Deuteronomy 30:5 - Bible Ni Thothup

⁵ ngam tafnayed e re nam ney ni i par pi chitamangimed riy kakrom. Ma bayi gagiyeg nagmed nge gel e fel’ rogon romed ngam yo’orgad ngak pi chitamangimed.

Deuteronomy 30:5 Referans Kwoze

Jeremiah 29:14

Aram rogon ni kugog, gimed ra pir’egeg ma gu ra fulwegmed ko nam romed. Bay gu kunkunuymed u urngin e nam nge urngin yang ni ug weregmed riy, ma bay gu fulwegmed ko fare but’ ni ba’aram ni gu fekmed riy nggu pi’med nga Babylon. I Gag SOMOL e gu be non.’

Numbers 10:29

Me ga’ar Moses ngak Hobab nib mo’on ni fak Jethro nu Midian ma le’engin be’ ni bpin ni walagen Moses, “Chiney e aram e ke chugur ni nggu chuwgad u roy nggu warod ko fare gin’en nike yog SOMOL ni bayi pi’ ngomad. Ke micheg SOMOL nra tow’athnag yu Israel nge fel’ rograd, ere mu’un ngomad, ma tin nra fel’ rogomad riy e gamad ra pi’ boch ngom.”

Deuteronomy 7:13

Bay mu pired ni gimed ba t’uf rok mi i fal’eg wa’athmed, ma be yo’ornagmed, ma be yo’or pifakmed; me fal’eg rogon e woldug romed nge yib e ggan ngay ni pire’, ni grain nge wayin nge gapgep ni olive, me pi’ e garbaw nge saf ngomed ni pire’. Bayi pi’ ngomed urngin e pi fel’ rogon ney u lan e re nam nem ni micheg ngak pi chitamangimed ni kakrom ni bayi pi’ ngomed.

Deuteronomy 13:17

Dab mu cha’riyed ban’en ni ngam faned ko fapi chugom ni kan turguy ni ngan gathey, nge yag ni pi’ SOMOL keru’ ko damumuw rok nrib gel nge dag e runguy rok ngomed. Bayi runguymed me yo’or nagmed, ni bod ni micheg ngak e pi ga’ romed ni kakrom.

Psalms 119:68

Rigab manigil — ma gab gol! Mu fil ngog e tin kamog ni ngan rin’.

Jeremiah 30:3

ya bay ba ngiyal’ ni bayi taw ngay ni nggu fulweg e girdi’ rog ni piyu Israel ngu Judah. Bay gu fulwegrad ko fare but’ ni gu pi’ ngak e pi chitamangirad kakrom, ma bay i milfan ngorad bayay. I Gag SOMOL e gu be non.”

Jeremiah 33:9

Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Ezekiel 36:11

Bay gu yo’ornag e girdi’ nge garbaw. Bay mu yo’orgad nga rogon ni umed nsom’on, ma bay i yo’or pifakmed. Ma bay gu pagmed ngam pired u rom ni bod ni um pired ko som’on, ma bay ggelnag e fla’ab romed. Ma aram e bay mu nanged ni Gag fare SOMOL.

Ezekiel 36:37

I SOMOL ni Th’abi Tolang e be ga’ar, “Bay gon’ daken. Bay gu gagiyegnag yu Israel ngar weniggad ngog ni nggu ayuwegrad. Bay gu gagiyeg nagrad ngar pire’ gad ni bod ba ran’ i saf.