Deuteronomy 31:6 - Bible Ni Thothup

⁶ Mu pired ni gimed ba muduwgil ni dabi marweran’med. Dab mu tamdaggad ngorad. Ya Got romed, ni aram SOMOL e bayi un ngomed; dabi pagmed ngam waergad ma dabi n’agmed.”

Deuteronomy 31:6 Referans Kwoze

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”

Efesus 6:10

Kab aray ta’a ban’en: ngam ta’ab girdi’gad ngak Somol ngi i gel nagmed nga gelngin nrib gel.

Psalms 27:14

Mu pagan’um ngak SOMOL! Nge michan’um ngak, dabi mulan’um. Mu pagan’um ngak SOMOL!

1 Kronicles 28:20

Me ga’ar David ni Pilung ngak Solomon ni fak, “Nge pagan’um me muthan’um. Mu tabab ko maruwel ma dab mu pag ban’en nge talegem. I SOMOL ni Got, ni ir e gu ma pigpig ngak e bayi par rom. Dabi pagem, machane ra par rom nge mada’ ko ngiyal’ ni kam mu’ i muruwliy fare Tempel rok.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Luke 12:32

“Gimed e chi ulung ney e dab mu tamdaggad! Ya Chitamangimed e ba’adag ni nge pi’ e gin nsuwon ngomed.

2 Timothy 2:1

Me gur, fakag, e ngam fek gelngim ko ayuw ni be pi’ Got ngodad u daken e ta’ab girdi’ ni kad ted Kristus.

Psalms 27:1

I SOMOL e tamilang rog me ir e bay rog ni be ayuwegneg i yan; dab gu rus ngak be’. SOMOL e be yororiyeg ko riya’; ere dab gu tamdag.

Joshua 10:25

Ma aram me ga’ar Joshua ko fapi ga’ ko salthaw rok, “Dab mu rusgad ara mulan’med. Mu duwgiliyed lanin’med me pagan’med, ya ba’aray e n’en ni bayi rin’ Somol ngak urngin e to’ogor romed.”

Deuteronomy 7:18

Dab mu rusgad ngorad, ma dab mpaged talin e n’en ni rin’ SOMOL ni Got romed ngak fare pilung nu Egypt nge girdi’en e nam rok.

Deuteronomy 20:1

“Nap’an ni gimed ra yan ni mael ngak e pi to’ogor romed mi gimed guy e chariot nma girengiy e os, nge os, nge barba’ i salthaw ni yad bayo’or ngomed, ma dab mu rusgad ngorad. Ya SOMOL ni Got romed nike fekmed nga wuru’ yu Egypt e bay romed.

1 Kronicles 22:13

Fa’an ga ra fol u gubin e pi motochiyel ni pi’ SOMOL ngak Moses ni fan ngak yu Israel, mra fel’ rogom. Mu gelnag lanin’um me pagan’um, dab mu pag ban’en nge k’aring e marus ngom.

Deuteronomy 31:23

Ma aram me ga’ar SOMOL ngak Joshua nib mo’on ni fak Nun, “Mu par ni gab muduwgil ni dabi marwaer lanin’um. Bay mu gafaliy e girdi’ nu Israel ngalan fare nam ni ku gu micheg ngorad, ma bay gu un ngom.”

Deuteronomy 1:29

“Machane me lungug ngomed, ‘Dab mu rusgad ngak e pi girdi’ nem.

Hebrews 13:5

Dabi m’on e salpiy u lanin’med, ma ngam pired ni nge fel’ u wun’med e tin ni bay romed ban’en. Ya ke yog Got nike ga’ar, “Ri dab gu pagem; ma ri dab gu n’igem.”

1 Korinth 16:13

Mu ayuwgad, mpired ni gimed bmuduwgil u fithik’ e michan’ romed ngak Kristus, dab mu rusgad, mpired ni gimed ba gel.

Isaiah 51:12

I SOMOL e be ga’ar, “I gag e cha’ ni gu pi’ gelingmed. Ere mangfan ni gimed be rus ko girdi’, ni bod e pan ni dar ma n’uw nap’an.

Deuteronomy 4:31

I SOMOL ni Got romed e ba Got ko runguy. Dabi n’agmed fa thang owchemed. Ya dabi pag talin fare m’ag ni ngongliy u thilin pi chitamangimed nge ir.

Haggai 2:4

Machane chiney e dariy bigmed ni nge mulan’. Mmarwelgad ya gu bay romed.

1 Kronicles 28:10

Thingar mu nang ni SOMOL e ke mel’egem ni ngam toy e Tempel rok nib thothup. Ere mu ngongliy e chiney ni dab mu sulsul riy nga tomur.”

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

2 Kronicles 32:7

“Nge muthan’med me pagan’med, ma dab mu rusgad ngak fare pilung nu Assyria ara fa raba’ i salthaw ni be gafaliy. Ba gel gelngin e ba’ rodad ko ba’ rok.

Deuteronomy 31:7

Me pining Moses Joshua me ga’ar ngak u p’eowchen urngin e girdi’ nu Israel, “Mu par ni ga ba muduwgil ni dabi marweran’um; ya gur e ngam gafaliy e pi girdi’ ney ngam marod ngalan e re nam nem ni SOMOL e micheg ngak pi chitamangirad.

Numbers 14:9

Dab mu togopluwgad ngak SOMOL, ma dab mu rusgad ngak e girdi’ ni be par u rom. Rib mom ni gadad ra gel ngorad. I SOMOL e ba’ rodad ma ke gel ngak e pi kan ni be yoror rorad; ere dab mu rusgad.”

Zekariah 8:13

Gimed e girdi’ nu Judah ngu Israel! Kakrom e pi girdi’ nu bang e mang ba yaba’ ngorad ni bayi n’en me ga’ar bagyad ngak bagyad, ‘Mang e yigi aw fare riya’ ni aw nga daken yu Judah ngu Israel ngom!’ Machane bay gu aywegmed, ma aram e fa pi girdi’ nu bang e bay u roged ngorad ni ngar ga’ar gad, ‘Mang e yigi yag ngom e pi tow’ath ni yag ngak yu Judah ngu Israel!’ Ere nge pagan’med ma dab mrusgad.”

Genesis 28:15

Dab mu pag talin, ni bay ug un ngom ngu’ug yoror rom ko yungi n’en ni ga be yan riy, ma bay gu fulwegnem ko re nam ney. Dab gu pagem nge mada’ ko ngiyal’ ni kug ngongliy urngin e tin kugog ngom ni bay gu rin’.”

Numbers 13:20

Mi gimed guy rogon ngam nanged ko ba yong’ol e but’ riy ma ba sug ko gek’iy fa danga’. Mi gimed athamgil ngam feked i yib ngaray boch e wom’ngin e gek’iy ko re nam nem.” (Ngiyal’ i n’em e ke el wom’ngin e grape.)

Deuteronomy 11:8

“Mu folgad u urngin e tin kug taychilen ngomed e daba’. Ma aram e rayag ni ngam th’abed e lul’ nga barba’ ngam tafned fare nam nike chugur ni ngam thum’gad nga langgin.

Deuteronomy 31:8

I SOMOL e bay i pow’iyem i yan ma be un ngom. Dabi pagem ngam waer ara n’agem. Ere dabi mulan’um ara mu rus.”

1 Kings 6:13

Bay gu par u fithik’ e girdi’ rog nu Israel u lan e re Tempel ni ga be toy, ma dab gu n’agrad.”

1 Kings 8:57

Mang e yigi par rodad SOMOL ni Got rodad ni bod ni i par rok pi chitamangidad ni kakrom; mang e yigi dabi pagdad ara n’agdad;

Jeremiah 1:8

Dab mu tamdag ngorad, ya bay ug un ngom ngu’ug yoror rom. I Gag SOMOL e kugog e pi thin ney!”

Jeremiah 32:40

Bay gu ngongliy ba m’ag ni dariy n’umngin nap’an u thilmad. Dariy bingyal’ ni gu ra tal i ngongliy e tin fel’ ni fan ngorad, ma bay gu gagiyeg nagrad nge yib madgug u polo’ i lanin’rad, ya nge dakuriy liben miyad pi’ keru’rad ngog.

Genesis 26:24

Ma fa’ani nep’ riy me yib i m’ug SOMOL ngak me ga’ar, “I Gag e Got rok e chitmam i Abraham. Dab mu tamdag; ya gu bay rom. Bay ug tow’ath nigem mug yo’ornag e pi’in bayib ni owchem, ni bochan e arrogon ni gumcheg ngak Abraham ni tapigpig rog.”

1 Samuel 12:22

SOMOL e ke micheg ndabi n’agmed, ya ke duwgiliy u wan’ ni ngam manged girdi’en.

2 Samuel 10:12

Mu gelnigem mag athamgil! Mman ngad chamgow nib gel ni fan ngak e girdi’ rodow ma fan ko pi binaw rok e Got rodow. Ma tin ba’adag SOMOL e ngan rin’!”

1 Kings 2:2

“Ke taw nga nap’an ni nggum’. Mpar ni gab mudugil nrogon e pilung,

Psalms 94:14

I SOMOL e dabi n’ag e girdi’ rok; ma dabi fek owchen ko pi’in nib milfarad ngak.