Deuteronomy 32:21 - Bible Ni Thothup

²¹ Tayfan ni yad be tay ko pi liyos rorad e ke karing e puwan’ ngog, gu damumuw ni bochan e yad be meybil ngak yug boch e got ni gathi yad e got. Ere bay gu gagiyegnag ba nam nib balyang girdi’en ngar k’aringed e puwan’ ngorad, ba nam ndariy rogon e girdi’ riy e bay gu maruwel ngorad ngar damumuwgad ni bochrad.

Deuteronomy 32:21 Referans Kwoze

Roma 10:19

Nggu fith bayay ni nge lungug: De nang e girdi’ nu Israel fan? Moses e ir e som’on ni fulweg ni ga’ar: “Be ga’ar Somol, Bay gu muruwel ngak boch e girdi’ ndawor ra ngal’gad nreb e nam, ngar k’aringed e girdi’ rog ngar taliyaggad; bay gu muruwliy reb e nam nib balyang e girdi’ riy ngug k’aring e damumuw ko girdi’ rog.”

Roma 9:25

Ya ba’aray e n’en ni be yog u lan e babyor nib thothup ko Hosea ni be ga’ar: “Pi’in gathi girdi’ rog e bay gu piningrad ni yad e Girdi’ Rog, ma re nam nda i t’uf rog, e bay gu pining nike T’uf Rog.

1 Kings 16:26

Bod Jeroboam ni immoy ni bm’on rok, i k’aring e damumuw ngak SOMOL, ni fare Got nu Israel, ni bochan e pi denen rok nge ir ni i waliy e girdi’ nga fithik’ e denen nge tayfan ni i tay ngak yug boch e got.

1 Kings 16:13

Ni bochan e yad be tayfan yug boch e got ma ku bochan e yad be waliy yu Israel nga fithik’ e denen, i Baasha nge Elah ni fak ni pumo’on e ra k’arngew e damumuw ngak SOMOL, ni fare Got rok yu Israel.

Jonah 2:8

Pi’in yad be toer ngak fapi liyos ndabiyag ni ngar ayuwegned be’ e kar paged gur ni dakurir yul’yul’gad ngom.

Psalms 78:58

Ra k’aringed e damumuw ngak ko yungi n’en ni yad be tayfan boch e got riy, nge pi liyos rorad ni kari gelnag e damumuw ngak.

Deuteronomy 32:16

Me damumuw SOMOL ngorad ko kireb rorad, i talyeg nagrad ya ra chealgad ngu’ur tedfan e pi liyos.

Hosea 1:10

Piyu Israel e bay ra yo’orgad ngar boded e yan’ u maday, ndabiyag i the’eg ara ni foleg. Chiney e be ga’ar Got ngorad, “Gathi gimed girdi’eg,” machane bayib reb e rran ni bayi ga’ar ngorad, “Gimed pifak fare Got ni be par nib fos!”

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.

Psalms 31:6

Ga ba fananikay e pi’in yad ma tayfan e tin de riyul’ e got, machane gag e ba pagan’ug ngom.

1 Korinth 10:22

Fa gadad ba’adag ni ngad k’aringed e damumuw ngak Somol? Gimed be leamnag ma gadad ba gel ngak?

Acts 11:15

Ma fa’an gu tabab ko welthin, me yib fare Kan Nthothup nga dakenrad ni bod rogon ni yib nga dakendad ko som’on.

Jeremiah 8:19

Mmotoyil! Gu be rung’ag laman e girdi’ rog ni be yor u ga’ngin yang, “Gur dakimoy SOMOL u lan yu Zion? Gur pilung nu Zion e dekimo’ u rom?” I SOMOL ni pilung rorad e fulweg ni ga’ar, “Mangfan ni gimed be k’aring e damumuw ngog ko pi liyos romed ni gimed be tay fan nge siro’ ni gimed be tay ko pi got romed nu bang ni dariy fan?”

Jeremiah 10:8

Yad gubin ni yad ba pinat ma yad bbalyang. Mang e yad ra fil rok e liyos ni ren?

1 Samuel 12:21

Dab um leked e pi got ni go’ bogi ban’en; ya dabiyag ni ngar ayuweged gimed fa ra ayweged e pogofan romed, ni bochane gathiyad e bin rriyul’ e got.

Acts 14:15

“Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Deuteronomy 32:17

Ma yad be pi’ e maligach ngak pi got ni go’ bogi ban’en, bogi got nda i meybil yu Israel ngorad, ma da i fol piyu Israel rorad.

1 Kings 14:22

Ma girdi’ nu Judah e ra denengad nib togopluw ngak SOMOL ur rin’ed boch ban’en nge thum’ ngaru’ e tin i rin’ e pi chitamangirad kakrom, ngar k’arnged SOMOL ngari damumuw ngorad.

2 Kings 17:15

Miyad siyeg ni ngar folgad ko pi gafal rok, miyad pi’ keru’rad ko fare m’ag ni ngongliy SOMOL u thilrad e pi chitamangirad kakrom, miyad sabalbalyang ko pin’en ni be ginangrad riy. Mu ur tedfan e pi liyos nib m’ayfan ngki m’ayfarad, miyad un nga yalen e pi nam ni bay u to’obrad i yan, ni da ku ra folgad ko n’en ni yog SOMOL ngorad ni ngar folgad riy.

Jeremiah 5:7

I SOMOL e fith ni ga’ar, “Gur mangfan ni nggu n’ag fan u wun’ug e denen rok e girdi’ rog? Yad e ka ra n’aged gag yad be tay fan boch e got nde riyul’. Ku gu durwi’iy e girdi’ rog karfos gad, machane yad be par e girdi’ ni gathi mabgol rorad ke ga’ forad ngak e ppin ni yad ma falchuway’ ngorad.

Jeremiah 7:18

Pi’in ni bitir e yad be kunuy e l’ud, me k’oreg e pumo’on e nifiy, me aruy e ppin e flowa ni ngar lithed ni fan ngak fare got ni bpin nike lungurad e ir e Queen nu tharmiy. Ma ku yad be pi’ e garbod ni maligach ngak yugu boch e got, ni fan e nge kireban’ug.

1 Kings 14:9

Pi denen ni kam rin’ e ba gel e kireb riy ko tin ni i rin’ e pi’in ni ur gagiyeggad ni yad m’on rom. Kam pi’ keru’um ngog ma kam k’aring e damumuw ngog ko pi liyos ni ga be ngongliy nge ya’an bogi ban’en nni ngongliy ko wasey ni yibe tayfan.

2 Kings 17:11

ma kar urfiyed e incense u daken gubin fapi altar rok e pi’in ndar nanged SOMOL, ni yad be un ko pin’en ni be rin’ e pi girdi’ nike tulufrad SOMOL nga wuru’ fare nam. Kar puged e damumuw rok SOMOL nga urngin e ngongol rorad nib kireb

2 Kings 21:6

Me maligachnag be’ nib pagel ni fak nib maligach ni mo’oruf. Mi i un i yi’iynag e n’en ni bayi buch me un ko pig nge pi sathuw, tmanwol, nge pi tapong thagith. I denen nrib gel nib togopluw ngak SOMOL me pug e damumuw rok.

2 Kings 22:17

Ya kar pi’ed keru’rad ngog yad be pi’ e maligach ngak yugu boch e got, ere kar k’aringed e damumuw ngog ko urngin e tin yad be rin’ nib kireb. Damumuw nike yib ngog nib togopluw ngak yu Jerusalem e bod ba nifiy ni be daramram nib gel ni dabiyag ni ngan thang.

Isaiah 65:3

Darir tamra’gad ngay ni kar pired ni yad be k’aring e damumuw ngog. Yad be pi’ e gamanman ni maligach ko yungin ni bay yu chuwo’ i gek’iy riy ni taliw rok e pi’in ndar nanged gag, ma yad be urfiy e incense u daken e pi altar rok e pi’in ndar nanged gag.

Jeremiah 2:11

Dariy yug reb e nam ni ka’a thilyeg e pi got rok, ni yug aram rogon ni gathi bogi got nib riyul’, machane girdi’ rog e ka ra thiliyeged gag nga yug boch e got ni dariy ban’en nrayag ni ngar rin’ed ngorad ni yug aram rogon ni gag fare Got ni gu tay farad.

Jeremiah 18:15

Girdi’ rog e chiney e ka ra paged talig; yad be urfiy e incense ngu’ur pi’ed ko pi got ni go’ bogi ban’en. Yad be dol’dol’ ko re pa’ i kanawo’ ni yad be yan riy, kar paged e yu pa’ i kanawo’ rorad ni kakrom; yad be yan u yu yang ni gathi kanawo’.

Ezekiel 8:3

Me k’iyag ban’en ngog ni bod rifrifen pa’ be’ nge malle’ nga piyen lolugeg. Kab pig owcheg me chibiyeg e kan nthothup rok Got nib tolang nge fekeg nga Jerusalem. I fekeg ko bin lel’och e garog ko Tempel nga langgin e yoror ko gin bay ba liyos riy ni rib tharthar nga mit Got.