Deuteronomy 32:15 - Bible Ni Thothup

¹⁵ “Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

Deuteronomy 32:15 Referans Kwoze

Deuteronomy 31:20

Bay gu fekrad ngalan e re nam nem nib madnom ma ba yong’ol e but’ riy, ni bod ni gu micheg ngak pi chitamangirad kakrom. U rom e rayag ngorad riy urngin e ggan ni yad ba’adag, ma bay ur pired ni bfel’ rogorad. Machane bay ra pi’ed keru’rad ngog ngu’ur tedfan yugu boch e got. Bay ra dabuyedgag miyad th’ab fare m’ag ni kug ngongliy u thilmad,

Hosea 13:6

Machane fa’an mmarod ngalan fare nam ni bfel’, mi gimed abich ngam fosgad, mi gimed ufanthin ngam paged talig.

Psalms 89:26

Bayi ga’ar ngog, ‘I gur e chitamag nge Got rog; gur e yoror nge ta’ayuw rog.’

Deuteronomy 33:5

Me mang SOMOL e pilung rok e girdi’ rok ni er yu Israel ko fa ngiyal’nem ni mu’ulung nga ta’bang e pi ganong rorad nge pi’in yad ma yog e thin rorad.

Acts 28:27

Ya laniyan’ e pi girdi’ ney e ke man; ma kar ninged lan telrad, ma kar uchumiyed lan owcherad. Ya fa’an mang e n’en ma ke guy lan owcherad ban’en, ma ke rung’ag lan telrad ban’en, ma ke tamilangan’rad, ma ke yag nra pigichealgad ngog ngug gol nagrad.’ Ara — rogon ni yog Got.”

1 Samuel 2:29

Ere mangfan ni gimed be chogownag e pi maligach nge pin’en ni yibe pi’ ngog ni gag e gog ni nga ni pi’? Eli, mangfan ni kam m’oneg fa gal pumo’on ni fakam rog kam pagrow kar sugsuggow ko yu ngin nth’abi fel’ ko pi maligach ni be pi’ e girdi’ rog ngog?

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Jeremiah 5:28

ma ka ra sugsug gad ya bfel’ e darwo’ ngorad. Ma dariy folen e kireb ni yad be rin’. Darir pi’ed mat’wun e pi’in kanim’ rorad fa rdaged ni bfel’ e rok e pi’in ni yibe gafgow nagrad.

Isaiah 44:2

I gag SOMOL e gu sunumiymed; ngiyal’ ni gimed bay u mayal ma gu be ayuwegmed. Dab mu rusgad; ya gimed e tapigpig rog, gu mel’egmed ni gimed ba t’uf rog.

Isaiah 6:10

Me ga’ar ngog, “Mu mur’mur’nag lolugen e pi girdi’ ney, ma ga ning telrad nge owcherad, nge dab ku ra guyed ara rrung’aged ban’en ara ra nanged fan ban’en. Ya ra dangay ma yad ra yib ngog miyad gol.”

Isaiah 1:4

Ka mu riya’gad, gimed girdi’en ba nam ni gimed ba sug ko denen ma kam mak’gad nga but’ ko kireb! Ka mu n’iged SOMOL, ni ir fare Got nib thothup nu Israel, ma kam pi’ed keru’med ngak.

Psalms 95:1

Mired, ngad pininged e sorok ngak SOMOL! Ngad tang niged Got u fithik’ e felfelan’, ya ir e be yororiydad!

Psalms 73:7

gumircha’rad e be thang’el e kireb riy nga but’, ma leam rorad e ke suguy e kireb nike m’ay i t’ar liyben rorad.

Nehemiah 9:25

Girdi’ rom e ra koled e pi binaw ni ka ni yororiy ni fan ko mael, nge binaw nib yong’ol, nge naun nib sug ko machaf, nge luwed nike m’ay i ker, nge gek’iy ni olive, nge gek’iy ni yima kay wom’ngin, nge yungi woldug ni grapes. Mu ur ked urngin e tin yad ba’adag ni ngar ked ngar pired ni kar sugsuggad; mi i felfelan’rad ko urngin e pin’en ni bfel’ ni mu pi’ ngorad.

2 Samuel 22:47

I SOMOL e be par nib fos! Nga ni pining e sorok ngak e en ni be yoror rog! Got e be’ nib gel ni be ayuweg e pogofan rog! Nga ni weliy ngak e girdi’ feni sorok!

Deuteronomy 33:26

Gimed yu Israel, ndariy reb e kan ni bod e Got romed, ma yan u lanelang ni be galgael ram’en, ma yib i kuruf e manileng nge yib i ayuwegmed.

Deuteronomy 32:6

Mog, arrogon ngongolmed ngak SOMOL, gimed e pi balyang nir ni dariy e gonop romed? Ir e chitamangimed, me ir e sunumiymed, me ir e gagiyeg nagmed kam manged ba nam.

Deuteronomy 31:16

Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.

Acts 9:5

Me fith ni ga’ar, “Somol, i gur mini’?” Me ga’ar fare lam, “I gag Jesus, ni ir e ga be gafgownag.

Jeremiah 5:7

I SOMOL e fith ni ga’ar, “Gur mangfan ni nggu n’ag fan u wun’ug e denen rok e girdi’ rog? Yad e ka ra n’aged gag yad be tay fan boch e got nde riyul’. Ku gu durwi’iy e girdi’ rog karfos gad, machane yad be par e girdi’ ni gathi mabgol rorad ke ga’ forad ngak e ppin ni yad ma falchuway’ ngorad.

Jeremiah 2:5

Be ga’ar SOMOL: “Be mang e ren’en nib kireb ni pir’eg e pi chitamangimed rog, nike gagiyeg nagrad ka ra pi’ed keru’rad ngog? Ur meybilgad ngak bogi liyos nib m’ay fan mranod ra pired nike m’ayfarad.

Psalms 119:70

Pi cha’ney e dariy ban’en ni yad manang fan, machane gag e gu be pir’eg e felfelan’ u lan e motochiyel rom.

Psalms 18:46

I SOMOL e bay nib fos! Ke sorok e en ni ta’ayuw rog. Mu weliyed murung’agen feni sorok fare Got ni ayuwegneg.

Psalms 17:10

dariy e marunguy rorad, mab tolang e thin rorad.

Judges 10:6

Miki denen piyu Israel bayay nib togopluw ngak SOMOL ngu’ur ted fan fapi kan ni Baal nge pi ya’an Astartes, nge pi got rok yu Syria, Sidon, Moab, Ammon, nge Filistia. Ra n’aged SOMOL miyad pag ni da kur liyorgad ngak.

1 Kronicles 5:25

Machane fapi girdi’ e da ur yul’yul’gad ngak e Got rok e pi chitamngirad kakrom miyad digey ngu ur tedfan e pi got rok e pi girdi’ nike tulufrad Got nga wuru’ fare nam.

2 Kronicles 26:16

Machane nap’an ni par Uzziah ni Pilung nike gel gelngin me tolngan’, ma aram tapgin me mul pa’ ko pilung. I dariyfannag SOMOL ni Got rok ni bochan e yan ngalan fare Tempel ni nge urfiy e incense u daken fare altar ko incense.

Psalms 81:11

“Machane girdi’ rog e dar motoyilgad ngog; yu Israel e dar folgad rog.

Jeremiah 2:31

Gimed e girdi’ nu Israel, mu telmed ko mang e gu be yog. Gur ka’a gu bod bangi desert ngomed, ara ba nam nib lumor ma ba yo’or e maad’ad riy? Ere mangfan ni gimed be yog ni ngu’um rin’ed e n’en ni gimed ba’adag, ma gimed e dab ku mu sulod ngog?

2 Kronicles 12:1

Yug nap’an ni m’ug nike fel’ rogon e lung ni be tay Rehoboam, me ir nge girdi’ rok e go’ ra digeyed e Motochiyel rok SOMOL.

Nehemiah 9:26

“Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;

Psalms 89:27

Bay gu tay ni ir e bin nganni’ i fakag, me ir e th’abi ga’ u fithik’ urngin e pilung.

Psalms 100:3

Dab mpaged talin i SOMOL ni ir Got! Ir e sunumegdad, ma bmil fadad ngak; gadad girdi’en, gadad fare ran’ i saf rok.

Isaiah 43:1

Israel, i SOMOL ni ir e sunumiyem e be ga’ar, “Dab mu rus, ya bay gu yoror rom. Kug pining fithingam, ya mmil suwom ngog.

Jeremiah 2:32

Gur rayag rok be’ ni bpin ni kab rugod ni nge pag talin e churwa’ rok nib tolang puluwon, ara pag be’ ni bpin ni nge mabgol talin e mad rok ko m’agpa’? Machane girdi’ rog e ka ra paged talig nike yo’or i yo’or e rran ndabiyag i the’eg.

Ezekiel 14:5

Gubin fapi liyos ni kar pingeged yu Israel kar pi’ed keru’rad ngog, machane gu be athapeg ni fulweg rog e ra sulweg lanin’rad ngog.

Hosea 4:7

“Ra be yo’or e prist, ma aram e fini be yo’or e denen ni yad be ngongliy nib togopluw ngog. Tayfan ni yibe tay ngorad e bay gu pingeg ngar pired nike m’ayfarad.