Deuteronomy 30:17 - Bible Ni Thothup

¹⁷ Machane fa’anra dab mu folgad ma dab mu motoyilgad, ma bay ni waliymed nga orel ngu’um tedfan yug boch e kan,

Deuteronomy 30:17 Referans Kwoze

Hebrews 3:12

Pi walageg ni girdi’en Kristus: mu ayuwgad nge par ndariy be’ u fithik’med nib kireb e leam rok ma der michan’, ya ri pi’ keru’ ngak Got ni be par nib fos.

2 Timothy 4:4

Ma bay ra pi’ed keru’rad ko tin nib riyul’ ndab kur rung’aged me mang yat e ra tiyan’rad ngay.

Proverbs 1:32

Girdi’ ndawori yo’or ban’en nikar guyed e yad be yim’, ya bochan e yad be siyeg e gonop. Girdi’ ni pinat e yad be yim’, ni bochan e dariy ban’en ni bay fan u wan’rad.

Hebrews 12:25

Ere, mu ayuwgad, ma dab mu dabuyed ni ngam telmed ngak e en ni be non. Ya pi’in ra dabuyed ni ngar motoyilgad ngak e cha’ ni ir e i yog e thin rok Got u roy u fayleng e de yag ni ngar thaygad ko gechig. Ere fa’an gadad ra pi’ keru’dad ngak e cha’ ni ir e be non u tharmiy ngodad, ma ra di’in ma gadad thay ko gechig!

Proverbs 14:14

Girdi’ ni kireb e ra sul taban e kireb rorad ngorad. Girdi’ nib manigil e yad ra fek puluwon e gafarig rorad ni bfel’.

1 Kings 11:2

I le’engiyrad ni yug aram rogon nike yog SOMOL ngak piyu Israel ndab ra mabgolgad ngak e pi girdi’ ney, ni bochan e yad ra pingeg yu Israel ngar tedfan yug boch e got.

1 Samuel 12:25

Machane fa’anra um pired niki gimed be denen i yan, ma bay nthirifmed u but’ nge pilung romed.”

Deuteronomy 17:17

Fare pilung e dabi yo’or le’engin, ya irera’ e n’en nra k’aring nge pi’ keru’ ngak SOMOL; ma ku dabi marweliy ni nge fel’ rogon ko silber nge gol.

Numbers 32:15

Fa’anra gimed e girdi’ rok Ruben nge Gad e gimed be siyeg ni ngam folgad rok SOMOL e chiney, ma bay i n’ag bayay urngin e pi girdi’ ney u roy u daken e ted, ma gimed tapgin e riya’ ni nge aw ngorad.”

Deuteronomy 30:16

Fa’anra um folgad ko tin keyog SOMOL ni Got romed ngomed ni ir e kug weliy ngomed e daba’, fa’anra t’uf SOMOL romed ma gimed be fol rok nge urngin e pi motochiyel rok ma aram e ra i fel’ rogomed mi gimed mang ba nam ni pire’ e girdi’ riy. I SOMOL ni Got romed e bay i ayuwegmed u lan e re nam ni ngam marod ngay ngam pired riy.

Deuteronomy 30:18

gu be micheg ngomed u roy e chiney nib muduwgil ni yira thirifmed u but’, ma dabi n’uw nap’med u lan e re nam nem ni bay nga ba’nem e Jordan, ni bay mmarod ni ngam pired riy.

Deuteronomy 11:16

Dab mu paged gimed ngan waliymed nga orel rok SOMOL ni bochan e gimed be tayfan ma gimed be pigpig ngak yug boch e got.

Joshua 22:15

Rabad ko fare binaw nu Gilead, ko girdi’ rok Ruben, nge Gad, nge ley ni Ngek e Manasseh,

1 Samuel 12:21

Dab um leked e pi got ni go’ bogi ban’en; ya dabiyag ni ngar ayuweged gimed fa ra ayweged e pogofan romed, ni bochane gathiyad e bin rriyul’ e got.