Deuteronomy 30:19 - Bible Ni Thothup

¹⁹ Kug pining e tharmiy nge fayleng ni ngar mangew mich romed e daba’, ya kug tay nga puluwmed e yafos nge yam’, fel’wa’athan nge buchwa’athan; ni gimed e ngam mel’eged. Mmileg’ed e yafos.

Deuteronomy 30:19 Referans Kwoze

Deuteronomy 30:15

“Daba’ e kug pagfan ngomed ni nge mang gimed e mu duwgiliyed ko fel’ fa kireb, ara yafos fa yam’.

Deuteronomy 11:26

“Daba’ e kug pag ngomed ni nge mang gimed e mel’egned e fel’wa’athan ara buchwa’athan

Psalms 119:30

Ku gu turguy ni nggu fol; Kar gu l’eg owcheg ko tin ka mu tiriggiliy.

Proverbs 8:36

Ma en ndabi piri’egeg e ra i gafgownag ir; ma en ni be fanenikayeg e ba’adag e yam’.”

Deuteronomy 30:1

“Kug pagfan ngomed ni gimed e ngam duwgiliyed ko fel’wa’athan fa buchwa’athan e nge yib ngomed. Nap’an nra yib e pin’ey ngomed ni gimed be par ko pi nam i yan ni SOMOL ni Got romed e ke weregmed riy, ma nge yib ngan’med e pi thin ney ni kugog.

Luke 10:42

machane ri ta’reb e ir e dabisiy ni nge yag. Me Maria e ke mel’eg e bin ni ir, ma dab ni fek rok.”

1 Timothy 5:21

Ri gu be non ngom u p’eowchen Got, nge Kristus Jesus, nge pi engel nib thothup ni ngam fol ko pi thin ney, ma urngin ban’en ni ga ra ngongliy ma dab mu dabuy daken be’ ara mu fol ngak be’.

Jeremiah 32:39

Bay gu ta’rebnag lanin’rad nge ta’reb rogon ni ngu’ur liyor gad ngog ni gubin ngiyal’, ni fan ngorad nge fan ngak e pi’in ni owcharad.

Deuteronomy 4:26

Fa’anra dab mu folgad rog, ma gu be pining e tharmiy nge fayleng e daba’ ngar mangew mich nib togopluw ngomed, ni dabi n’uw nap’an min thang owchamed u daken e re nam nem. Ma, re nam nem u ba’ nem e Jordan ni aray e ngam marod mpired ngay e, dabi n’uw napmed riy. Ya bay ni thirifmed u but’.

Psalms 119:173

Gubin ngiyal’ ma kam fal’eg rogom ni ngam ayuwegneg, ni bochan e gu be folwok ko tin kamog.

Acts 2:39

Ya tow’ath ni micheg Got ni bayi pi’, e gimed e nge yag ngomed nge pifakmed, nge ngak urngin e pi’in yad ba mal’af, ni yad urngin e pi’in be piningrad Somol ni Got rodad ngak.”

Deuteronomy 31:28

Mu ulunguyed nga p’eowcheg urngin e pi ilal ko pi ganong romed, nge pi tolang romed, ya nge yag ni gu weliy ngorad e pi thin ney; bay gu non ngak e tharmiy nge fayleng ngar mangew mich rog nib togopluw ngorad.

Psalms 119:111

Pi motochiyel rom e fanag ndariy n’umngin nap’an, nma pi’ e felfelan’ ngalan gumircha’eg.

Deuteronomy 32:1

“Fayleng nge lanelang, mu telmew ko thin rog, mu uthumew telmew ko tin nggog.

Isaiah 1:2

I SOMOL e ga’ar, “Fayleng nge lanelang, mu telmew ko n’en ni gu be yog i gag SOMOL! Fapi bitir ni ug chuguluyrad e kar togopluwgad ngog.

Proverbs 1:29

Gimed be par ndariyfan u wun’med e gonop nge llowan’, ma gubin ngiyal’ ni gimed be siyeg ni ngam folgad rok SOMOL.

Isaiah 56:4

I SOMOL e ga’ar ko mitnef e girdi’, “Fa’anra ga be liyor ngog ga be un i tay fan e Sabbath ma ga be rin’ e tin nib magan’ug ngay ma gab yul’yul’ ko fare m’ag rog,

Genesis 2:17

ma kemus ni fare ke gek’iy nma tamilangnag an’uy ko tin ni bfel’ nge tin kireb e dab mu koy. Thangri dab mu koy wom’ngin. Ya rofen ni ga ra kay e ga ra yim’.”

Deuteronomy 4:1

Me ga’ar Moses ngak e girdi’ nu Israel, “Ngu’um folgad u urngin e pi motochiyel ni ba’aray ni nggu fil ngomed, ni ngu’um pired ni dabi buch ban’en romed, mi gimed par u lan fare nam ni SOMOL ni Got rok pi chitamangimed e bayi pi’ ngomed.

Deuteronomy 4:6

Ngar mu ted u gil’ e pi motochiyel nem, ya ra aram rogon ma ra guy e pi nam fanmed gonop nge feni tamilangan’med. Yad ra rung’ag murung’agen urngin e pi motochiyel ney mra lungurad, ‘Dakuriy girdi’en reb e nam ni bod feni gonop nge feni tamilangan’ girdi’en e re nam ney nib sorok!’

Deuteronomy 30:16

Fa’anra um folgad ko tin keyog SOMOL ni Got romed ngomed ni ir e kug weliy ngomed e daba’, fa’anra t’uf SOMOL romed ma gimed be fol rok nge urngin e pi motochiyel rok ma aram e ra i fel’ rogomed mi gimed mang ba nam ni pire’ e girdi’ riy. I SOMOL ni Got romed e bay i ayuwegmed u lan e re nam ni ngam marod ngay ngam pired riy.

Jeremiah 21:8

Ma aram me yog SOMOL ngog ni nge lungug ko girdi’, “Mmotoyilgad! I Gag SOMOL e ku gu pi’ mat’awmed ni ngam mel’egged e bin bu uw e kanawo’, bin ni yan ko yafos fa bin ni yan ko yam’.

Deuteronomy 4:25

“Yug ra kam pired u lan e re nam nem nike n’uw nap’an nike yib pifakmed nge fak pifakrad, ma dab mu denengad ngam ngongliyed ba liyos ni demturug ko ya’an e mang. Biney e rib kireb u mit SOMOL, mra k’aring e damumuw ngak.

Deuteronomy 6:2

N’umngin nap’an e yafos romed, ni gimed nge pi’in owchemed e ngu’um pired ni bay madgun SOMOL ni Got romed u wun’med ma gimed be fol u urngin fapi motochiyel rok ni nggu pi’ ngomed, ya nge yag ni n’uw nap’an ni um pired ko fare nam.

Deuteronomy 31:17

Nap’an nra yodorom, ma bay gu damumuw ngorad; mu gu n’agrad ngan thirifrad u but’. Pire’ e gafgow nib gel ni bay yib ngorad, ma aram e bay ra nanged nike yib e pin’em ngorad, ya gag ni Got rorad e da kug moy rorad.

Proverbs 9:11

Gonop e ra puthuy boch e duw ko yafos rom.

Proverbs 12:28

Mat’aw e ir e kanawo’ ko yafos; ma kireb lanyan’ e ir e kanawo’ ko yam’.

Jeremiah 42:21

Ma are chiney e kugog ngomed, ma damur folgad u gubin e tin ni l’ogeg SOMOL ni Got rodad ni nggog ngomed.

Ezekiel 20:11

Gu pi’ ngorad e thin rog ma gu fil e motochiyel rog ngorad, nra fek e yafos i yib ngak e en nra fol riy.