib balyang; ni de tamilang lanyan’rad. Yad ba salap i ngongliy e n’en nib kireb, machane dar nanged i ngongliy e n’en nib manigil.”

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Isaiah 1:2

I SOMOL e ga’ar, “Fayleng nge lanelang, mu telmew ko n’en ni gu be yog i gag SOMOL! Fapi bitir ni ug chuguluyrad e kar togopluwgad ngog.

Psalms 116:12

Be mang e rayag ni gu pi ngak SOMOL nge yan nga puluwon gubin e pin’en ni bfel’ nike rin’ ngog?

Psalms 95:6

Mired, ngad siro’gad ngak ngad ted fan; marod ngad ragbuggad u p’eowchen SOMOL, ni ir e sunumegdad!

Psalms 74:18

A SOMOL, dabi m’ay u wun’um ni be minmin e pi to’ogor rom ngom, ni bogni’ ni dariyfam u wan’rad ma dubrad gur.

BABYOR NI JOB 10:8

Rifrifen pa’am e ngongliyeg me chamiyeg, ma chiney e kagal raba’ i pa’ef nir e nge thangeg.

Exodus 15:16

Marus nge magar e mul nga dakenrad; bochan feni gel gelngin pa’am miyad duwgil u luwrad ni gowa ba malang, nge mada’ ko ngiyal’ nike yib e girdi’ rom kar thumurgad a SOMOL, ni fapi girdi’ ni kam pithigrad ko sib ni ur ted.

Exodus 4:22

Ma aram e thingar mog ngak ni Gag, fare SOMOL, e gu be ga’ar, ‘Israel e bin nganni’ i fakag ni pumo’on.

Deuteronomy 32:28

“Israel e ba nam ni dariy e leam rorad; ni dariy e gonop rorad.

2 Samuel 7:24

Kam tay yu Israel ni ngar pired ni yad e girdi’ rom ndariy n’umngin nap’an, me gur, SOMOL, e kam mang Got rorad.

Hosea 13:13

Israel e bay kanawo’en ni nge fos, machane rib gel feni balyang ni gathi ra yan ko re wo’nem, ni bod bbitir nike taw nga nap’an ni nga ni gargeleg, ma be siyeg ni nge yib nga wean!

Deuteronomy 14:1

“Gimed e girdi’ rok SOMOL ni ir e Got romed. Ngiyal’ ni gimed ra mowawnag ba yam’, ma dab ku mu raseyed dowmed fa mu puyed piyan lolugmed u m’on, ni bod nma rin’ boch e girdi’.

Isaiah 43:1

Israel, i SOMOL ni ir e sunumiyem e be ga’ar, “Dab mu rus, ya bay gu yoror rom. Kug pining fithingam, ya mmil suwom ngog.

Malaki 1:6

I SOMOL ni Gubin ma Rayag Rok e be ga’ar ngak e pi prist, “Pi’in bitir e yad ma liyor ko gal labthir rorad, nge pi tapigpig e yad ma liyor ko pi masta rorad. I gag e chitamangimed, ere mangfan ni damur liyorgad ngog? Dubmed gag, ma ke chiney ma gimed be fith ngog ni gimed be ga’ar, ‘Uw rogon ni dubmad gur?’