Deuteronomy 32:46 - Bible Ni Thothup

⁴⁶ me ga’ar, “Thingar mu folgad u urngin e pi thin ney ni kug pi’ ngomed e daba’. Mu weliyed ngak pifakmed, ya ngar folgad u urngin e machib rok Got u fithik’ e yul’yul’.

Deuteronomy 32:46 Referans Kwoze

1 Kronicles 22:19

Ere chiney e ngam pigpig ngak SOMOL ni Got rom u polo’ i gumircha’em nggu polo’ i lanin’um. Mu tabab i toy fare Tempel ya nge yag ni mu tay fare Kahol ko M’ag rok SOMOL nga langgin nge gubin fa pin’en nib thothup ni tatalin e liyor ngak.”

Ezekiel 40:4

Me ga’ar ngog, “Fak e girdi’, mu changar. Mu l’eg telim mag fal’eg i guy e tin nggu dag ngom, ya arfan ni kan fekem e ngaray. I gur e ngamog ngak e girdi’ nu Israel urngin e tin ngam guy.”

Deuteronomy 11:18

“Nge par u wun’med me fel’ u wun’med e pi motochiyel n’ey. M’aged nga pa’med nge nga peri’med nib puguran ngomed.

Hebrews 2:1

Aram fan nthingar da chichiiyed pa’dad ko fapi thin nib riyul’ ni kad rung’aged, nge siy da man’gad riy nga orel.

Luke 9:44

“Dab mpaged talin e n’en nggog ngomed! En ni Fak e Girdi’ e bay ni pi’ nga pa’ e pi girdi’ ni yad be yog e thin.”

Deuteronomy 4:9

Ngar mu ayuwgad! Ngar mu guyed rogon nge dab mpaged talin e tin kam guyed nga owchemed. Mu guyed rogon nge dabi m’ay u wun’med u n’umngin nap’an e yafos romed. Ngu’um weliyed ngak pifakmed nge pifak pifakmed

Deuteronomy 4:6

Ngar mu ted u gil’ e pi motochiyel nem, ya ra aram rogon ma ra guy e pi nam fanmed gonop nge feni tamilangan’med. Yad ra rung’ag murung’agen urngin e pi motochiyel ney mra lungurad, ‘Dakuriy girdi’en reb e nam ni bod feni gonop nge feni tamilangan’ girdi’en e re nam ney nib sorok!’

Deuteronomy 32:45

Fa’ani mu’ Moses i pi’ e thin rok Got ngak e girdi’,

Proverbs 12:28

Mat’aw e ir e kanawo’ ko yafos; ma kireb lanyan’ e ir e kanawo’ ko yam’.

Ezekiel 44:5

me ga’ar SOMOL ngog, “Fak e girdi’, mu tiyan’um ko tin ga be guy mag be rung’ag. Arame nggu weliy yalen nge gafalngin fare Tempel ngom. Mu tafanamiyen ko pi’in yira pag nga langgin nge sul nga wuru’ fare Tempel, nge pi’in ni dab ni pagrad.

Amos 5:4

Be ga’ar SOMOL ngak piyu Israel, “Mired ngog, mi gimed fos.

Deuteronomy 11:19

Mi gimed fil ngak pifakmed. Mu weliyed ngorad ko ngiyal’ ni gimed bay u tabnaw, nge ngiyal’ ni gimed bay u milekag, nge ngiyal’ ni gimed be toffan, nge ngiyal’ ni gimed be maruwel.

Psalms 78:5

Ke pi’ e motochiyel ngak e girdi’ nu Israel me motochiyel ngak e pi’in owchen Jakob. Me ta’chiylen ngak e pi ga’ rodad ni ngar machib niged e motochiyel rok ngak pifakrad,