Deuteronomy 30:6 - Bible Ni Thothup

⁶ SOMOL ni Got romed e bay i gagiyegnag lanin’med nge laniyan’ e pi’in ni owchemed ngu’um folgad, ya ngu’um pired ni kari t’uf SOMOL romed u polo’ i gum’ircha’med ngu polo’ i lanin’med nge n’uw nap’med ni mu pired.

Deuteronomy 30:6 Referans Kwoze

Deuteronomy 10:16

Ere chiney i yan nga m’on e ngu’um folgad rok SOMOL ma ngam paged e gelan’.

Jeremiah 32:39

Bay gu ta’rebnag lanin’rad nge ta’reb rogon ni ngu’ur liyor gad ngog ni gubin ngiyal’, ni fan ngorad nge fan ngak e pi’in ni owcharad.

Kolose 2:11

Taab girdi’ ni mu ted Kristus e aram e kan maad’ad ngomed, ni gathi maad’ad nma tay e girdi’ ngak e girdi’, machane rogon e maad’ad nma tay Kristus ngak e girdi’, ni aram e ke lufdad u gelngin e re dowef rodad ney nib tadenen.

Jeremiah 4:4

Mu ted u tagil’ e m’ag u thildad, I Gag SOMOL romed, mi gimed og nagmed ngog, gimed e girdi’ nu Judah ngu Jerusalem. Fa’anra dab mu rin’ed, ma damumuw rog e ra yik ni bod e nifiy ni bochan ngongolmed nib kireb. Ra daramram ma dariy be’ nra thang.”

Deuteronomy 6:5

Ngari t’uf SOMOL ni Got rom u polo’ i leam rom, ngu polo’ i lanin’um, ngu polo’ i gelngim.

1 John 4:7

Pi tafager rog ni gimed ba t’uf rog, nge bagadad me t’uf rok bagadad, ya rogon ni nge t’uf Got rodad nge girdi’ e yib rok Got ngodad. En nib t’uf Got rok nge girdi’ e ir be’ ni fak Got, ma manang Got.

2 Korinth 5:17

Ngiyal’ nra ta’ab girdi’ be’ nge Kristus e aram e ngiyal’ nike mang fa’anem reb e girdi’ nib be’ech ni ka fin nsunumeg: bin kakrom i ir e ke chuw, ma bin nib be’ech i ir e ke yib i m’ug.

Matthew 22:37

Me fulweg Jesus ni ga’ar, “ ‘Thangri t’uf rom Somol ni ir e Got rom u polo’ i gum’ircha’em, ngu polo’ i lanin’um, ngu polo’ i leam rom.’

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

1 Korinth 8:3

Machane en nib t’uf Got rok e manang Got fa’anem.

Roma 11:26

Aray rogon ni bayi thap yu Israel ni polo’ ngak Got, ni bod ni be yog e babyor nib thothup ni be ga’ar: “En nma thapeg e girdi’ ngak Got e bayi yib u Zion, ma bayi chuweg urngin e wok nge tafinay nib kireb rok e pi’in yad owchen Jakob.

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

Exodus 20:6

Machane pi’in ni gu bt’uf rorad ma yad ma fol ko pi motochiyel rog e gu ra dag e t’ufeg rog ngorad ni bbiyu’ e mfen.

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

Jeremiah 24:7

Bay gu pi’ ngorad ba leam ni ngar chogow niged ni ngar nanged ni gag SOMOL. Ma bay ra manged girdi’eg, ma bay gu mang Got rorad, ni bochan e bay ra sulod ngog u polo’ i gumircha’rad.

Levitikus 18:5

Mu folwokgad ko tin kug duwgiliy ni ngu’um rin’ed nge pi motochiyel ni kug pi’ ngomed; gimed ra rin’ ni aray rogon migmed par ni dabi buch banen romed. I Gag SOMOL.”

Deuteronomy 11:1

“Thangri t’uf romed SOMOL ni Got romed, mi gimed fol ko urngin e motochiyel rok ni gubin ngiyal’.