Deuteronomy 30:2 - Bible Ni Thothup

² Fa’an gimed ra sul, nge pi’in owchamed, ngak SOMOL u polo’ i lanin’med ni ngam folgad ko tin ni yog ni ir e gu be weliy ngomed e daba’,

Deuteronomy 30:2 Referans Kwoze

Nehemiah 1:9

Ma fa’an gimed ra sul ngog ngu’um folgad ko tin gog ngomed ni ngu’um rin’ed, ma gu ra fulwegmed ko gin gag e kug turguy ni ngu’un liyor ma yibe meybil ngog riy, ni yugu aram rogon ni kam wergad kam mada’gad ko gin ni mus e fayleng ngay.’

Lamentations 3:40

Ngad fal’egned i yaliy e pi kanawo’ rodad ma gadad sul ngak SOMOL.

1 John 1:9

Ma fa’an gadad ra weliy e denen rodad ngak Got mrayag ni ngad pagan’gad ngak, ya tin nib mat’aw e ra rin’ — ya ra n’ag fan u wan’ e denen rodad me be’ech nagdad u urngin e kireb ni kad ngongliyed.

Efesus 6:24

I Got e ngi i ayuweg urngin e pi’in nib t’uf rorad e Somol rodad i Jesus Kristus, ma rogon nib t’uf rorad e nge dabi math bi’id.

2 Korinth 3:16

Machane ra nchuweg, ni bod rogon nike yog e babyor nib thothup ni be ga’ar: “Nchuweg e mad u mit Moses ko ngiyal’ ni cheal nge sap ngak Somol.”

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Lamentations 3:32

Yug bay i feke kireban’ i yib ngodad, machane t’ufeg rok ngodad e rib mich ma ba gel.

Jeremiah 29:13

Gimed ra gayeg ma gimed ra pir’egeg ni bochan e gimed be gayeg u plo’ i gumicha’med.

Jeremiah 4:14

Jerusalem, mu luknag e kireb u gumircha’em, ya nge yag ni mu thap. Bu uw n’umngin nap’an ni ngu’um par ni ga be leamnag e tin kireb ban’en?

Jeremiah 3:10

Ma tomuren e pin’ey ni gubin, ma Judah ni walagen Israel ni bpin, e i dake be’ nike sul ngog; ma gathi aram rogon u lanyan’. I Gag SOMOL e gu be non.”

Psalms 119:80

Mang e yigi fel’ rogon ni ngu’ug fol ko pi motochiyel rom ya nge dab gu tamra’ ko me’waer rog.

Psalms 41:12

Bay mu ayuwegneg, ni bochan e gu be rin’ e n’en ni bfel’; bay um teg u p’eowchem ni dariy n’umngin nap’an.

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

1 Kronicles 29:9

I pi’ e girdi’ e pin’ey ngak SOMOL nrib m’agan’rad ngay, ma ri yad ba felfelan’ ngay ni bo’or ban’en ni kan pi’. Me David ni Pilung e riki felfelan’ nib gel.

Deuteronomy 13:3

ma dab mu telmed ngak, ya SOMOL ni Got romed e be maruwel ngak ni nge sikeng nagmed, nge guy ko rib t’uf SOMOL romed u polo’ i gumircha’med fa dangay.

Deuteronomy 6:5

Ngari t’uf SOMOL ni Got rom u polo’ i leam rom, ngu polo’ i lanin’um, ngu polo’ i gelngim.

2 Kronicles 30:9

Fa’an gimed ra sul ngak SOMOL, ma aram e pi’in ni ka ra feked e girdi’ romed ngabang ni bogi kalbus e yad ra runguy ya’arad ngar pagedrad ngar sulod nga taferad. I SOMOL ni Got romed e ba gol ma ba murunguy, ma fa’an gimed ra sul ngak, ma gimed ra fel’ u wan’.”

Psalms 119:2

Nge falan’ e pi’in yad ma folwok ko tin keyog, ni pi’in yad ma fol rok u polo’ i lanin’rad.

Jeremiah 36:3

Ya dabisiy nra rung’ag piyu Judah murung’agen urngin e riya’ ni ku gu finey ni ngu fek nga dakenrad, ma aram e dabisiy ni yad urngin ni yad ra pi’ keru’rad ko kireb ni yad be ngongliy. Mu gu n’ag fan u wun’ug e kireb rorad nge denen rorad.”

Ezekiel 6:9

ni aram e yungin ni bay un kalbus nagrad riy. U rom e bay gub riy ngan’rad miyad nang ni gag e kug gechig nagrad ma kug m’aynag farad, ni bochan e dag mich u wan’rad kar pi’ed keru’rad ngog kar m’oneged e pi liyos u wan’rad ngog. Bay ra dabuyed yad ni bochan e kireb rorad nge tin ni de mat’aw ni karrin’ed.

Levitikus 26:40

“Machane pi’in owchemed e bay ra puwofay niged e denen rorad nge denen rok e pi chitmangirad kakrom ni u ra gel niged lanin’rad mu’ur togopluwgad ngog,